Sport

"Gjithçka fillon nga koka!" Paul Pogba, i sinqertë për periudhën e tij të makthit

Paul Pogba (30 vjeç) u transferua nga Juventusi nga Manchester United, si lojtar i lirë, një vit më parë.

18 Qershor 2023, 13:00 Nga DOSJA
"Gjithçka fillon nga koka!" Paul Pogba, i sinqertë

ITALI - Mesfushori francez nuk ka mundur të luajë shumë për Juventusin që nga rikthimi i tij, pasi është mbajtur jashtë fushës nga dëmtimet, që i janë përsëritur sa herë që ai është kthyer në fushë. Paul Pogba së fundmi ka dhënë një intervistë, në të cilën ka folur për periudhën e vështirë që ka kaluar. 

Kampioni i botës 2018 deklaroi se e kuptoi që faktori psikologjik është jashtëzakonisht i rëndësishëm në momente të tilla dhe se ka ndikuar në periudhën e mungesave të tij. 

Paul Pogba ka pësuar gjashtë dëmtime që nga kthimi te Juventus, duke humbur 53 ndeshje për ‘Zonjën e Vjetër’. 

“Testi më i madh i jetës sime. Muajt ​​e fundit më kanë bërë të evoloj jashtëzakonisht shumë. Unë kalova dhjetë vjet në shtatë muaj. Kur nuk ndihesh mirë mendërisht, trupi yt të ndjek. Të gjitha dëmtimet që kam përjetuar, mendoj se të gjitha vijnë nga koka. 

Sinqerisht, është mendore. Pastaj, kur i kuptova të gjitha këto, arrita të reagoja vërtet. Bëra një hap prapa dhe mendova për veten time, për mirëqenien time. 

Ky sezon ishte një përvojë e jashtëzakonshme për mua, mund të jetë e dobishme në të ardhmen.  Kam ndërruar ekip, jam dëmtuar. Është e vërtetë që ishte e komplikuar, edhe jashtë fushës. Por kuptova se gjërat e rëndësishme për mua janë shëndeti im, të luaj futboll, familja ime dhe të fokusohem në këto. Trupi im është mjeti i punës sime dhe luksi më i madh që mund të keni në jetë është shëndeti”,- tha Paul Pogba sipas “Gazzetta dello Sport”. 

B.T (Dosja.al)

Sondazh

Poll

MË SHUMË