Politike

Berisha: McGonigal u ushtroi presion prokurorëve të SPAK, kërkonte arrestimin tim me ngulm, ma thanë vetë

Berisha tha se atij i kanë shkuar informacione nga brenda SPAK-ut. 

9 Shkurt 2023, 22:04 Nga F.M
Berisha: McGonigal u ushtroi presion prokurorëve të SPAK,
Sali Berisha

TIRANË- Kryedemokrati Sali Berisha ka deklaruar se ish-agjenti i FBI-së Charles McGonigal ka kërkuar arrestimin e tij. I ftuar në "Now", Berisha tha se McGonigal ka kërkuar me ngulm arrestimin e tij dhe se ka ushtruar presion mbi prokurorët. I pyetur për burimin e informacionit, Berisha tha se atij i kanë shkuar informacione nga brenda SPAK-ut. 

"Presion dhe presion të madh. Ai kërkonte arrestimin e Sali Berishës, madje me ngulm. Nga burime të brendshme të vetë SPAK i kam këto informacione. Nse mua më vijnë informacione dhe të tjerët s'i dinë, çfarë të bëj, t'i fsheh? Unë do i them, do i them se kanë interes publik këto gjëra,"- tha Berisha.

Ç’ndodhi me dosjen e McGonigal?

Mbi një javë më parë, FBI arrestoi ish-zyrtarin e lartë të kësaj strukture, Charles McGonigal. Në dosje shkruhet e zeza mbi të bardhë se McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Rama mohon të ketë lidhje me akuzat e ngritura nga McGonigal, duke pretenduar se nuk ka dijeni për asgjë, por që nga momenti i publikimit të dosjes dhe deri më sot, lidhur me ngjarjen nuk ka pasur asnjë reagim nga Ambasada Amerikane. Ndryshe nga shumë herë, ambasadorja Yuri Kim ka zgjedhur që të heshtë./Dosja.al

 

sali berisha charles mcgonigal

Sondazh

Poll

MË SHUMË