Bota

VD- Degradon situata në Kuvendin e Kosovës, deputeti i PDK-së këput mikrofonin, ndërpritet seanca

E gjithë ngjarja ndodhi gjatë momentit që në foltore ishte deputetja e VV-së Arbëreshë Kryeziu dhe do të merrte fjalën sipas rradhës.

16 Qershor 2022, 11:57 Nga d.a
VD- Degradon situata në Kuvendin e Kosovës, deputeti i PDK-së
Kuvendi i Kosoves

KOSOVË- Ka nisur dhe po vijon me debate dhe tensione seanca e sotme e Kuvendit të Kosovës ku kryetari i grupit parlamentar të PDK-së Abelard Tahiri ka hequr nga vendi mikrofonin.

E gjithë ngjarja ndodhi gjatë momentit që në foltore ishte deputetja e VV-së Arbëreshë Kryeziu dhe do të merrte fjalën sipas rradhës.

Deputetët e PDK-së dhe ata të AAK-së, janë mbledhur para foltores dhe nuk po lejojnë vijueshmërinë normale të seancës së sotme.

Ata po brohorasin “poshtë Qeveria Kurti”, “poshtë Vjosa Osmani”, “jashtë Albin Kurti”, ndërsa nuk po kursejnë edhe fjalët banale drejtuar disa prej deputetëve të partisë në pushtet.

Ata paralajmëruan se nuk do të lejojnë që seanca e Kuvendit të vijojë ndërkohë që në ambjentet e jashtme veteranët e UÇK-së po protestojnë.

Pas kësaj situate, kryeparlamentari Konjufca i ka ftuar kryetarët e Grupeve Parlamentare për të diskutuar mbi vazhdimin e seancës.

mblidhet kuvendi i kosoves protesta e veteraneve ne kosove

Sondazh

Poll

MË SHUMË