Sport

Goli i Mbappe në Francë-Spanjë, Rosetti: “UEFA gati për ta ndryshuar rregullin”

15 Tetor 2021, 15:57 Nga DOSJA

ZVICER – UEFA do të rishkruajë rregullin e pozicionit jashtë loje, pas golit të Mbbape që i dha Francës fitoren ndaj Spanjës në finalen e Nations League. Shumë i kritikuar në Spanjë, gjyqtari anglez Anthony Taylor “mori një vendim të saktë, bazuar në rregullin ekzistues dhe interpretimin e tij zyrtar,”– tha menaxheri i gjyqtarëve të UEFA-s, Roberto Rosetti.

Sipas Rosetti, me një përpjekje për të kapur pasimin e Théo Hernandez, në minutën e 80-të, mbrojtësi spanjoll Eric Garcia futi në lojë Kylian Mbappé, edhe pse ai ishte në pozicion jashtë loje. Megjithatë, “ky rast na tregon se interpretimi aktual i rregullit duket të jetë në kontrast me frymën e vetë rregullit, i cili është të parandalojë çdo lojtar të shfrytëzojë pozicionin e tij jashtë loje”, shtoi ish-gjyqtari ndërkombëtar italian.

“Pozicioni i UEFA-s është të përmirësohet formulimi “i normës së miratuar nga Bordi Ndërkombëtar (IFAB), organi që përpunon rregullat e lojës”, për ta përshtatur atë me objektivin e ligjit jashtë loje dhe në frymën e lojës”. Roberto Rosetti tha se ai “kishte kontaktuar tashmë” me FIFA-n dhe IFAB-in dhe “do të diskutojë zgjidhjet në takimin e ardhshëm të grupit këshillues teknik” të Bordit Ndërkombëtar, të planifikuar për 27 tetor.

Në finalen e Nations Laegua, të luajtur në Milano, Franca mundi Spanjën 2-1, ku Mbappé shënoi golin e fitores nga një pozicion jashtë loje, por që u rehabilitua dhe u fut në lojë nga një prekje e topit nga Eric Garcia. Një rast mjaft ekstrem, i cili ndezi polemika dhe tani ka lind nevojën për t’u rishkruar.

Aktualisht rregulli thotë se “një lojtar në një pozicion jashtë loje, që merr një top të luajtur qëllimisht nga një kundërshtar, edhe me dorën ose krahun e tij, nuk konsiderohet të ketë një avantazh në pozicionin e tij, përveç në rastin e një qëllimi të qëllimshëm përveç nga një kundërshtar”.