Bota

Kosovë/ "Provokojnë situatën", KFOR nuk lejon ministrat të takojnë kryetarët e komunave në veri

KFOR ka marrë vendim për të mos lejuar ministrat dhe zyrtarët e lartë shtetërorë të vizitojnë kryetarin e ‘bllokuar’ në Lepasoviç, pasi mund të provokojnë situatën.

19 Qershor 2023, 12:00 Nga f.i
Kosovë/ "Provokojnë situatën", KFOR nuk lejon ministrat
KFOR

KOSOVË- Kontrolli i trupave të KFOR vazhdon të jetë "i ashpër" në komunë e Leposaviç. Pas ndalimit KFOR ka lejuar policinë e Kosovës që të kalojë.

Mediat vendase raportojnë se KFOR ka marrë vendim për të mos lejuar ministrat dhe zyrtarët e lartë shtetërorë të vizitojnë kryetarin e ‘bllokuar’ në Lepasoviç, pasi mund të provokojnë situatën.

Situata në komunat në veri të Kosovës vazhdon të jetë e tensionuar, pas arrestimit të tre policëve të Kosovës në veri të vendit nga Serbia. Efektivët kanë dale para gjykatës serbe dhe janë lënë në paraburgim për 30 ditë. Përfaqësuesi i Lartë i BE-së, Josep Borrell pas arrestimit të tre policëve të Kosovës në veri të vendit nga forcat serbe, njoftoi se do të mbahet javën e ardhshme një takim urgjent në Bruksel mes Albin Kurtit dhe Aleksandër Vuçiç, për zgjidhjen e krizës. Presidenti i Serbisë, Aleksandër Vuçiç ka refuzuar të marrë pjesë në takimin e caktuar nga Borrell, ndërsa kryeministri i Kosovës është akoma i pavendosur për një diskutim me Vuçiç në Bruksel./Dosja.al

tensionet në veri të kosovës

Sondazh

Poll

MË SHUMË