Politike

“Kush ka këllqe le të paraqitet më datë 30”, Veliaj nga Baldushku: Të gjithë do të votojnë, shfuqizimi i dekretit akt nul

Ashtu si edhe kryeministri Rama,Veliaj deklaroi i vendosur sot nga Baldushku se nuk ka kthim mbrapa, më 30 qershor të gjithë do të shkojnë në votime.

TIRANË- Kryebashkiaku i Tiranës Erion Veliaj, ka zhvilluar një takim ditën e sotme me sipmatizantët e Partisë Socialiste në Baldushk.

Ashtu si edhe kryeministri Rama,Veliaj deklaroi i vendosur sot nga Baldushku se nuk ka kthim mbrapa, më 30 qershor të gjithë do të shkojnë në votime.

“Nëse këta do e mbajnë njëri-tjetrin me gajret dhe serume dhe do çojnë letra nul që s’kanë pikë vlere juridike, do çojnë letra nul që s’kanë pikë vlere morale, letra nul si letra vetëvrasje politike, këta le t’ia çojnë njeri-tjetrit, por nuk jemi këtu për hallet e tyre, ne jemi këtu për hallet tona, për t’i zgjidhur dhe për të punuar për familjet tona dhe fëmijët tanë. Në datën 30 qershor, ata mund të çojnë letra, serume, llokume, njeri tjetrit sa të duan, por në datë 30 qershor, çdo njeri në Tiranë e Shqipëri do zgjohet në mëngjes dhe do i bëjë një pyetje vetes: Do votoj ose do merrem me pazarin që këta duan për 30 vitet që ikën apo do punoj për marrëveshjen që unë dua për 30 vitet që do vijnë?! Kjo është pyetja. Më 30 qershor të gjithë do të shkojnë në zgjedhje, më 30 qershor do të punojmë për famijlet tona. Kush ka takat, kush ka këllqe, le të paraqitet më datë 30”, u shpreh Veliaj nga Baldushku.

(a.m./dosja.al)

Shto Koment