Bota

'Ma kërkoi Macron dhe Scholz'/ Osmani zbardh takimin me Vuçiç në Moldavi: Ishte formal dhe jo negociues! Ankohej dhe nuk tregonte të vërtetën

Osmani gjithashtu theksoi se gjatë takimit iu kërkuan zgjedhje të reja në veri. 

2 Qershor 2023, 13:11 Nga a.l
'Ma kërkoi Macron dhe Scholz'/ Osmani zbardh takimin me
Vjosa Osmani

KOSOVË- Presidentja e Kosovës, Vjosa Osmeni tha në një konferencë për media pas samitit të dytë të liderëve të Komunitetit Politik Evropian se takimi me Vuçiçin ishte një kërkesë nga presidenti Macron dhe kancelari Scholz. Ajo tha se ishte një takim informal dhe jo negociues. Osmani gjithashtu theksoi se gjatë takimit iu kërkuan zgjedhje të reja në veri. 

“Nuk kisha asnjë plan të takohesha me Vuçiqin. Sigurisht, dialogu në mes Kosovës dhe Serbisë është i vazhdueshëm në Bruksel…ishte mjaft një insistim që nga mëngjesi nga shumica e liderëve evropian dhe sigurisht, si presidentja e njerëzve të Kosovës dua të tregoj konstruktivitetin që është një virtyt i popullit tonë, të tregojmë vullnetin se mund të flasim me të gjithë…kjo nuk është hera e parë që e gjejmë vetën me Vuçiqin në një takim të tillë. Por më duhet të them se ky takim, i cili ishte një takim me insistimin e presidentit Macron dhe kancearit Scholz, kërkesë e tyre të cilën e respektova duke qenë se janë disa nga aleatët tanë më të afërt, nuk ishte një takim negociues por një shkëmbim pikëpamjesh. Mund të them se Vuçiq shkëmbeu pamjet, ai vajtonte dhe ankohej dhe sigurisht nuk tregonte të vërtetën që është një virtyt i tij duke qenë ministri i propagandës së Vuçiq”, tha ajo.

Osmani bëri të qartë se veriu mbetej një kryetemë në takimet e saj me liderët evropiane. Ajo theksoi është kritike që Serbia të ndalojë mbështetjen e këtyre grupeve kriminale që po shkaktojnë pjesën më të madhe të problemeve në veri, gjë të cilën thotë se kërkoi edhe nga vet Vuçiç në takim. 

vjosa osmani

Sondazh

Poll

MË SHUMË