Sport

Ratcliffe, njeriu më i pasur në Mbretërinë e Bashkuar, gati të blejë "Djajtë e Kuq"…

Pronari miliarder i Ineos do të pranonte të merrte një paketë aksionesh nga familja Glazer, për të marrë përfundimisht kontrollin e klubit

18 Gusht 2022, 07:21 Nga DOSJA

Ratcliffe, njeriu më i pasur në Mbretërinë e Bashkuar, gati

ANGLI - Në lajmin se familja Glazer, e cila zotëron Manchester United, është e gatshme të shesë një pjesë të vogël të aksioneve të saj, manjati Jim Ratcliffe, njeriu më i pasur në Mbretërinë e Bashkuar, shprehu interesin e tij për të blerë, sipas ‘The Times’.

Një zëdhënës i Sir. Jim Ratcliffe tha: "Nëse Manchester United është në shitje, Jim është një blerës potencial. Ne do të jemi të interesuar të diskutojmë pronësinë afatgjatë."

Kështu, Ratcliffe, pronar miliarder i kompanisë Ineos (të produkteve kimike dhe lëndëve të para), do ta blinte atë paketë të vogël aksionesh të "Djajve të Kuq" në fillim, për të fituar një përqindje gjithnjë e më të madhe me kalimin e kohës. Pronari i Ineos tenton të kërkojë kontroll të plotë të bizneseve që blen. 

Ratcliffe, njeriu më i pasur në Mbretërinë e Bashkuar, gati

Në këtë rast, ai do të pranonte një paketë aksionesh të vogla, nëse do të ishte pjesë e një plani për të marrë kontrollin më vonë. Zëdhënësi i Ratcliffe tha gjithashtu: "Nuk ka të bëjë me paratë që shpenzohen, ose nuk shpenzohen. Jim po shikon se çfarë mund të bëhet tani dhe duke e ditur se sa i rëndësishëm është klubi për qytetin, duket se është koha e duhur për një fillim të ri".

B.T (Dosja.al)

Sondazh

Poll

MË SHUMË