Bota

"Nuk po gjykohet UÇK-ja, por çfarë kanë bërë katër ish-krerët"/ Prokurori i Speciales: Disa nga dëshmitarët kanë frikë

Ai është shprehur se një prej çështjeve më të ndjeshme të këtij rasti ka të bëjë me frikësimin e dëshmitarëve.

3 Prill 2023, 11:36 Nga A.B
"Nuk po gjykohet UÇK-ja, por çfarë kanë
Alex ëhiting

HAGË- Prokurori Alex ëhiting në seancën e zhvilluar ndaj ish-katër krerëve të UÇK-së është shprehur se akuzat kanë të bëjnë me ata dhe jo me gjithë UÇK-në. Gjatë fjalës së tij, ai tha se akuzat janë ngritur vetëm për ish-krerët e UÇK-së.

“Kjo çështje gjyqësore nuk kërkon të procedojë UÇK-në dhe nuk akuzon të gjithë anëtarët e saj. Akuzat ngrihen kundër katër vetëve. Shumica e anëtarëve të UÇK-së nuk kishin të bënin fare me krimet për të cilat është ngritur aktakuza”, ka thënë ëhiting.

Ai është shprehur se një prej çështjeve më të ndjeshme të këtij rasti ka të bëjë me frikësimin e dëshmitarëve. Sipas tij, disa prej dëshmitarëve që do të paraqiten në seancë gjatë procesit gjyqësor do të kenë “frikë” që të tregojnë për ato që kanë përjetuar.

Çfarë po ndodh sot?

Sot në Gjykatën e Hagës, që prej orës 09:00, ka nisur gjykimi ndaj katër ish-krerëve të lartë të UÇK-së, që akuzohen nga Dhomat e Specializuara dhe Zyra e Prokurorit të Specializuar në Hagë për krime lufte dhe krime kundër njerëzimit.

Ish-presidenti i Kosovës, Hashim Thaçi, ish-kryeparlamentarët Kadri Veseli, dhe Jakup Krasniqi, dhe ish-deputeti Rexhep Selimi, deklarojnë se janë të pafajshëm për 4 akuza për krime lufte dhe 6 akuza për krime kundër njerëzimit. Ata ndodhen në paraburgimin e Gjykatës Speciale që prej vitit 2020. Një grup shqiptarësh janë mbledhur para gjykatës në Hagë për të protestuar e kërkuar lirimin e tyre./Dosja.al

kosova ne hage alex whiting

Sondazh

Poll

MË SHUMË