Sport

VD/ Real Madridi dita parë e ‘shkollës’ para Ancelottit. Fillon parasezoni në Valdebebas

Sipas EFE, të gjithë lojtarët kaluan pa problem provimet mjekësore dhe nga pasditja do të jenë nën urdhrat e Antonio Pintus, shefit të përgatitjes fizike, i cili do të jetë protagonisti kryesor gjatë 11 ditëve të punës në Madrid

8 Korrik 2022, 14:22 Nga DOSJA

VD/ Real Madridi dita parë e ‘shkollës’ para Ancelottit.

SPANJE - Qyteti sportiv i Real Madridit ka hapur dyert dhe lojtarët e ekipit të parë kanë zbritur për ditën e parë të ‘shkollës’ me Carlo Ancelottin. 

Courtois, Lunin, Vallejo, Nacho, Mendy, Lucas Vázquez, Odriozola, Kroos, Ceballos, Mariano, Kubo, Reinier dhe Mayoral, ishin futbollistët e parë të Real Madridit që morën pjesë në ‘Ciudad Deportiva de Valdebebas’ këtë mëngjes për të kryer ekzaminimet mjekësore para rikthimit në punë, që do të nisë sot pasdite nga ora 17:30, me seancën e parë stërvitore.

Të dielën, më 10 korrik, do të rikthehen në stërvitje brazilianët Militao, Casemiro, Vinicius dhe Rodrygo, të cilët luajtën ndeshjen e fundit me kombëtaret më 6 qershor. Më në fund, më 14 korrik do të vijnë lojtarët e tjerë: Carvajal, Alaba, Rüdiger, Tchouameni, Modric, Valverde, Asensio, Hazard dhe Benzema.

VD/ Real Madridi dita parë e ‘shkollës’ para Ancelottit.

Sipas EFE, të gjithë lojtarët kaluan pa problem provimet mjekësore dhe nga pasditja do të jenë nën urdhrat e Ancelottit dhe mbi të gjitha të Antonio Pintus, shefit të përgatitjes fizike, i cili do të jetë protagonisti kryesor gjatë 11 ditëve të punës në Valdebebas përpara se të nisej për në Shtetet e Bashkuara.

Një parasezon i fokusuar në titullin e parë të sezonit, Superkupën e Europës që Real Madrid do të luajë më 10 gusht në Helsinki (Finlandë) kundër Eintracht Frankfurt.

Gjatë 33 ditëve deri në ndeshjen në fjalë, skuadra ‘los blancos’ do të luajë tre miqësore, të gjitha në Shtetet e Bashkuara. E para do të jetë një klasike kundër Barcelonës (ora 5:00 e mëngjesit) nga e shtuna 23 deri të dielën 24 korrik në stadiumin ‘Allegiant’ në Las Vegas.

Ndeshjet e tyre të radhës do të jenë të mërkurën më 27 (4:30) në ‘Oracle Park’ në San Francisko kundër Club América dhe ata do ta përfundojnë turneun të dielën më 31 korrik kundër Juventusit në Los Angeles në ‘Rose Bowl’ (4:00).

B.T (Dosja.al)

Sondazh

Poll

MË SHUMË