Bota

Vala e të nxehtit 'pushton' edhe Italinë, 40 gradë Celsius në Sardenjë

Rajoni ishullor i Sardenjës do të jetë i pari që do të përjetojë të nxehtin, me temperatura që në fillim të javës në zonat e brendshme do të arrijnë deri në 40 gradë.

19 Qershor 2023, 15:08 Nga a.l
Vala e të nxehtit 'pushton' edhe Italinë, 40 gradë
Foto ilustruese

ITALI- Vala e parë e të nxehtit për këtë pritet të godasë sot Italinë. Temperaturat pritet të rriten në 40 gradë Celsius në Sardenjë dhe do të arrijnë 33-37 gradë Celsius në zona të tjera të vendit. Lajmi u bë i ditur nga Shoqëria Meteorologjike Italiane (Smi), shkruajnë mediat italiane. 

Rajoni ishullor i Sardenjës do të jetë i pari që do të përjetojë të nxehtin, me temperatura që në fillim të javës në zonat e brendshme do të arrijnë deri në 40 gradë. Nga mesi i javës temperaturat do të jenë rritur edhe në zonat e brendshme të Tirrenit, veçanërisht në Toskana dhe Lacio, si dhe në Pulia dhe Basilicata, duke arritur në 33-37 gradë ose më shumë.

Gjithsesi, nga e enjtja pritet avari në sistemin e presionit të lartë në veri, me shtrëngata në Lombardinë e sipërme, në Triveneto dhe në përgjithësi në verilindje dhe temperatura maksimale do të bjerë në 27-30 gradë.

Në vend të kësaj, moti i nxehtë do të vazhdojë në jug dhe në ishujt kryesorë, me temperatura maksimale 35 gradë. Të shtunën, moti më i freskët dhe reshjet e shiut parashikohen në Emilia Romagna, me rrezik të mundshëm për përmbytje të vogla në zonat ku rrjetet e kullimit janë ende të bllokuara me mbeturina dhe baltë pas përmbytjeve dhe rrëshqitjeve të dheut në maj. 

itali

Sondazh

Poll

MË SHUMË