Aksidenti te 'Kodra e Diellit'/ Vdes në spital 60-vjeçari, arrestohet shoferja
Shoferja përplasi në trotuar këmbësorët, gruaja e viktimës: Dolëm për të blerë ilaçe, p...
Shoferja përplasi në trotuar këmbësorët, gruaja e viktimës: Dolëm për të blerë ilaçe, p...
Krizë energjetike në Kosovë, nga sot nisin kufizimet e energjisë elektrike deri në 2 orë 15 Gusht, 07:46 ...
VIDEO- Presidenti Begaj në Kosovë, pritet me ceremoni shtetërore nga Vjosa Osmani 15 Gusht, 10:07 Takimi me Baj...
Iu bë atentat, zbardhen detaje nga gjendja shëndetësore e Salman Rushdie, rrezikon të humbë njërin sy 13 Gusht, 1...
Ambasadorja amerikane Yuri Kim ka kumtuar një tjetër mbështetje për Edi Ramën sot në drekë. Duke përsëritur fjalët e zv/ ndihmës Sekretarit të Shtetit për Europën dhe Azinë, Gabriel Escobar, për integrimin e shpejtë të Balkanit Perëndimor në BE, Kim ka shtuar se SHBA mbështesin Open Balkan më kërkesën (jo kushtin) që të bëhet gjithpërfshirës.
Nuk përmendet Procesi i Berlinit. Ai përfshihet në shtesën “dhe iniciativa të tjera rajonale”. Kjo është mbështetja e parë zyrtare që i vjen iniciativës së Novi Sadit që kur lindi si minishengen. Vjen nga qendra e Aleancës EuroAtlantike, nga superfuqia e Perëndimit dhe sigurisht që është një mbështetje e rëndësishme. Nuk mund të jetë as lapsus dhe as qëndrim personal i Ambasasores Kim për shkak të rëndësisë që ka çështja.
Është një çështje që prej vitesh tashmë është shndërrruar në shqetësim për Bashkimin Europian. Që nga 2014 kur Kancelarja e Gjermanisë Angela Merkel ftoi edhe Presidentin e Francës, Emmanuel Macron, për të themeluar Procesin e Berlinit per Ballkanin Perëndimor, presioni i Brukselit është rritur ndaj qeverive të Rajonit. Janë vënë miliarda euro në dispozicion të projekteve ndërshtetërore, është hartuar një plan për Tregun e Përbashkët Rajonal, programet e shkëmbimit dhe bashkëpunimit të të rinjve kane qenë një sukses dhe ndoshta suksesi i vetëm i Procesit të Berlinit.
Iniciativa e Novi Sadit që tani quhet Open Balkan ishte goditja më e fortë që mori iniciativa Merkel – Makron. Këtë e kanë shprehur të gjithë zyrtarët e Brukselit dhe Gjermanisë, edhe vetë Merkel në vizitën e lamtumirës në Tiranë.
Deklarata e SHBA në këtë kontekst është sigurisht në përplasje me atë të BE. Nuk është hera e parë që ndodh, por është hera e parë që ndodh gjatë Presidencës Biden. Në Presidencën e Trump, kur SHBA dhe BE arritën nivelin më të ulët historik të marrëdhënieve, Ballkani u bë pazari i interesave personale të ish- presidentit. Për ta përdorur në fushatën Presidenciale, Trump u angazhua për një marrëveshje të shpejtë mes Kosovës dhe Serbisë, duke mbështetur shkëmbimin e territoreve dhe një marrëveshje më të gjerë, mes shqiptarëve dhe serbëve si dy kombet kryesore të Ballkanit Perëndimor.
Rreziku i shndërrimit në një pazar me efekt domino, që do te hapte orekset shoviniste të gjithë shteteve dhe kombeve të rajonit, rreziku i shndërrimit në një precedent ndërkombëtar që mund të afektonte rajone të tjera në dikutim kufijsh, projekti u kundërshtua nga përfaqesuesit e establishmentit dhe politikës tradicionale në SHBA dhe nga Gjermania. Dështimi i këtij plani polli papritur iniciativën e Novi Sadit, e mbështetur nga të njëjtat forca që mbështesnin shkëmbimin e territoreve.
Lindi kështu ajo që Timothy Less e quajti “diplomacia e realistëve”, që “mbështesin shtetin kombëtar dhe janë skeptikë ndaj përpjekjeve për të eksportuar vlerat perëndimore”. Më thjesht, diplomacia që mendon t’ i zgjidhë me metoda ballkanike problemet e Ballkanit, duke hequr dorë nga implementimi i vlerave të bashkëjetesës dhe demokracisë. Me pazaret e liderëve të fortë, që kontrollojnë mirë vendet e tyre dhe nuk i lejojnë të faktorizohen forcat e pakontrolluara, sipas diplomacisë realiste të elaboruar nga Trump, mund të zgjedheshin më shpejt problemet. Edhe pazari i territoreve, edhe Open Balkan, ishin zgjidhje sipas “diplomacisë realiste”, që sugjeron që Serbia duhet të marrë diçka në shkëmbim të njohjes së Kosovës.
Kur Vuçiç dhe Hoti, nënshkruan marreveshjet me SHBA ne Shtëpinë e Bardhë, ne mes të fushatës elektorale, Uashingtoni u përplas me Brukselin, për prishjen e dakortesisë ku Ballkani konsiderohej si çështje Europiane dhe marrëveshja mes Kosovës dhe Serbisë do të firmosej në Bruksel.
Me ardhjen e Biden, psherëtimat e lehtësimit të BE u dëgjuan deri në Uashington. Përfaqesuesi i politikës së jashtme tradicionale të SHBA, me sloganin “Amerika u kthye”, kishte parasysh sidomos rikthimin e saj në aleancën e Atlantikut të Veriut, bashkëpunimin me BE dhe rikuperimin e dëmeve që shkaktoi Trump. Sot, ndërsa Biden arriti në Gllasgou, për të diskutuar kryesisht për klimën, mosbesimi ne kthimin e Amerikës është shumë i madh tek liderët e BE.
Biden e njohu marrëveshjen e Trump me talebanët, tërhoqi trupat dhe pranoi humbjen e turpshme në Afganistan, duke shtuar refugjatët dhe kërcënimin e sigurisë në dyert e Europës. Ndërhyrja e SHBA për prishjen e marrëveshjes së Australisë me Francën për ndërtimin e nëndetëseve, shkaktoi tërheqjen urgjente dhe të paprecedentë të ambasadorit të Francës nga Uashingtoni, duke i çuar marrëdhëniet në pikën më të ulët historike. Europa u solidarizua me Francën, pritshmëria nga Biden u shndërrua në zhgënjim.
Edhe në Balkan duket se ndryshoi vetëm retorika e SHBA. Deklaratat për njohje reciproke, pa pazare të nëntokës, u shoqëruan pe konfirmimin e marrëveshjeve të 1 viti më parë me Trump, duke hutuar në radhë të parë Albin Kurtin që e mbështeti publikisht Biden përpara zgjedhjeve, pasi administrata e Trump i rrëzoi qeverinë.
Me pas SHBA u përplas me BE për negocimin e marrëveshjes së targave. Ndërsa përfaqësuesi i lartë i BE për dialogun Kosovë- Serbi, Miroslav Lajçak organizoi takimin trepalësh në Bruksel, i dërguari i SHBA, Escobar insistoi të merrte pjesë edhe i paftuar.
Deklarata e sotme është një tjetër zhgënjim për ata që prisnin ndryshimin, një tjetër konfirmim i diplomacisë realiste – Trumpiste. Me këtë qëndrim, SHBA konfirmojnë se e shohin zgjidhjen tek marrëveshja e autokratëve që nuk i lejojnë shpërthimet demokratike tu prishin punë, konfirmojnë kështu mbështetjen për Ramën në Shqipëri dhe Vuçiçin në Serbi, konfirmojnë gjithashtu planin për t’ i dhënë diçka Serbisë në këmbim të njohjes së Kosovës.
Ndërsa me BE duket se nuk do të ketë paqe. Edhe administrata e Biden po tenton ta zhvendosë në Uashington marrëveshjen Kosovë- Serbi, duke e prishur përfundimisht paktin e bërë nga Obama. Kjo ndarje e superfuqive SHBA dhe BE, mund të sjellë vetëm pasoja negative në vendet tona të vogla dhe të varfra.
Cila mendoni se është alternativa më e mirë:
Lulzim Basha u ka shpallur luftë të gjithëve sot në Kuvend. Krejti kundërt me Lulzim Bashën e 9 shtatorit, kur e “vrau” Berishën pasi i bëri gati lapidarin, sot...
Në një nga foltoret e Berishës e dëgjova të kërkojë ndjesë në emër të PD-së për faktin se ajo i ka braktisur protestuesit e Astirit dhe jo vetëm kaq, por, me ur...
Nga Meri Lika (burimi kryesor CNN)Në datën 7 shtator, Salvadori u bë vendi i parë në botë i cili filloi përdorimin e kriptomonedhës Bitcoin. Për të nisur përdor...
“Engelsberg Ideas”Në Perëndim është duke u zhvilluar një garë ideologjike mbi të ardhmen e Ballkanit. Nga njëra anë qëndrojnë idealistët liberalë. Ata e shohin ...
KINË– Tensionet e rritura me Tajvanin kanë përqendruar vëmendjen te Kina, me shumë njerëz që pyesin se ku e sheh presidenti, Xi Jinping vendin e tij ...
Osman Kavala nuk është dënuar asnjëherë për ndonjë krim, e megjithatë ai qëndron në paraburgim prej katër vitesh. Kjo megjithë një vendim të Gjykatës Europiane ...
Dorëheqja e presidentit të Bankës Qendrore të Gjermanisë, Bundesbank-ës të mërkurën (20.10.) ka tërhequr vëmendjen në Evropë. Jens Weidmann-i kryesoi për 10 vje...
Mirëseardhja e Edi Ramës dhe Taulant Ballës e shndërruan në më pak se 24 orë, atë që PD e quajti aksion të madh opozitar, në një mundësi për marrëveshje të re m...
Tregimi ndër shqiptarë se çdo çudi zgjatë jo më shumë se tre ditë dhe pastaj kalohet në një tjetër ngjarje çuditëse, për ta harruar atë të ...
Konluzioni i përbashkët i të gjitha analizave, menjëherë sapo dolën shifrat e para të zgjedhjeve lokale në Kosovë, ishte rezultati shumë më i ulët që mori Vetëv...
