Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Diku aty ku ndahet lagja e vjetër gjirokastrite e Manalatit, mbi ato avlli (që të kujtojnë filmat me partizanë) që lidhen me Dunavatin e I-rë, bujtëm për disa orë në shtëpinë më se 300-vjeçare të çiftit simpatik të Doreta e Saliko Sejdos.
Tek ajo që mund të quhet “derë”, na pret Salikoja. Të dy, ajo rreth të 70-ve dhe ai te të 80-at, janë një binom i mrekullueshëm i të qenit një i vetëm, – siç i themi ne “tenxherja-kapakun”, – apo siç thotë vetë Doreta: “Ai me duar, e unë me nikoqirllëk”. Salikonë, bashkëshortin e saj, pas nxjerrjes së duhanit e varjes për t’u tharë, në një nga dhomat e katit të parë, e gjejmë duke përgatitur rakinë, për atë që Salikos “80 litrat e sivjetshme”, i duken tejet pak. “Erdha me dy miq të mitë… se këta pijanecë janë, e dëgjova ke nxjerrë rakinë”, na prezanton miku ynë me të. “Të vijnë të pinë sa të ngordhin”, na drejtohet Salikoja.
Ndonëse ajo është ndryshuar së tepërmi, së paku nga pamja e jashtme, siç thotë vetë Salikoja, ajo sot është “e ftohtë” për ta… “Kurbeti”, siç thotë Doreta, u ka marrë dy djemtë e tyre. “I shohim nga Skype, por nuk i prekim dot me dorë”, thotë Doreta, për gazetën “Si”. Pengu i tyre (më shumë i Doretës) është tashmë ta martojnë edhe “të voglin”, 36-vjeçarin e kësaj shtëpie…
“Mos merrni fukaresha!”
Teksa zëmë vend pranë tavolinës në pjesën e bahçes para shtëpisë, që sa hap e mbyll sytë shtrohet nga Doreta, Saliko nis e ngrihet herë pas here për të parë kazanin e rakisë, disa metra më tutje.
Ajo nis e bisedon se kanë mbetur vetëm, “e mirë, që jemi me këmbë e duar”.
Më pas vjen burri i shtëpisë, i cili kujdesej herë pas here për rakinë e shtëpisë, e thotë, “ik more ti se do na deskretitoç fare”, duke parë se Doreta, po fliste “pa teklif” para kamerës. Siç mësojmë nga çifti me shpirt të ri, çuni i tyre, Eri, kishte pasur një histori mjaft të bukur, e rrëfyer me humor si një aktor i vërtetë nga Salikoja, kur ai ishte pothuajse 4 vjeç, e i pshurri të atit nga kati i tretë i shtëpisë, ndërsa Saliko i mbërtheu kanatet e dritareve me perona, e nuk i hapi për 10 vite rresht.
“Naftë s’kishte, e naftë nxori Enveri”…
Kur e pyet Salikon, – teksa ulet, fillon e dredh një duhan, e pasi bëjmë gëzuar me rakinë e shtëpisë të saponxjerrë, – se si e përjetuat vdekjen e Enverit dikur, thotë se, “e pritëm me ulërima, me ulërima… gazmore”. “Ngordhi, tha mamaja”, ta kthen Salikoja. Befas rikujtohet dhe thotë, “Ç’e do mo, ik aman. Ç’na i kujton bajgën e mu***, se na bëri që të merrnim malet”. E teksa mediton paksa, rrëfen më tej se “naftë nuk kishte në Shqipëri, e naftë nxori Enveri”. E një miku ynë i ulur në tavolinë së bashku me ne, duke mos e kapur fare atë çast ironinë e tij, i kthehet Salikos duke i thënë se “nafta është zbuluar edhe më herët nga austriakët, e italianët”… “Ç’naftë more?”, ia kthen Saliko, “naftën, që na i bëri neve!”. Më pas, biseda merr një tjetër rrjedhë, teksa herë pas here sikur ia bën me sy Doretës, kur biseda fillon e drejtohet për tek i ati i Enverit, që Saliko na thotë se “…e kishte babanë, të qafsha moj shegë çame”. “Llafe janë llafe”, – na i kthen me ironi Saliko, duke nënkuptuar se ai që dimë ne, nuk ishte i ati i vërtetë, e duke shtuar se, “sa zbukurime… merr sot fjalori”. Kur të thotë se, s’para i ka qejf xhirimet me kamera, fillon e nënqesh, e duket se edhe sytë brenda atyre syzeve të errëta, pas operacionit të suksesshëm në sy, i buzëqeshin. Më pas, si për ta mbyllur po me humor, teksa Doreta e ngacmon për tallonët dikur, që shumë prej atyre që e lexojnë këtë shkrim, mbase s’i kanë provuar kurrë, Saliko shprehet me ironi se, “komunizmi ishte gjë e bukur, me tallon dritat, tallon drush, fasulet, mishi, etj.
Talloni na është bërë në gjumë. Pse thoshin, të humbtë talloni?! Një copë letër ishte, por ajo ishte baras me bukën. Të humbte talloni, rrije pa mish një muaj”.
“Çeço kopani”
“I goditur ishte pakëz”, thotë Saliko, për Çerçiz Topullin, teksa rrëfen se “bota bënte vrasjet me majën e lapsit”, thotë ai, brenda shakasë, pavarësisht se disa mund ta shohin “shtrembër” këtë mendim të tijin.
“Erdhi këtu njëherë”, vijon bisedën Saliko nga kujtimet e babait dhe gjyshit të tij, teksa tregon me gisht katin e tretë të shtëpisë. “Kishin të bënin, nga ana e grave tona… Shtëpia ka qenë më e dalë asokohe. Erdhi Çeçoja këtu, e ndërsa pinte, i tha gjyshit: Ti i martuar i rregulluar, por unë ngela pa martuar”. “Pihu dhe u dend, e deshte të hidhej këteja, nga balli i shtëpisë. Kanë qenë 12 vëllezër ata… Në film, e ka pasur zërin tejet të ëmbël… Që nga emri e kishte zërin e trashë…”, ndërsa një nga dy miqtë e mi, hapën sekuenca të filmit “Liri a vdekje”. Aty më pas, muhabeti u la përgjysmë pasi filluan debatet historike, e roli i Çeços sipas historisë syshkruar dhe të lexuar diku nëpër “qitapët e historisë”…
Vizitë në shtëpinë 300-vjeçare
Më tej, zonja e shtëpisë teksa ishim kureshtarë të shikonim në brendësi shtëpinë 300-vjeçare, na sodit nëpër mjediset e saj, duke na thënë se poshtë dyshemeja ka qenë me gur të zi, ndërsa më tej na tregon cisternën e ujit (stera), apo dhomën e duhanit që Saliko pasi e kishte prerë e kishte vendosur të thahej… por në një nga dhomat nuk harron të na tregojë edhe foton e plakës (mamasë së saj), 103-vjeçare, që jetoi me ta për shumë vite.
Shtëpia është tejet “elastike”, teksa ecim përgjatë dhomave të saj. “E banjën, ai e ka bërë vetë”, – thotë Doreta për Salikon.
Më tej, zonja e shtëpisë na ngjit në katin e tretë, apo atë që quhet dhoma e burrave, ku dikur Çeçoja donte të hidhej nga kati i tretë, kur dëgjonte se si të tjerët ishin trashëguar dhe ai luftonte me turkun, ende maleve.
Në kohë të Luftës së Dytë, na shpjegon zonja, “ka rënë bomba. Vajtën gjermanët te një gjitoni ynë dhe kërkuan për ushqime, ndërkohë që ai i thotë për shtëpinë tonë se, sipas tij ishim në gjendje të mirë. E njëherë sa e morën vesh, gjermanët kujtuan se strehonim edhe partizanë e erdhën aeroplanët, duke e bombarduar. Kur jam martuar unë…”, vijon Doreta, “gur e mur, ka qenë”, ndërsa ecim për poshtë, në katin e parë majtas, e na tregon katoqin apo haurin, që e kanë kthyer sot në një dhomëz të vogël, atje ku Salikoja “fsheh pasurinë e tij”, rakinë…që “80 qilot e futura në bidonë plastikë, Salikoja e quan pak”. Pas këtij udhëtimi të këndshëm, një tavoline të shtruar plot, e një qëndrimi prej më se 2 orësh, Salikoja na i mbush edhe nga një gotë tjetër, ndërsa na tregon disa sekrete pranë kazanit.
aty ku i premtojmë që do të kthehemi sërish për festat e nëntorit, ndërsa Saliko “kërkon të na diskreditojë”, duke e mbyllur se, “po u nisët me festa, mos hajdeni fare, më mirë!”.
Marrë nga Gazeta Si
Tirana është boshatisur për ditët e pushimit. Cilën nga ritet e shenjta po ndiqni:
TIRANË-Për herë të parë investimet e koncesionarëve private në ndërtimin e rrugëve pritet të kalojnë ato me fondet e brendshme të qeverisë.Të dhënat zyrtar...
Shqipëri- Edhe pse procesi i fiskalizimit vijon të jetë i paqartë për palët e interesit, për sa kohë ende nuk janë publikuar udhëzimet dhe aktet nënligjore, di&...
TIRANË– Pas një përmirësimi gjatë vitit 2017, deficiti i skemës së pensioneve iu kthye përkeqësimit në vitin 2018. Në kushtet kur numri i pensionistë...
TIRANË- Kohët e fundit nxënësve të shkollave 9 vjeçare dhe të mesme po u kërkohet të paguajnë një kontribut. Por prindërve nuk ju sqarohet, se ky ko...
Plot 36% e bizneseve shqiptare kanë përjetuar së paku një kërkesë eksplicite për të paguar ryshfet ndërsa ryshfeti rezulton se është kërkuar në 30% të të gjitha...
SARANDE– Qytetarë dhe anëtarë të shoqërisë civile janë mbledhur sot përpara plazhit të Çentralit në Sarandë për të kundërshtuar punimet që po bëhen aty.P...
Emisioni “Historia ime” në Tv Klan trajtoi këtë të premte historinë e fortë të një babai, i cili kërkon që të takojë vajzën e tij, por ish-bashkëshortja nuk e l...
SHKODËR- Janë të vetmit që në temperatura të ulëta, në mot me shi, dhe në kushte atmosferike të papërshtatshme, ata sfidojnë gjithçka për ti shërbye...
TIRANË- Kontrata për ndërtimin me koncesion të rrugës Milot-Balldren u miratua në Kuvend pak javë më parë, por burime i thanë Top Channel se kjo kontratë d...
TIRANË- Ministrja e Ekonomisë dhe financave Anila Denaj ka reaportuar sot në konferëncën Kryetarëve në Kuvendin e Shqipërisë në lidhje me projektbuxhetin e...
