Aktualitet

Atentati ndaj Aleksandër Sadikajt, autorët po e vëzhgonin, kur mjeti nisi të lëvizte shtypën telekomandën

Në momentin që mjeti ka nisur të lëvizë, kanë shpërthyer lëndën plasëse me telekomandë.

11 Qershor 2022, 14:55 Nga F.M

Atentati ndaj Aleksandër Sadikajt, autorët po e vëzhgonin, kur

Vendi ku iu bë atentat Aleksandër Sadikajt

TIRANË- Lënda plasëse që i mori jetën Aleksandër Sadikajt ishte vendosur në pjesën e parme të makinës. Mësohet se atentatorët kanë qenë dukë e vëzhguar gjatë gjithë kohës 27-vjeçarin dhe në momentin që mjeti ka nisur të lëvizë, kanë shpërthyer lëndën plasëse me telekomandë. Sadikaj rezulton të jetë i proceduar më parë për tentativë vrasjeje.

Ai po udhëtonte nga Tirana drejt Saukut në momentin që lënda plasëse shpërtheu dhe i këputi gjymtyrët e poshtme. I riu u dërgua në spital, por nuk mundi që tu mbijetojë plagëve të marra.

Aleksandër Sadikaj, 27 vjeç është vrarë në një atentat me tritol me telekomandë. I riu me precedentë penalë ka qenë duke udhëtuar me makinën që rezulton të jetë në pronësi të Petrit Osmanit në momentin që atentatorët kanë shpërthyer tritolin me telekomandë. Sadikaj u nxorr pa gjymtyrë nga mjeti dhe kalimtarë të rastit e dërguan në spital ku dhe ndërroi jetë. 27-vjeçari është skeduar për një sërë veprash penale si vjedhje, vrasje, plagosje dhe mosbindje e kundërshtim të forcave të policisë. Hetimet janë fokusuar në të shkuarën e të riut, por nuk përjashtohet mundësia që atentatorët të jenë ngatërruar e që shënjestra e tyre të ketë qenë Osmani.

aleksander sadikaj atentat ne tirane vritet aleksander sadikaj