Bota

Shkundet Greqia! Tërmeti me magnitudë 6.3 Rihter godet disa qytete të vendit, raportohet për persona të lënduar dhe shembj

3 Mars 2021, 10:25 Nga DOSJA
Shkundet Greqia! Tërmeti me magnitudë 6.3 Rihter godet disa qytete

GREQI–Shteti fqinj është goditur nga një tërmet me magnitudë 6.3 të shkallës Rihter paraditen e sotme. Sipas medias greke‘Zugla‘ lëkundjet e tërmetit u ndjenë për disa sekonda në Selanik, Laris, Atikë, dhe Elassona. Sipas Institutit Gjeodinamik, tërmeti ndodhi 21 km në jug-perëndim të Elassona me një thellësi prej 10 km.

Tërmeti u pasua nga pas tronditjeve në zonën e Larisas, e cila është dhe më e prekura nga dëmtimet e banesave. Lëkundjet pastërmetit ishin të njëpasnjëshme, e para ishte 4.4 Rihter, e dyta 3.7 Rihter, e treta 4 Rihter dhe e katërta 5.2 Rihter.

Në disa zona janë raportuar për persona të lënduar dhe për banesa të shembura. Rasti më i fundit, ishte bllokimi i një të moshuari me aftësi të kufizuara i cili mbeti i bllokuar brenda banesës së tij. I moshuari nuk mundi të dilte dot në kohë nga banesa, mirëpo pas disa minutash ai u shpëtua nga autoritetet. Po ashtu janë shpëtuar dhe 6 persona të cilët kishin ngelur të bllokuar në banesat e tyre.

Tërmeti u ndje në Greqinë veriore dhe jugore, ndërkohë që dhe në Shqipëri u ndjenë lëkundje për disa sekonda në jug dhe në kryeqytet, duke krijuar panik te qytetarët.

Kryetari i Bashkisë së Elassona, Nikos Gatas, ka bërë të ditur se ka urdhëruar fillimin e hetimeve për çdo dëmtim të të gjitha ndërtesave publike dhe komunale. Autoritetet do të shkojnë në zonat e prekura, për të parë nga afër gjendjen.

Sizmologu grek Gerasimos Papadopulos paralajmëroi se aktiviteti pas tërmetit do të jetë intensiv dhe i bën thirrje banorëve që të jenë të kujdesshëm.

Pas tërmetit të fuqishëm që goditi Greqinë ditën e sotme duke shkaktuar dëme dhe ndërprerje të energjisë elektrike në disa zona ka reaguar zyra e kryeministrisë. Konkretisht, siç thuhet në një njoftim nga Zyra e Shtypit e Kryeministrit, Theodoros Livanios, Sekretari i Përgjithshëm i Infrastrukturës, George Karagiannis dhe Shefi i GEETHA, Konstantinos Floros, do të shkojnë në zonat e prekura, për të parë nga afër gjendjen.

Mirëpo, njerëzit në qytetet e mëdha të Thesalisë, kryesisht në Larisa, Trikala dhe Elassona u dendën në rrugë të frikësuar, ndërsa trafiku u bllokua në disa zona.

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni termet ne greqi termeti 5.9 balle ne greqi termet ne greqi termeti 5.9 balle ne greqi

Sondazh

Poll

Bota 3 Mars 2021, 10:20

AFGANISTAN– Shteti Islamik ka marrë përgjegjësinë për vrasjen e tri grave që punonin për një radio dhe TV lokale në stacionin në lindje të Afganistan të martën....

MË SHUMË