Sport

Homazh për Brazilin 2002! Legjendat në Miami, Ronaldinho kundër Roberto Carlos, midis tyre edhe Vinicius Jr!

Madrileni është pretendimi kryesor i një takimi që miqtë e Roberto Carlos dhe miqtë e Ronaldinhos do të luajnë në Miami së bashku me më shumë yje.

18 Qershor 2022, 17:00 Nga DOSJA
Homazh për Brazilin 2002! Legjendat në Miami, Ronaldinho kundër

SHBA - Vetëm tre javë pasi u shpall kampion Europe me Real Madridin pikërisht me golin e tij, Vinicius Junior rikthehet në fushë. Do të jetë në Miami, duke filluar nga ora 18:30 me orën lokale (00:30 me orën europiane), në një ndeshje që mbledh legjenda të ndryshme të futbollit, si dhe personalitete të ndryshme të artit.

Takimi, emri reklamues i të cilit është ‘The Beautiful Game’, do të mbahet në Fort Lauderdale, pak kilometra larg Miami, në stadiumin DRV PNK, skena ku Inter Miami, ekipi i David Beckham, zhvillon lojërat e tij. Pikërisht, ish-lojtari anglez i është përkushtuar përgatitjes për këtë takim duke lehtësuar ambientet e tij.

Vinicius, i cili këtë javë ka qenë në gojën e të gjithëve për shkak të rinovimit të tij të ardhshëm me  Real Madridin deri në vitin 2026 ose 2027, do të luajë në skuadrën e drejtuar nga Ronaldinho, ish-lojtari i Barcelonës, kundër një tjetër legjende ‘los blancos’, si Roberto Carlos. Por Vini nuk do të jetë vetëm. Do të jenë edhe shokët e tij të skuadrës si Eder Militao, Marco Asensio  dhe Mariano.  Interesant është fakti se të dy po kalojnë disa ditë në kryeqytetin e Floridës. 

Por përveç prezencës së madrilènëve, në festën e pasdites së sotme, do të ketë edhe shumë emra të shquar. Ndeshja synon të jetë edhe një homazh për skuadrën braziliane, 20 vjet nga botërori në  Kore dhe Japoni në vitin 2002, ku do të mblidhen së bashku edhe lojtarë e ish-lojtarë, si Dybala, Cafú, Rivaldo, Arturo Vidal, Aldair, Leandro Barbosa, Pogba, Radamel Falcao, Higuita, Valderrama, Iván Zamorano, Lugano, Rafa Márquez, Osorio, Trezeguet, Matuidi, Frey, Nani, Kluivert, Deco, Roberto Assis, Evra, Fred, Zakaria, Amauri dhe këngëtarët Lunay dhe Blessd, ndër të tjera.

B.T (Dosja.al)

 

Sondazh

Poll

MË SHUMË