Sport

Southgate dhe Anglia në një 'natë turpi', humbja më e thellë e “Tre Luanëve” në afro 100 vite

“Sapo u kam thënë lojtarëve se rezultatet e këtyre katër ndeshjeve të Nations League janë përgjegjësia ime,”- ka deklaruar trajneri pas ndeshjes

15 Qershor 2022, 06:17 Nga DOSJA
Southgate dhe Anglia në një 'natë turpi', humbja
Gareth Southgate, trajneri i kombëtares së Anglisë

ANGLI - Gareth Southgate ka arsye të shqetësohet për renë e zezë të tmerrshme që ka zbritur në Angli, me vetëm dy ndeshje të tjera para hyrjes në Kupën e Botës të Katarit. Pasi humbën me Hungarinë në territorin ‘magyar’, 10 ditë më parë me rezultatin 1-0, “Tre Luanët” u mundën sërish ndaj hungarezëve dhe tani me shifrat: 4-0!

Një disfatë që nënkupton humbjen më të madhe për anglezët që nga viti 1964, kundër Brazilit të Pele, me 5-1, në një turne që shërbeu për të festuar 50-vjetorin e CBF, por edhe humbjen më të madhe në shtëpi që nga… 1928 (31 mars): 5-1 ndaj Skocisë.

Trajneri i Anglisë u përpoq të shpjegonte pjesën e dytë të tragjedisë: “Bëmë ndryshime që na dhanë pak më shumë ndikim sulmues, por gjithashtu qëndruam pak më të hapur dhe në fund u shtypëm dhe me kaq shumë lojtarë sulmues në fushë, ishim më të ekspozuar."

Fjalët e trajnerit në dhomën e zhveshjes, ai i tregon vetë: “Sapo u kam thënë lojtarëve se rezultatet e këtyre katër ndeshjeve të Nations League janë përgjegjësia ime. Unë solla lojtarë të rinj, u përpoqa të pushoja të tjerët, por skuadrat që zgjodha nuk ishin mjaftueshëm të forta, për të marrë rezultate më të mira në dy ndeshjet kundër Hungarisë”.

B.T (Dosja.al)

Sondazh

Poll

MË SHUMË