TIRANË– Studiuesi Aurel Plasari ka reaguar lidhur me statusin e kryeministrit Edi Rama lidhur me protestën e qytetarëve tek Teatri Kombëtar.
Me anë të një statusi në rrjetet e tij sociale, Plasari shkruan se Ramës në nervozizëm e sipër, i ra edhe një copëz nga maska e bërë paçavër.
“Kryeshërbëtori i pretenduar i qytetarëve shqiptarë fucked sot edhe një herë publikisht parimin bazë simbas të cilit funksionon demokracia. Karakteristikë bazike e demokracisë është dhënia e së drejtës së shprehjes politike pakicave dhe e mbajtjes parasysh të fjalës së tyre,”-shkruan Plasari.
Postimi i plotë:
E THA : MOS BËNI SIKUR NUK E DËGJUAT
Sot Kryeshërbëtorit të pretenduar të qytetarëve shqiptarë, në nervozizëm e sipër, i ra edhe një copëz nga maska e bërë paçavër: shfryu publikisht kundër “minorancës”, siç e quajti, d.mth. kundër “pakicës”, cilado qoftë ajo. Dhe pikërisht sot, kur ka shkuar kandari në bisht.
Asgjë e re nuk është të kujtosh në teorinë e demokracisë atë që e kanë thënë dhe stërthënë dhjetëra teoricienë të saj: që demokracia NUK është sundim i shumicës së pacilësuar, si rrjedhim – ka pas shtuar Sartori – edhe të pakufizuar.
Emërmadhi Lord Acton e shtroi çështjen edhe më troç: prova më e sigurt për të gjykuar nëse një vend është apo jo i lirë, simbas tij, është shkalla e të drejtave dhe sigurive që gëzojnë pakicat. Nëse nuk besoni mua, pyesni zv.zonjën Lejla Moisiu që anglishten politike e njeh më mirë nga unë dhe Lordin Acton lypset t’ia kenë mësuar në shkollë.
Ngjashëm e ka shtruar çështjen, për shembull, edhe Ferrero: “Në sistemet demokratike opozita është NJË ORGAN I SOVRANITETIT POPULLOR po aq jetik sa dhe qeveria. Të shtypësh pakicën opozitare do të thotë të shtypësh sovranitetin e popullit”. Nëse as për këtë nuk më zini besë, pyesni policin internacional me diplomë drejtësie Luigi Soreca, i cili ka qëlluar – aksidentalisht – edhe bashkatdhetar i z. Guglielmo Ferrero.
Shkurt: me një deklarim të tillë Kryeshërbëtori i pretenduar i qytetarëve shqiptarë fucked sot edhe një herë publikisht parimin bazë simbas të cilit funksionon demokracia: parimin e sundimit TË KUFIZUAR të cilësdo shumicë, parim aspak i ri, sepse karakteristikë bazike e demokracisë është dhënia e së drejtës së shprehjes politike pakicave dhe e mbajtjes parasysh të fjalës së tyre.
Ndërkaq, si në një film ”muto”, heshtën edhe do “internacionalë”, të cilëve jo më kot Kryeshërbëtori ua tha konceptin e pakicës në gjuhët e tyre: minoranza, minority. Nuk e hapën gojën që të thonë, e pakta, atë që vetë kam 10 vite që e përsëris në publik: që individi, i cili i është ofruar shoqërisë shqiptare për Kryeshërbëtor, jo vetëm nuk e njeh demokracinë, po as nuk e do atë.
Kryeministri Edi Rama la të kuptohej se nuk tërhiqej nga plani për shembjen e godinës ekzistuese të Teatrit Kombëtar. Në kohën kur artistët ishin ngujuar brenda ambienteve të Teatrit, kreu i qeverisë tha se ka respekt për këtë minorancë aktorësh e politikanësh që s’kanë hyrë kurrë në Teatër.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Një ditë pas vendimit të kryesocialistit Edi Rama për ta larguar nga drejtimi i qarkut Shkodër, Ditmir Bushati shihet në shoqërinë e Sekretarit të ...
DIBËR- Lideri i opozitës Lulzim Basha ka vijuar takimet e tij me qytetarët. Basha u zhvendos pasditen e së Martës në Peshkopi. Fillimisht Basha është ndalu...
TIRANË– Kur edhe javë na ndajnë nga momenti kur kryebashkiakët e zgjedhur nga 30 qershori të kërkojnë lirimin e zyrave, opozitarët duket se i qëndroj...
ELBASAN- Partia Demokratike, ka paditur anëtarët e Komisionit të Zgjedhjeve, komisionerët dhe numëruesit e Partisë Socialiste në zgjedhjet e 30 qershorit në bas...
TIRANE- Partia Socialsite ka vijuar punën për shkarkimin e Presidentit Ilir Meta. Sot Kuvendi i Shqipërisë i është drejtuar me një letër Komisionit të Venecias ...
TIRANË- Ish-deputeti i PD Ervin Salianji ka dorëzuar në KPA një CD me përgjime, ku tregohet, sesi prokurori Gentian Osmani bën biseda inkriminuese me Alfre...
TIRANË– Gjykata e Tiranës ka miratuar mandatin e Erion Veliajt, si Kryetar i Bashkisë së Tiranës edhe për 4 vitet e ardhshme. Në mbledhjen e sotme, gjykata...
VLORË- Gjykata e Vlorës i ka miratuar ditën e sotme mandatin kryebashkiakut të majtë për bashkinë e Vlorës, Dritan Lelit.Seanca për konfirmimin e Lelit u m...
TIRANË- Zëdhënësja e Partisë Demokratike Ina Zhupa ka reaguar për shembjen e godinës ekzistuese të Teatrit Kombëtar. Në një postim në Facebook, Zhupa shpre...
TIRANE– Kryetari i Partisë Demokratike, Lulzim Basha u largua në mënyrë të befasishme nga salla e Teatrit Kombëtar, aty ku janë ngujuar prej disa orësh, aktivis...