Bota

Gjyqi i ri ndaj Navalnyt do të nisë brenda burgut

Kritiku i Kremlinit hedh poshtë të gjitha akuzat, që thotë se janë të motivuara politikisht. Gjyqi aktual ka nisur më 6 qershor, po deri më tani janë zhvilluar vetëm çështje procedurale prapa dyerve të mbyllura.

19 Qershor 2023, 11:51 Nga k.m.
Gjyqi i ri ndaj Navalnyt do të nisë brenda burgut
Foto ilustruese

Një gjyq kundërthënës ndaj kritikut të Kremlinit, Aleksei Navalny, pritet të nisë të hënën, tha avokati i tij.

Navalny veçse ka mbajtur dy prej nëntë vjetëve të një dënimi paraprak dhe përballet edhe me akuza të reja, për të cilat mund të dënohet deri në 30 vjet burgim.

Gjyqi mbahet në verilindje të Moskës, në rajonin Vladimir.

Ai përballet me shtatë akuza të reja, përfshirë themelim dhe financim të një organizate ekstremiste dhe minimizimit të nazizmit.

Kritiku i Kremlinit hedh poshtë të gjitha akuzat, që thotë se janë të motivuara politikisht. Gjyqi aktual ka nisur më 6 qershor, po deri më tani janë zhvilluar vetëm çështje procedurale prapa dyerve të mbyllura.

Nga e hëna pritet që gjyqi të jetë publik, megjithatë në të nuk do të lejohen të marrin pjesë gazetarët, thanë avokatët e tij.

Navalny u helmua me agjentin nervor, Noviçok, gjatë një udhëtimi për në Siberi verën e vitit 2020. Ai ka akuzuar presidentin rus, Vladimir Putin, dhe shërbimet e inteligjencës së Rusisë se qëndrojnë prapa helmimit. Pas trajtimit mjekësor në Gjermani, ai u kthye në Rusi. Me të arritur në Rusi ai u arrestua.

Organizatat ndërkombëtare të të drejtave të njeriut thonë se Navalny është i burgosur politik./REL

arrestimi i alexei navalny aleksei navalny

Sondazh

Poll

Bota 19 Qershor 2023, 09:49 k.m.

Futbollisti brazilian grabitet në Greqi

Foto ilustruese GREQI- Futbollisti i njohur i Olympiacos-it, Rodney Marcelo de Almeida, i njohur si Rodney, është grabitur gjatë natës....

MË SHUMË