Politike

KLEÇKA-'Kadastra' vonon informacionin për kandidatët e GJK, presin të ikë Meta

Në letrën e tij, kreu i shtetit që vetëm pak ditë më parë dekretoi, ndoshta për herë të fundit, ‘dëshirën’ e Ramës për të pasur president atë që donte, tani kërkon që t’u tërheqë “veshin”.

6 Qershor 2022, 20:00 Nga DOSJA

 

KLEÇKA-'Kadastra' vonon informacionin për kandidatët
Ilir Meta dhe Artan Lame

 

TIRANË- Pasditen e sotme, presidenti Ilir Meta i ka dërguar një letër të hapur Drejtorit të Përgjithshëm të Kadastrës, Artan Lames, ndërsa për dijeni ia ka dërguar edhe kryeministrit Edi Rama. Në letrën e tij, kreu i shtetit që vetëm pak ditë më parë dekretoi, ndoshta për herë të fundit, ‘dëshirën’ e Ramës për të pasur president atë që donte, tani kërkon që t’u tërheqë “veshin”.

Ai ankohet se disa drejtori vendore të Kadastrës nuk po i japën informacionin që kërkon Këshillit të Emërimeve në Drejtësi (KED), për kandidatët për anëtarë të Gjykatës Kushtetuese. Ky është pretendimi i Presidencës në një letër drejtuar drejtorit të Agjencisë Shtetërore të Kadastrës, Artan Lame. Ndërsa afati po i afrohet fundit me çdo orë që kalon, Meta ka ndjerë lakun që i ngushtohet dhe ka bërë kërkesën publike. Mirëpo qëllimi ky është. Të kapet afati më 10 qershor me metodën e vjetër të zvarritjes.

Kështu me kalimin e kohës, do të duhet që procesi të rihapet edhe njëherë nga Këshilli i Emërimeve në Drejtësi, pra me afatet dhe pushimet e verës do të kalojë ndoshta dhe muajin korrik. Ç’ndodh pas 24 korrikut? Meta lë postin si kryetar shtetit dhe ia dorëzon atij që e dekretoi vetë, Bajram Begajt. Rrjedhimisht Meta nuk do të ketë asnjë rol, ndaj si masë paraprake, akuzon Lamen e i kërkon përshpejtimin e procedurave. Por ndërkohë është shumë e qartë që qëllimi është që anëtarët e Gjykatës Kushtetuese t’i zgjedhë Bajram Begaj. Se në favor të kujt, kjo nuk ka më nevojë për konfirmim.

Disa drejtori vendore të Kadastrës nuk po i japën informacionin që kërkon Këshillit të Emërimeve në Drejtësi (KED), për kandidatët për anëtarë të Gjykatës Kushtetuese. Ky është pretendimi i Presidencës në një letër drejtuar drejtorit të Agjencisë Shtetërore të Kadastrës, Artan Lame.

Këshilli i Emërimeve në Drejtësi, është duke punuar për verifikimin e kandidaturave për plotësimin e 4 (katër) vendeve vakante në Gjykatën Kushtetuese, vakanca këto të shpallura nga Presidenti, Kuvendi dhe Gjykata e Lartë dhe që u përkasin për emërim këtyre organeve.

 

Sondazh

Poll

MË SHUMË