Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Qeveria miratoi dje kontratën për dhënien me koncesion të ndërtimit dhe menaxhimit të Aeroportit të Kukësit, me bashkimin e kompanive Bami shpk dhe Global Technical Mechanics shpk. Në deklaratën e rastit, Ministrja Belinda Balluku pohoi se koncesioni do të zgjasë për një periudhë 35 vjeçare. Punimet për vënien në punë të Aeroportit të Kukësit parashikohet të zgjasin dy vjet.
As kontrata dhe asnjë ndonjë element i saj nuk janë bërë publike, dhe nuk dihet asnjë e dhënë tjetër e këtij koncesioni.
Ndërkohë, kompanitë Bami dhe Global Technical Mechanics janë kompani të panjohur për publikun.
Një hulumtim i Exit.al na ka çuar në konkluzionin se pas të paktën Gobal Technical Mechanics qendron kompania Kastrati shpk, që duket se është përfituesi i vërtetë i koncesionit.
Gara për koncesionin
Në fillim të vitit 2018, bashkimi i kompanive Kastrati sh.a. dhe T.M.D Systems LTD paraqitën në Ministrinë e Infrastrukturës një propozim të pakërkuar për marrjen me koncesion të rehabilitimit dhe operimit të Aeroportit të Kukësit, i ndërtuar në vitin 2006 me financim të sheikut të Emirateve të Bashkuara, Zayed bin Sultan Al Nahyan.
Më 11 korrik 2018, Këshilli i Ministrave pranoi propozimin e Kastratit dhe T.M.D Systems LTD, dhe hapi procedurën e konkurimit duke i dhënë Kastratit & TMD Systems një bonus prej 8 për qind të pikëve, si nismëtar dhe hartuesi i propozimit të paraqitur në ministri.
Bazuar në vendimin e KM-së për të pranuar propozimin, Ministria e Infrastrukturës hapi tenderin. Afati i fundit për dorëzimin e dokumenteve ishte 20 dhjetori 2018. Në tender paraqiti ofertë vetëm konsorciumi Bami shpk dhe Global Technical Mechanics. Në mënyrë të habitshme, konsorciumi nismëtar dhe që kishte marrë edhe një bonus në konkurim Kastrati & TMD Systems nuk u paraqit fare në garë.
Automatikisht, pa konkurencë dhe praktikisht pa garë, Bami shpk dhe Global Tecnical Mechanics u shpallën fitues të koncesionit. Asnjëra prej tyre nuk ka asnjë përvoje dhe ekspertizë në fushën e ndërtimit, operimit dhe menaxhimit të aeroporteve dhe të asnjë shërbimi tjetër të lidhur direkt apo indirekt me aeroportet.
Kjo do të thotë se konsorciumi nuk ka përmbushur kriterin kryesor teknik të ekspertizës dhe përvojës në fushën e shërbimit. Nuk dihet nëse këtë mangësi konsorciumi e ka plotësuar duke patur ndonjë marrëveshje nënkontraktore, por gjithsesi kjo gjë do të përbënte shkelje të rregullave të konkurimit. Exit.al ka mësuar se një nga kriteret kualifikuese të garës ka qenë që konkuresit duhet të kishin ekspertizë dhe përvojë në fushën e operimit dhe manaxhimit të aeroporteve, si dhe duhet të ishin të pajisur me licenca përkatëse nga autoritetet ndërkombëtare të aviacionit.
Kompanitë fituese
Kompanitë fituese janë pa ekspertizë apo përvojë ndërtim dhe operim aeroportesh.
Bami shpk është një kompani ndërtimi e krijuar në vitin 1999, me seli në Krujë në pronësi të Shkëlqim Bamit. Kompania nuk ka ekspertizë dhe asnjë përvojë të mëparshme në ndërtim aeroportesh.
Kompania ka patur një aktivitet modest deri në vitin 2012, pas të cilit aktiviteti i saj ka njohur rritje të ndjeshme thuajse i gjithë përmes kontratave publike kryesisht për shtrim dhe asfaltim rrugësh lokale. Gjatë kësaj periudhe të ardhurat vjetore të kompanisë janë luhatur nga 2-5 milionë euro. Kompani gjatë vitit 2017 ka gati dyfishuar fitimet krahasuar me vitin 2016, dhe disa fishuar në krahasim me vitet e mëparshme.
Global Technical Mechanics është një kompani e re, e krijuar në 2017 me objekt kontrollin, shitjen dhe blerjen e mjeteve motorrike dhe pjesëve të këmbimit të tyre; transport rrugor ndërkombëtarë; tek shërbimeve dhe ndërtime në fushën e aviacionit civil dhe në fund konsulencat financiare dhe fiskale.
Sidoqoftë, kompania nuk ka zhvilluar ansjë aktivitet dhe nuk ka asnjë përvojë në fushat që janë deklaruar si objekt i saj—aktiviteti i parë i kësaj kompanie është koncesioni i Aeroportit të Kukësit.
Pronari i vetëm i Global Technical Mechanics është Ridgers Mema, 26 vjeç. Exit.al ka mësuar se Ridgers Mema është faktikisht punonjës i Grupit Kastrati.
Formalisht Mema është gjithashtu aksioner i në tre shoqëri të tjera të prodhimit dhe eksport-importit të naftës dhe nënprodukteve të saj. Në të gjitha këto shoqëri, ka qenë aksioner dhe i ka shitur aksionet Ridgers Memës, kompania Kastrati ose kjo e fundit është anëtare e këshillit mbikqyrës.
Konkretisht, Mema është aksioner në kompaninë Al Global Oil, e themeluar në vitin 2016, me objekt importin dhe eksportin e hidrokarbureve, të karburanteve, naftës, gazit dhe nënprodukteve të tyre. Kjo kompani ka blerë rafinerinë e bitumit të ARMOS në Fier.
Al Global Oil ka qënë në pronësi të Frident Kuqit dhe Shefqet Kastratit, të cilët në vitin 2017, transferuan 100 për qind të kuotave tek Ridgers Mema, Qazim Qazimi dhe Aurel Baka. Në qershor 2018, Aurel Baka i ka shitur aksionet e tij, 33 përqind, tek Ridgers Mema, i cili u bë aksioneri kryesor i kompanisë me 66 për qind të aksioneve.
Deri në dhjetor 2018, anëtarë të Bordit Mbikqyrës të kompanisë kanë qenë Shefqet, Musa dhe Leonard Kastrati.
Mema është gjithashtu aksioner në kompaninë Ak Trade International Oil, e themeluar në vitin 2014, me objekt import-eksport dhe shitje me shumicë. Ridgers Mema është aksioneri kryesor me 67 përqind të aksioneve dhe administrator i kompanisë. Në Këshillin Mbikqyrës të kompanisë kanë qenë anëtarë nga viti 2014 deri në vitin 2017 Alket Hyseni, deputet i Partisë Socialiste, dhe Shefqet Kastrati.
Të gjitha faktet e mësiperme të çojnë në përfundimin që në fakt Ridgers Mema dhe kompania Global Mechanics ëshë thjesht një mburojë për Grupin Kastrati, që duket se është një nga dy koncesionarët faktikë të Aeroportit të Kukësit. Marrë nga Exit.al
Tirana është boshatisur për ditët e pushimit. Cilën nga ritet e shenjta po ndiqni:
KRUJË- Ka disa ditë që ka filluar prerja e pyjeve në lumin Ishëm. Mësohet se prerja e pyjeve është bërë nga një firmë nga Mamurrasi, Joti sh.p.k, e cila ka...
DURRES- Autoriteti Portual Durrës ka shpallur të lirë pozicionin e Zv.Drejtorit të Forcës së Sigurisë Portuale. Sipas njoftimit bëhet e ditur se kandidatët duhe...
Teksa ekonomia shqiptare është në trend rritës pasuria financiare e familjeve shqiptare në raport me PBB-në ka pësuar rënie. Bilanci i familjeve shqiptare publi...
TIRANË- Shqipërët janë një nga popujt më të palumtur në Europë, pasojë kjo kryesisht e korrupsionit, shqetësimeve të përditshme dhe përkrahjes së mangët so...
TIRANË- Miratohet kontrata për dhënien me koncesion të ndërtimit te aeroportit të Kukësit.Lajmi u bë i ditur nga vetë ministrja e Infrastrukturës dhe Energ...
SHKODËR- Në kuadër të takimeve të hapura me mjekët dhe infermierët, Manastirliu lajmëroi disa ndryshime të propozuara për mjekimin e pakujdesshëm dhe për d...
Në Shqipëri rreth 37 për qind e të punësuarve janë në të zezë. Banka Botërore në bashkëpunim me nismën e Vienës në raportin e 2019 për trendet e punësimit në Ba...
Banka Botërore ka publikuar një raport lidhur me performancën e tregut të punës në Ballkanin Perëndimor.Sipas raportit, ekonomia në rajon po përmirësohet, megji...
218 infermierë dhe teknikë të shkencave mjekësore teknike u punësuan nga konkursi i tretë “Infermierë për Shqipërinë”, në sistemin shëndetësor publik në të gjit...
Një studim i ri ka zbuluar se fëmijët që nuk kishin vaksina fëmijërore kishin më shumë gjasa të diagnostikoheshin me autizëm sesa fëmijët që e kishin kryer vaks...
