Sport

Australiani Scott Miller, fitues i medaljeve olimpike në not, dënohet për trafik droge…

Fituesi i medaljes së argjendë dhe bronzi në Lojërat Olimpike të Atlantës, ishte pjesë e një rrjeti të trafikut të drogës dhe është dënuar me pesë vjet e gjashtë muaj burg.

10 Nëntor 2022, 15:24 Nga DOSJA
Australiani Scott Miller, fitues i medaljeve olimpike në not, dënohet
Scott Miller, gjatë një konkurrimi në 2002

AUSTRALI - Ish-notari australian Scott Miller, medalist i dyfishtë olimpik në Lojërat e 96-ta në Atlanta, u dënua me pesë vjet e gjashtë muaj burg, për luajtjen e një "roli qendror" në një rrjet trafiku droge.

Miller, 47 vjeç, u dënua në gjykatën e qarkut të Uellsit të Ri Jugor, së bashku me Wayne Allan Johnson dhe Justin Szabolics, të cilët gjithashtu u deklaruan fajtorë për akuza të ndryshme, duke përfshirë furnizimin me metamfetaminë dhe heroinë dhe pjesëmarrjen në një grup kriminal. Miller pa që dënimi përfshinte një periudhë tre-vjeçare pa lirim me kusht, duke filluar nga data e arrestimit të tij në shkurt 2021.

Miller fitoi medaljen e argjendtë në Lojërat Olimpike të Atlantës 1996 në 100 flutur. Ai ishte gjithashtu një anëtar i ekipit australian të stafetës, që mori medaljen e bronztë në 4x100 m. Përveç kësaj, ai ishte fitues i medaljes së artë në 100 fluturat në Kupën e Botës në Rio de Zhaneiro më 1995.

Miller u arrestua më 16 shkurt 2021, pas një hetimi policor që e vendosi atë në krye të një grupi kriminal që furnizonte me drogë. Në shtëpinë e tij, ata zbuluan heroinë, disa telefona celularë dhe më shumë se 72.000 dollarë të fshehura në një çantë. Gjyqtarja Penelope Hock, në vendimin e dënimit, pranoi se Miller vuante nga probleme të shëndetit mendor, që filluan kur ai shkoi të jetonte dhe të stërvitej në Institutin Australian të Sportit, në moshën 15-vjeçare. 

"Këto probleme vazhduan për vitet në vijim dhe të paktën kontribuan në abuzimin e tij me substanca,"- i tha ai gjykatës, raporton gazeta ‘Sydney Morning Herald’. U vërtetua gjithashtu, se përdorimi personal i drogës nga Milleri u përshkallëzua, pasi ai u tërhoq nga noti në vitin 2004 dhe se mbyllja e biznesit të tij me kamionë gjatë pandemisë, kontribuoi më tej në përkeqësimin e shëndetit të tij mendor.

B.T (Dosja.al)

Sondazh

Poll

MË SHUMË