Aktualitet

Goditi shoferin, përjashtohet nga Policia e Shtetit efektivi i Rrugores në Pogradec, nis hetimi penal ndaj tij

Ndërkohë efektivi tjetër i Policisë i identifikuar me inicialet L.H, i cili ishte i pranishëm në momentin kur dhe ndodhi skena e turpshme dhe nuk ndërhyri për të parandaluar ngjarjen është transferuar në një strukturë tjetër policiore.

22 Tetor 2022, 10:25 Nga e.k
Goditi shoferin, përjashtohet nga Policia e Shtetit efektivi i Rrugores
Momenti kur polici dhunon qytetarin

KORÇË- Me urdhër të drejtorit të Përgjithshëm të Policisë, Muhamet Rrumbullaku është përjashtuar nga radhët e Policisë efektivi i cili një ditë më parë u filmuar duke dhunuar një qytetar që nuk kishte vënë rripin e sigurimit. Efektiv i identifikuar me inicialet A.S u përjashtua nga radhët e uniformave Blu pasi u bë analizimi i plotë i pamjeve filmike që tregonin sesi ai godet me grushte qytetarin.

Ndërkohë Policia në njoftimin e saj për mediat bën me dije se ndaj tij ka nisur dhe hetimi penal pranë  Prokurorisë së Rrrethit Gjyqësore Pogradec.

Ndërkohë efektivi tjetër i Policisë i identifikuar me inicialet L.H, i cili ishte i pranishëm në momentin kur dhe ndodhi skena e turpshme dhe nuk ndërhyri për të parandaluar ngjarjen është transferuar në një strukturë tjetër policiore.

Momenti kur efektivi i Policisë godet qytetarin.


NJOFTIMI I POLICISË:

Në lidhje me një incident të ndodhur në datën 21.10.2022, rreth orës 15:00, në lagjen nr. 3, Pogradec, ndërmjet 2 punonjësve të Policisë Rrugore dhe drejtuesit të një automjeti, ju sqarojmë se:

Bazuar në dëshminë e dhënë në Prokurori, nga shtetasi N. H. (drejtues i automjetit), si dhe në analizën e pamjeve filmike të publikuara në rrjetet sociale, në të cilat shfaqet punonjësi i Policisë Rrugore, shtetasi A. S., në tejkalim të kompetencave që i jep ligji, ndaj drejtuesit të automjetit, Drejtori i Përgjithshëm i Policisë së Shtetit ka urdhëruar përjashtimin e menjëhershëm nga Policia e Shtetit, të punonjësit të Sektorit të Policisë Rrugore Korçë, inspektor A. S.

Për këtë punonjës policie ka nisur edhe hetimi penal nga Prokuroria pranë Gjykatës së Rrethit Gjyqësor Pogradec. Gjithashtu, është vendosur transferimi në një strukturë tjetër policore, për punonjësin tjetër të Policisë, shtetasin L. H., i cili nuk ka ndërhyrë për të parandaluar veprimin e paligjshëm të kolegut të tij.

Drejtoria e Përgjithshme e Policisë së Shtetit falënderon mediat për bashkëpunimin dhe i fton qytetarët që të denoncojnë çdo rast të abuzimit me detyrën, sjellje të pahijshme apo tejkalim të kompetencave të punonjësve të Policisë, duke iu garantuar reagim të menjëhershëm e të paanshëm, si dhe ndëshkim të rreptë për çdo shkelje apo cenim të të drejtave dhe lirive të qytetarëve.

pogradec policia dhunon qytetarin ne pogradec

Sondazh

Poll

MË SHUMË