Aktualitet

Sulmohet vandalisht me gurë makina e analistit Fatos Lubonja (Foto)

  • Reagon Meta: Çunat problematikë të Bablokut ‘përshëndetin’ analistin
  • Basha ngre gishtin mbi Ramën: Dhunon zërat kritikë
  • Sulmohet me gurë makina e Fatos Lubonjës. Ngjarja ka ndodhur më 1 korrik, 1 ditë pas zgjedhjeve. Burime për Dosja.al konfirmojnë personi i cili ka kryer sulmin ka shantazhuar disa herë analistin. Autori i sulmit është arrestuar nga policia. Sulmet ndaj Lubonjës vijnë pikërisht pas deklaratave të ashpra kundra qeverisë Rama.
    Featured image of article: Sulmohet vandalisht me gurë makina e analistit Fatos Lubonja (Foto) Fatos Lubonja dhe makina e tij pas sulmit me gurë
    Përditësuar:

    TIRANË- Një sulm vandal i është bërë makinës së analistit Fatos Lubonja. Dosja.al ka zbuluar se një person ka sulmuar me gurë makinën e publicistit të njohur, duke shkatërruar xhamin e parë të mjetit.

    Siç shihet edhe në këtë foto ekskluzive që ka siguruar Dosja.al, sulmi është i kërcënues dhe jo më përmes ekraneve virtuale por fizikisht. Për fat të mirë në momentin e sulmit, në makinë nuk ka pasur njeri.

    Makina e sulmuar e Fatos Lubonjës

    Burime pranë Policisë së Shtetit, i thanë Dosja.al se personi që ka kryer sulmin ka tentuar ta shantazhojë edhe disa herë të tjera Lubonjën, duke e sharë indirekt apo duke bërtitur nëpër shkallë, por analisti nuk e ka denoncuar atë në Polici, për shkak se njihet si person me probleme të shëndetit mendor.

    Personi është arrestuar nga policia dhe ndaj tij është nisur procedimi penal. Nga hetimi i deritanishëm, personi nuk ka deklaruar për probleme personale por politike me publicistin e njohur.

    Për më shumë bëhu pjesë e grupit më viral në Facebook, Dosja.al

    Mesa duket qëndrimet kritike të Lubonjës dhe sulmet e shpeshta verbale të Kryeministrit ndaj tij kanë ndikuar në aktin e dhunshëm.

    Fakti që ngjarja ka ndodhur mesnatën e 1 korrikut, një ditë pas zgjedhjeve, konfirmon motivet politike te dhunës.

    Dosja.al 

    Një Koment në “Sulmohet vandalisht me gurë makina e analistit Fatos Lubonja (Foto)

    1. Sam Uka Lubonja dhe shume te tjere si ai ne medjat shqiptare, nuk e kuptoj se si jane akoma gjalle. Ndryshe nga Marin Mema, ata, me argumentet e tyre medjatike, jane bere pjes e besimeve dhe politikave anti-shqiptare. Une nuk jam as me Salen e as me Lalen. Te jesh pas politikes shqiptare sot do te thote te jesh injorant, i kapur, apo tradhetare. Lubonja dhe te tjere si ai, po ta benin kete ne nje shtet fqinj, do ti kishin kthyer patkonjte nga dielli me kohe…

    Shto Koment