Aktualitet

Tmerri i “Çoles” drejt lirimit nga burgu/ Zani Çaushi kërkesë Gjykatës: Kam fëmijë të mitur, më lironi të gjej punë se jam rehabilituar

Edhe pse i dënuar me burg përjetë, Zani Çaushi kërkon që Gjykata e Korçës të ndryshojë vendimin dhe të rifitojë lirinë. Në seancën e radhës pritet që të kërkohet dokumentacioni nga burgu i Drenovës si edhe të bëhet përllogaritja e dënimit dhe e kohës që ka qendruar në Kukës. 
Featured image of article: Tmerri i “Çoles” drejt lirimit nga burgu/ Zani Çaushi kërkesë Gjykatës: Kam fëmijë të mitur, më lironi të gjej punë se jam rehabilituar Zani Çaushi

KORÇËIsh-kreu i bandës së “Çoles”, Myrteza Çaushi ose i njohur ndryshe si Zani ka kërkuar lirimin e tij me kusht. Edhe pse i dënuar me burg përjetë, Çaushi kërkon që Gjykata e Korçës të ndryshojë vendimin e marrë ndaj tij. Zani Çaushi ka edhe pak ditë kohë, deri më 17 korrik do të paraqesë provat para gjyqtarit Seljadin Pysqili, që ende nuk ka marrë një vendim. Çaushi përmes avokatit të tij mbrojtës, pretendon se ka kryer 25 vite dënim ose ndryshe 3/4 e dënimit dhe ka pasur sjellje të mirë në burg, ndaj kërkon lirimin me kusht. 

 “Jam rehabilituar, kam fëmijë të mitur dhe do të punësohem nëse më lirojnë,”-mësohet se është shprehur Çaushaj në kërkesën drejtuar gjykatës, ndërkohë që deri më tani për çështjen e kreut të bandës së Çoles janë zhvilluar dy seanca. Në seancën e radhës pritet që të kërkohet dokumentacioni nga burgu i Drenovës si edhe të bëhet përllogaritja e dënimit dhe e kohës që ka qëndruar në Kukës. 

I dënuari Zani Caushi kërkon të lirohet duke përdorur dy nene të Kodit të Vjetër Penal, që i japin atij mundësinë për t’u liruar me kusht. Sipas nenit 64 dhe 65 të Kodit të Vjetër Penal, Vetëm në raste të jashtëzakonshme i dënuari me burgim të përjetshëm mund të lirohet me kusht kur ka vuajtur jo më pak se 25 vjet burgim dhe gjatë vuajtjes së dënimit ka mbajtur sjellje shembullore dhe çmohet se i është arritur qëllimit të dënimit për edukimin e tij”.

Për më shumë bëhu pjesë e grupit më viral në Facebook, Dosja.al

Myrteza Çaushi, kapobanda i lagjes Çole në Vlorë, i arrestuar dhe i dënuar për një sërë ngjarjesh të rënda kriminale të viteve ’97 kur në Vlorë sundonte anarkia. Gjatë kohës kur vuante dënimin në burgun e Burrelit, ai u martua me Arjana Panxhën, dhe u bë babai i një djali. Pas transferimit në Korçë, Panxha e ndoqi pas dhe mori një shtëpi me qera në zonë që të qëndronte pranë tij.

Zani Caushi do të mbahet mend si personi që mori në mbrojtje ish-kryeministri italian Romano Prodi gjatë vizitës së tij në Shqipëri. Gjatë vitit 1997, Caushi ishte i dënuar në një burg të sigurisë së lartë në Greqi, nga ku u arratis ku ishte i dënuar nga drejtësia e Greqisë me 101 vjet burg për vrasje.  Në Vlorë gjatë trazirave të vitit 1997, u formuan 5 banda, 3 prej tyre ishin rivale me atë të Zanit: Banda e Gaxhait, Banda e Kakamit dhe Banda e Pusit të Mezinit.

(k.m;f.g/dosja.al)

Shto Koment