Politike

"Premtoi helenizimin e Himarës, të nisin hetimet"/ Shpëtim Idrizi reagon ashpër për intervistën e Fredi Belerit: Po cënohet integriteti territorial

Kjo pasi sipas Shpëtim Idrizit me deklaratat e bëra nga Fredi Beleri po shkelet integriteti territorial i vendit dhe Kushtetuta e Shqipërisë.

9 Maj 2023, 22:29 Nga k.m.
"Premtoi helenizimin e Himarës, të nisin hetimet"/
Fredi Beleri dhe Shpëtim Idrizi

TIRANË- Kryetari i Partisë për Drejtësi, Integrim dhe Unitet ose shkurt PDIU, Shpëtim Idrizi, ka reaguar në lidhje me një intervistë të dhënë nga kandidati i koalicionit “Bashkë Fitojmë” për bashkinë e Himarës, Fredi Bejleri për median greke "Protothema". Përmes një postimi në Facebook, Idrizi u shpreh se asnjë kandidat i ligjshëm nuk do të guxonte të përfshinte në platformën e tij elektorale helenizimin e Himarës, madje ka kërkuar edhe nga institucionet e drejtësisë shqiptare që të reagojnë. Kjo pasi sipas Shpëtim Idrizit me deklaratat e bëra nga Fredi Beleri po shkelet integriteti territorial i vendit dhe Kushtetuta e Shqipërisë.

POSTIMI I PLOTË:

Fredi Beleri- Himara s’je ti

Refuzova ta mendoja si të vërtetë fillimisht intervistën e Fredi Belerit për gazetën greke Protthotema, sepse asnjë kandidat I ligjshëm nuk do guxonte të fliste e të shtronte si platform të tijën helenizimin e Himarës… Intervista vazhdonte kur flisnin për Vorio Epirin si një koncept natyral e askush nuk fliste për atë faqe turpi të Republikës së Zoografit e faktit që Vorio Epiri qëndron në themel të filozofisë genocidiale ndaj shqiptarëve, konceptit të megaloidesë. Më së pari më duhet ti them këtij palaços së Dules se Himara është tokë shqiptare ,qe ne kohen e  mbretit Zog, Shqiperia i ka njohur zonat minoritare të përcaktuar në Finiq e  dhe Himara as ka qene e as do jetë ndonjëherë zonë minoritare,sepses ka anje kontiunitet metokeor me Greqine. Himara  eshte  dheu i burrave dhe grave shqiptarë që kanë ditur të ruajnë shqiptarinë si pakkush tjetër. Së dyti, i kujtoj këtij individi të akuzuar për masakrën e Peshkëpisë të vitit 1995 dhe i dënuar me vendimin nr 224/24.9.2004 nga gjykata e Vlorës dhe më numër 302/26.12.2006 për dhunim të simboleve kombëtare se tezat e helenizimit të Shqipërisë dhe ajo kriminale e Vorio Epirit do marrin përgjigjen e duhur nga Himariotët më 14 maj. Urgjentisht nxisim organet e drejtësisë të nisin hetimin për ide të tilla qe cenojne integritetin territorial, Kushtetuten e tentojne tjetërsimit historik e kulturor të jugut të vendit. Fredis Beleris…. Akoma nuk e kuptojmë se si ka ende parti politike Shqiptare që guxojnë të kandidojnë individë të tillë me të shkuar kriminale, por dimë që përballë ke gjithë ato burra dhe gra për të cilët Atdheu dhe Kombi është amaneti që Ii la Zoti kur I solli në tokë. E më së fundi një thirrje vëllazërore…. Ti japim përgjigjen e merituar këtij andarti të kohëve moderne e ti vëmë fre cdo ideje të rrezikshme shoviniste të atyre që e kanë ende në duar gjakun e martirëve të Ҫamërisë.

fredi beleri shpëtim idrizi zgjedhjet lokale 14 maj 2023

Sondazh

Poll

MË SHUMË