Sport

Zgjodhi Messin para Benzemas, Alaba tregon arsyet e votës së tij 'kontroverse'!...

Kapiteni i Austrisë, David Alaba, e vendosi Lionel Messin përpara Karim Benzemas në renditjen e FIFA ‘The Best’. Ai ka këmbëngulur të thyente heshtjen!

28 Shkurt 2023, 10:38 Nga DOSJA
Zgjodhi Messin para Benzemas, Alaba tregon arsyet e votës së tij

FRANCE - Një ceremoni është gjithmonë e diskutueshme. Ndërsa ceremonia e FIFA “The Best” e vendosi Argjentinën në qendër të vëmendjes, me ‘Albicelestet’ që fituan të gjitha çmimet individuale për meshkuj.

Kjo nuk mungoi të shkaktojë polemika, veçanërisht në lidhje me sezonin e Real Madridit. Por një votë në veçanti, ka filluar t'i bëjë njerëzit të mërziten në kryeqytetin spanjol: kryesisht bëhet fjalë për atë të David Alabas. 

Ish-mbrojtësi i Bayern Munich dhe kapiten i Austrisë, ka zgjedhur Lionel Messin përballë shokut të tij të klubit Karim Benzema. I kritikuar nga disa tifozë madrilènë, ai vendosi të thyente heshtjen, duke siguruar se ishte një vendim kolektiv nga ana e ekipit të tij dhe jo individual.

“Sa i përket çmimit më të mirë të FIFA-s: Kombëtarja austriake voton për këtë çmim si ekip, jo vetëm unë. Të gjithë në këshillin e ekipit mund të votojnë dhe kështu është, të gjithë, veçanërisht Karimi, e dinë sa shumë e admiroj unë atë. Unë e kam thënë shpesh se për mua, ai ishte sulmuesi më i mirë në botë dhe ai ende është... Pa dyshim."

B.T (Dosja.al)

Sondazh

Poll

MË SHUMË