Sport

Përleshje me armë me trafikantët e drogës! Presidenti i Ekuadorit nuk do të marrë pjesë në ndeshjen hapëse të Botërorit…

Presidenti ekuadorian Guillermo Lasso ka njoftuar se nuk do të marrë pjesë në ndeshjen hapëse të Kupës së Botës, të luajtur kundër Katarit, për shkak të dhunës në vendin e tij.

10 Nëntor 2022, 11:28 Nga DOSJA

Përleshje me armë me trafikantët e drogës! Presidenti i

EKUADOR - Presidenti i Ekuadorit, Guillermo Lasso njoftoi të mërkurën se nuk do të marrë pjesë në ndeshjen hapëse të Kupës së Botës në Katar, ku Ekuadori do të përballet me ekipin e Katarit, për shkak të valës së dhunës që ka goditur vendin e tij. “E falënderova Emirin e Katarit për ftesën e tij, për të marrë pjesë në ndeshjen inauguruese mes dy skuadrave tona, por vendosa të mos marr pjesë. Kujdesi për sigurinë e vendit është prioriteti im”,- ka shkruar Guillermo Lasso në Twitter.

Ndeshja hapëse mes Ekuadorit dhe Katarit do të luhet më 20 nëntor. Zv.presidenti ekuadorian Alfredo Borrero do të përfaqësojë vendin e tij atje, tha një burim zyrtar.  Ekuadori po kalon një krizë serioze sigurie të lidhur me trafikantët e drogës, madje javën e kaluar ka patur edhe konfrontime me armë dhe sulme me makina bombë kundër pikave të karburantit dhe stacioneve të policisë.

Këto grupe kriminale po veprojnë si hakmarrje për transferimin e 2400 të paraburgosurve, ndërkohë që sistemi i burgjeve është në prag të shpërthimit për shkak të dhunës mes karteleve brenda vetë burgjeve. Këto sulme kundër forcave të sigurisë, të cilat lanë tetë të vdekur, detyruan ekzekutivin të shpallte gjendjen e jashtëzakonshme në tre nga provincat më të goditura të vendit.

Përleshje me armë me trafikantët e drogës! Presidenti i

Megjithatë, presidenti Lasso nuk e ka harruar plotësisht futbollin. Më 31 tetor ai priti në selinë e qeverisë trajnerin dhe disa lojtarë të kombëtares, të cilëve u uroi “shumë suksese.”

Kombëtarja e Ekuadorit, e mbiquajtur “Tringjyrësh”, po përgatitet për pjesëmarrjen e katërt në historinë e saj në Botëror. Duke vënë baste për një ekip lojtarësh të rinj që arritën të kualifikoheshin në eventin planetar duke u renditur i katërti në fazën e eliminimit të Amerikës së Jugut.  “Trengjyrëshi” do të përballet me Irakun të shtunën e ardhshme për ndeshjen e fundit përgatitore para kompeticionit.

B.T (Dosja.al)

Sondazh

Poll

MË SHUMË