Sport

Suning-Inter, lamtumirë së shpejti? Nuk ka më asnjë dyshim! Vendoset data e shitjeve të aksioneve

Suning-Inter, lamtumirë së shpejti? Kështu pohon La Repubblica, e cila sot foli për mundësinë që presidenca kineze të mund të shesë aksionet e klubit.

14 Qershor 2022, 20:56 Nga DOSJA

Suning-Inter, lamtumirë së shpejti? Nuk ka më asnjë dyshim!

ITALI- Suning-Inter, lamtumirë së shpejti? Kështu pohon La Repubblica, e cila sot foli për mundësinë që presidenca kineze të mund të shesë aksionet e klubit. Thashetheme që në realitet prej disa kohësh është përfolur.

Presidenti Steven Zhang ka folur shpesh për planet afatgjata të Suning për Interin. Sigurisht, mes disa investimeve të këqija dhe krizës Covid, gjendja ekonomike nuk është më aq e begatë sa ishte më parë. Por angazhimi i presidentit Zhang nuk ka munguar asnjëherë dhe deri më tani, pavarësisht zërave, ai ka qëndruar gjithmonë në krye të Interit. Siç pohon La Repubblica, Zhang duhet të shesë detyrimisht aksionet.

Jo vetëm kaq, por ndryshimi i pronësisë duhet të bëhet para fillimit të vitit 2023. Për t'ia imponuar këtë familjes Zhang, do të ishte qeveria kineze pasi nuk dëshiron që kompanitë e saj të angazhohen në investime të huaja dhe që nuk mund të jenë strategjike për ekonominë e brendshme.

Do të shohim pas disa muajsh se cilat do të jenë synimet e presidentit Steven Zhang. Nën drejtimin e Zhang deri më tani, Inter ka arritur të rikthehet në Champions League, për të rifituar kampionatin e Serisë A, Kupën e Italisë dhe Superkupën e Italisë. A mund të jenë trofetë e fundit të Suning? Kjo mbetet për t'u parë.

E.Ç (Dosja.al)

inter suning

Sondazh

Poll

MË SHUMË