BRUKSEL– Pas dy ditësh bisedime në Bruksel arrihet marrëveshja e reciprocitetit të targave midis Kosovës dhe Serbisë. Lajmin e ka dhënë i dërguari i BE-së për dialogun Kosovë-Serbi, Miroslav Lajçak, i cili në një status në Tëitter ka konfirmuar arritjen e marrëveshjes.
‘Ne kemi nje marreveshje! Pas dy ditësh negociatash intensive, një marrëveshje për de-përshkallëzimin dhe rrugën përpara sapo është arritur. Falënderoj Besnik Bislimin dhe Petar Petkoviçin për gatishmërinë e tyre për të negociuar dhe pajtuar për të mirën e njerëzve.‘- shkori Lajçak.
Në dokumentin e publikuar nga Lajçak shihet se 3 janë pikat kryesore:
1- Forcat Speciale të policisë së Kosovës do të tërhiqen nga pikat e Jarinjës dhe Bërnjakut më 2 Tetor dhe do të zëvendësohen nga forcat e KFOR-it, të cilat do të qëndrojnë në zonë për rreth dy javë për të garantuar sigurinë dhe lirinë e lëvizjes midis dy palëve.
2- Duke filluar nga 4 Tetori do të vendosen tabela si një masë e përkohshme duke mos hequr kështu targat aktuale.
3- Një grup pune i përbërë nga përfqësues të BE-së, Kosovës dhe Serbisë do të vijojë punën për të gjetur një zgjedhje të përhershme për recipr9ocitetin e targave. Takimi i parë do të mbahet më 21 tetor dhe pas 6 muajsh do të prezantohet zgjidhja përfundimtare.
Kryeministri i Kosovës, Albin Kurti, ka thënë se tani fillon epoka kur Serbia mësohet me reciprocitetin, duke theksuar se me marrëveshjen e sotme forcat e Kosovës dhe Serbisë duhet të largohen për ti lënë vend KFOR-it
Presidenti i Serbisë, Aleksandër Vuçiç ka folur pas arritjes së marrëveshjes në Bruksel në lidhje me reciprocitetin e targave dhe situatës në Jarinjë dhe Bërnjak.Ai konfirmoi se pala serbe në Bruksel pranoi draftin e propozuar për kompromis për zgjidhjen e situatës në veri të Kosovës.
“Unë mendoj se kemi arritur një lloj zgjidhjeje kompromisi, me të cilën jam i kënaqur dhe mendoj se është e rëndësishme për palën tonë. Tërheqja e ROSU-së është parashikuar dhe është një tregues se në të ardhmen veprime të tilla të shqiptarëve do të hasin në rezistencë nga popullata serbe. Kthimi i KFOR-it në përputhje me Rezolutën 1244 është i rëndësishëm dhe tregon se është e mundur të sigurohen garanci sigurie për serbët”, u shpreh Vuçiç.
Ndërkohë, ambasada amerikane në Prishtinë ka reaguar në lidhje me arritjen e marrëveshjes midis Kosovës dhe Serbisë mbi reciprocitetin e targave.I ngarkuari me punë në Ambasadën amerikane në Prishtinë, Nicholas Giacobbe ka përgëzuar arritjen e marrëveshjes për targat mes Kosovës dhe Serbisë në Bruksel.Në një status në Tëitter ai ka ripublikuar lajmin e shpërndarë nga Lajçak, Giacobbe ka shkruar se marrëveshja sjell përfitime për kosovarët dhe serbët.
“Lajme të shkëlqyeshme nga Brukseli- një shembull se si riangazhim në dialog mund të kenë përfitime të vërteta, të qëndrueshme për kosovarët dhe serbët e zakonshëm. Faleminderit Miroslav Lajcak për lehtësimin dhe partnerëve kosovarë dhe serbë për gatishmërinë e tyre për të negociuar”, ka shkruar ai.
Gjithashtu Presidentja e Komisionit Evropian, Ursula von der Leyen, ka reaguar për marrëveshjen e arritur mes Kosovës dhe Serbisë për targat e makinave dhe nisjes së punës për një zgjidhje të përhershme midis dy palëve.Në një status në Tëitter ajo u shpreh se kjo marrëveshje është një zhvillim pozitiv pas takimeve të saj me Kurtin dhe Vuçiçin.
Ish-kryeministri Ramush Haradinaj doli kundër kësaj marrëveshje, pasi sipas tij, ajo ndante veriun e Kosovës nga pjesa tjetër e saj. Ai gjithashtu bëri thirrje që qeveria duhet të jetë transparente me marrëveshjen e sotme
Kjo është një marrëveshje e përkohshme, dhe do të shpërbejë vetëm për shtensionimin e situatës mes dy vendeve. Në 24 orët e fundit nuk është raportuar për ndonjë incident në afërsi të asnjërës pikë kufitare, Jarinjë e Bërnjak. Njësitë speciale të Policisë së Kosovës po vazhdojnë të qëndrojnë pranë bllokadave, ndërkohë që misioni i KFOR-it ka rritur prezencën në këtë pjesë.
Qeveria e Kosovës vendosi reciprocitetin duke u shprehur se dhe Serbia për vite të tëra aplikon masë të njëjtë për automjetet me targa të Kosovës. Sipas vendimit të 20 shtatorit, të gjitha automjetet me targa të Serbisë për të hyrë në Kosovë duhet t’i heqin ato dhe të pajisjen me targa të përkohshme, të lëshuara nga autoritetet e Kosovës. Kjo gjë solli reagime nga pala serbe jku qindra qytetarë bllokuan du pikat doganore në kundërshtim të këtij vendimi.
(a.b/d.a/dosja.al)
Iftar dhe politikë, a u prek Muaji i Ramazanit nga politikanët?
KOSOVË- Prej 11 ditësh, pikat kufitare të Jarinjës dhe Bërnjakut vazhdojnë të jenë të bllokuara. Ditën e djeshme Kosova dhe Serbia zhvilluan bisedime në Br...
SHBA- Dhoma e Përfaqësuesve e Shteteve të Bashkuara votoi të enjten për të miratuar një masë të miratuar nga Senati që shmang një mbyllje të pjesshme të qeveris...
ANGLI- Një pjesë nga seritë e filmit të animuar The Simpsons, është bërë virale në internet, e cila thuhet se është një parashikim i situatës së tanishme në Ang...
BRUKSEL- Sekretari i Përgjithshëm i NATO-s, Jens Stoltenberg do të takohet ditën e nesërme me të dërguarin special të BE-së për dialogun Kosovë-Serbi, Miroslav ...
ETIOPIA- Qeveria e Etiopisë ka urdhëruar dëbimin e shtatë zyrtarëve të lartë të Kombeve të Bashkuara nga vendi. Aljazeera shkruan se këtë veprim Etiopia e ka ma...
ANGLI- Një oficer i Policisë në Angli, i cili rrëmbeu dhe vrau 33-vjeçaen Sara Everard është dënuar me një burgim të përjetshëm. BBC shkruan se Wayne Cou...
KOSOVË- Presidentja e Kosovës Vjosa Osmani ka reaguar pas kthimit të trupave të 7 personave të vrarë nga regjimi serb në Masakrën e Rezallës. Me anë të një...
GREQI- Qeveria greke ka gjetur një mënyrë të re për të joshur adoleshentët që të bëjnë vaksinën anti-Covid. Protothema shkruan se sipas një vendimi të publikuar...
KOSOVË- Ish-kryeministri i Kosovës Ramush Haradinaj ka reaguar pas refuzimit që qeveria e Kosovës i bëri projektit amerikan të gazit. Me anë të një postimi...
SERBI – Marrëveshja për targat u firmos mes Serbisë dhe Kosovës dhe mediat përcollën lajmin pas daljes në konferenca zyrtare të Presidentit serb, Aleksand...