Aktualitet

Kishin kthyer lokalin në “laborator droge”, arrestohen dy të rinj në Korçë

Blutë e Korçës bëjnë me dije se në pranga kanë rënë një 29-vjeçar i identifikuar me inicialet M.Xh dhe një 27-vjeçar i identifikuar me inicialet DH.I.

22 Tetor 2022, 12:57 Nga e.k
Kishin kthyer lokalin në “laborator droge”, arrestohen dy
Policia Korçë

KORÇË- Dy të rinj kanë rënë në prangat e Policisë në Korçë, pasi akuzohen për prodhim dhe shitje të lëndëve narkotike. Blutë e Korçës bëjnë me dije se në pranga kanë rënë një 29-vjeçar i identifikuar me inicialet M.Xh dhe një 27-vjeçar i identifikuar me inicialet DH.I.

27-vjeçari në momentin që ka parë efektivët e Policisë ka tentuar të largohet por nuk ja ka dalë pasi është ndaluar nga këta të fundit. Në momentin që efektivët e kanë kapur ai ka kundërshtuar me forcë ndalimit. Të rinjtë do të përballen me një sërë akuzash të ngritura kundër tyre, që nga përshtatja e lokalit për përdorim droge, kundërshtim të punonjësve të Policisë dhe fshehja e të ardhurave.

Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme.

NJOFTIMI I POLICISË:

Specialistët e Seksionit për Hetimin e Trafiqeve të Paligjshme dhe Narkotikëve të DVP Korçë bënë arrestimin në flagrancë të shtetasve M. Xh., 29 vjeç dhe Dh. J., 27 vjeç, banues në Korçë, për veprat penale “Prodhimi dhe shitja e narkotikëve”; “Përshtatja e lokalit për përdorim droge”; “Kundërshtimi i punonjësit të policisë së rendit publik”; “Mosbindja ndaj urdhrit të punonjësit të policisë së rendit publik”; “Fshehja e të ardhurave” dhe “Ushtrimi i një aktiviteti tregtar të paligjshëm ose të paregjistruar në organet tatimore”. Gjatë kontrollit që shërbimet e Policisë ushtruan në lagjen nr. 4, Korçë, në lokalin në përdorim të shtetasit Dh. J., aktivitet të cilin ky shtetas e ushtronte pa dokumentacionin përkatës dhe që ambientin dyshohet se e kishte përshtatur për përdorim droge, shtetasit M. Xh. iu gjet një mbështjellje me mbetje lënde të dyshuar narkotike kokainë. Shtetasi M. Xh., sapo ka konstatuar punonjësit e Policisë ka tentuar të largohet me forcë, nuk i është bindur urdhrit të punonjësve të Policisë për të ndaluar dhe i ka kundërshtuar ata. Në cilësinë e provës materiale u sekuestrua një tavolinë në të cilën u gjet mbetje e dyshuar lënde narkotike kokainë dhe një mjet plastik, që shërbente për konsumimin e lëndës narkotike.
Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme.

korce policia e korces

Sondazh

Poll

MË SHUMË