Sport

MotoGP/ Martìn fiton mbi Bagnaia, ‘hat-trick’ i Ducatit në Grand Prix të Gjermanisë!

Piloti spanjol fitoi në Sachsenring në fund të një gare të luftuar me motoçiklistin italian

18 Qershor 2023, 16:47 Nga DOSJA

MotoGP/ Martìn fiton mbi Bagnaia, ‘hat-trick’ i Ducatit

GJERMANI - Jorge Martìn fiton GP-në e Gjermanisë, raundin e shtatë të sezonit MotoGP. Në Sachsenring, në një garë pa Marc Marquez, i cili humbi para fillimit, motoçiklisti spanjol i ekipit Ducati Pramac, triumfoi në fund të një garë të ashpër me Ducatin e Francesco Bagnaia, i cili u "kënaq" me vendin e dytë përpara Zarcos me një Desmosedisi. 

Ishte një finale emocionuese e një gare që i dha emocione Ducatit nga fillimi në fund. Një tjetër ‘hat-trick’, një tjetër Grand Prix që do të organizohet për motorrat nga Borgo Panigale, të cilët, pas treshes në Mugello, përsëriten edhe në Sachsenring, në një garë që pa Martìn dhe Bagnaia, të këmbejnë pozicionet fundore. 

Në fakt, në Gjermani, spanjoli kishte epërsinë, duke vendosur një bis, pas suksesit të arritur në ‘garën e sprintit’ të shtunën, pikërisht përballë Bagnaia. Një garë që pa Martìnator dhe Pecco të këmbyen disa herë pozicionin e liderit, me parakalimin vendimtar që erdhi gjashtë xhiro nga fundi për Ducati Pramac, që vendosi turbon drejt suksesit. 

Në kthesat e fundit, italiani nuk u dorëzua, por në sprintin e fundit, pa Martìn të buzëqeshë, duke e vendosur motorrin e tij para atij të kampionit të botës me vetëm 64 të mijëta. Johann Zarco pushtoi shkallën e tretë të podiumit, siç ndodhi tashmë në Mugello, duke e vënë Ducati Pramac të tij përpara atyre të dy pilotëve të VR46,  Bezzecchi dhe Marini.

Performancë e shkëlqyer nga dy skuadrat e ‘Doktorit’, të cilët përfituan nga përplasja e Brad Binder në xhiron e 19-të për t'u rikthyer në krye dhe për të dalë përpara. KTM-ja tjetër e Millerit, e cila pati një fillim të shkëlqyer, përfundoi në vend të gjashtë. Në fakt, pas RC16, janë tre Desmosedicis të tjerë, përkatësisht ata të Alex Marquez, Enea Bastianini dhe Fabio Di Giannantonio, të cilët mbyllin “Top 10” përpara Miguel Oliveira me Aprilia. 

Duke parë klasifikimin e përgjithshëm, siç u përmend, Bagnaia mbetet lider me 160 pikë, por sheh që diferenca me Martìn që e ndjek të ulet (144) në 16 pikë. Pasojnë Bezzecchi dhe Zarco, përkatësisht me 126 dhe 109 pikë, ndërsa i pari jo-Ducati është KTM i Binder, i cili është 64 pikë pas Bagnaia.

MotoGP/ Martìn fiton mbi Bagnaia, ‘hat-trick’ i Ducatit

B.T (Dosja.al)

Sondazh

Poll

MË SHUMË