Sport

Iniciativa e Flamengos, hyrja falas për tifozët e pastrehë. Lot dhe emocione, nuk kishin qenë kurrë në 'Maracana'

Brenda një stadiumi futbolli nuk ka dallime mes njerëzve dhe klasave shoqërore, por vetëm tifozë që duan të jenë pjesë e diçkaje dhe të nxisin të preferuarit e tyre.

17 Gusht 2022, 20:01 Nga DOSJA

Iniciativa e Flamengos, hyrja falas për tifozët e pastrehë. Lot

BRAZIL- Brenda një stadiumi futbolli nuk ka dallime mes njerëzve dhe klasave shoqërore, por vetëm tifozë që duan të jenë pjesë e diçkaje dhe të nxisin të preferuarit e tyre. Për këtë arsye Departamenti i Përgjegjësisë Sociale të Flamengos, në bashkëpunim me 'Qendrën për Mbrojtjen e të Drejtave të Njeriut të Rio de Zhaneiros', të dielën e kaluar sollën 22 të pastrehë në stadiumin Maracana për të parë ndeshjen mes Flamengos dhe Atletico Paranaense, përballje e vlefshme për javën e 22-të të kampionatit brazilian.

Më shumë se 60,000 njerëz u mblodhën në tempullin e Rio de Zhaneiros për të parë skuadrën e tyre të zemrës, dhe 22 persona të cilët, nga projekti i quajtur 'Nação no Maraca', u ftuan në stadium. Rezultati? Flamengo fiton me shifrat 5-0.

Angela Machado, Drejtoresha Sociale e Flamengos: "Maracana është magjike, emocionuese për këdo. Ne jemi të gjithë tifozë. Të gjithë na bashkon ndjenja e pasionit për klubin. Në momentin e golave, njerëzit thjesht emocionohen dhe përqafohen me njëri-tjetrin! Të kuptoja se sa të mirëpritur, përkatësisht dhe të denjë i ka bërë ky integrim ishte jashtëzakonisht emocionues për mua. Një përvojë e duhur për të gjithë ne." Shumë prej tifozëve nuk e kishin pasur privilegjin të shihnin në stadium skuadrën e tyre të dashur, madje disa edhe shpërthyen në lot.

E.Ç (Dosja.al)

flamengo brazil

Sondazh

Poll

MË SHUMË