Sport

Një tjetër “yll” i futbollit botëror akuzohet për përdhunim, Prokuroria pariziene nis hetimet për Achraf Hakimin e PSG-së…

Siç zbulon “Le Parisien”, ndaj Achraf Hakimit është hapur një hetim për përdhunim. Një femër 24-vjeçare tha se ishte përdhunuar më 25 shkurt, në shtëpinë e lojtarit në Boulogne-Billancourt. Ajo nuk ka bërë denoncim, por prokuroria ka marrë masa.

27 Shkurt 2023, 23:49 Nga DOSJA
Një tjetër “yll” i futbollit botëror akuzohet

FRANCE - Zyra e prokurorit publik të Nanterre (Hauts-de-Seine) hapi një hetim për përdhunim të hënën, duke synuar mbrojtësin maroken të Paris Saint-Germain, Achraf Hakimi, tha një burim i njohur me çështjen për AFP.

Hetimi iu besua Sigurimit të Territorit, pas akuzave nga një 24-vjeçare, e cila tha se ishte dhunuar më 25 shkurt në shtëpinë e lojtarit në Boulogne-Billancourt, tha burimi i njohur me këtë çështje. E kontaktuar nga AFP, zyra e prokurorit të Nanterres refuzoi të komunikonte për këtë aferë, duke shprehur keqardhjen se "informacioni i publikuar tashmë" në shtyp "minon hetimet e nevojshme për shfaqjen e së vërtetës".

Sipas të njëjtit burim pranë rastit, kjo grua shkoi të dielën në një stacion policie në Val-de-Marne për të denoncuar aktin e përdhunimit. Ajo nuk ka bërë ankesë. Zyra e prokurorit publik Créteil hapi një hetim dhe më pas e transferoi procedurën në Nanterre, qyteti i Boulogne-Billancourt, ku do të kishin ndodhur faktet në Hauts-de-Seine.

Në bazë të raportimeve të mediave, marokeni dhe “viktima” janë njohur nëpërmjet rrjetit të njohur social, Instagram më 16 janar dhe mbrëmjen e 25 shkurtit, Hakimi fton vajzën në shtëpinë e tij, e cila ndodhet në zonën Boulogne-Billancourt, në periferi të Parisit.

Sipas raportimit të vajzës, Hakimi dyshohet se kundër dëshirës së saj ka kërkuar me ngulm të kryejë marrëdhënie seksuale, pavarësisht kërkesave të saj të vazhdueshme për të ndaluar. Për policinë franceze, vajza ka thënë se ka arritur të largohet, pasi e ka goditur me shqelma futbollistin dhe i ka kërkuar ndihmë një shokut të saj, i cili ka shkuar për ta marrë në vendngjarje.

I kontaktuar nga L'Équipe, PSG dhe rrethi i lojtarit deri më tani nuk kanë reaguar. Të dielën, Achraf Hakimi nuk mori pjesë në ndeshjen OM-PSG (0-3) për shkak të një dëmtimi në kofshë.

B.T (Dosja.al)

Sondazh

Poll

MË SHUMË