Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Nga Jared Malsin & Anat Peled “Wall Street Journal”
Militantët e mbështetur nga Irani dhe forcat izraelite shkëmbyen sërish zjarr orët e fundit në Izraelin Verior, duke rritur frikën se lufta në Gaza mund të përhapet në një konflikt më të gjerë rajonal, dhe që mund të përfshijë Libanin dhe Sirinë.
Ushtria izraelite tha se iu kundërpërgjigj zjarrit të mërkurën, pasi militantët e Hezbollahut në Liban lëshuan raketa në drejtim të Izraelit. Një sulm i veçantë ajror izraelit të mërkurën vrau 3 persona, përfshirë 2 shtetas libanezo-australianë. Ndërkohë një milici irakiane e mbështetur nga Irani, mori përgjegjësinë për një dron të ngarkuar me eksplozivë që u rrëzua në një pjesë të Lartësive Golan, zonë e aneksuar nga Izraeli.
Përshkallëzimi i dhunës vjen pas një sulmi ajror në Siri të hënën, që vrau një zyrtar të lartë në Korpusin e Gardës Revolucionare Islamike të Iranit, i cili drejton punën e një rrjeti grupesh paraushtarake në të gjithë Lindjen e Mesme. Besohet se sulmi u krye nga Izraeli, por ky i fundit nuk e ka marrë ende përgjegjësinë për të.
Gjatë ceremonisë mortore ku morën pjesë mijëra njerëz në Teheran, udhëheqësit iranianë u zotuan të hakmerren për vrasjen e zyrtarit, Sayyed Razi Mousavi. Përshkallëzimi i dhunës përgjatë kufijve veriorë të Izraelit, po ngre shqetësime se lufta e tij me Hamasin në Gaza, mund të shndërrohet në një konfrontim të gjithanshëm me lëvizjen militante Hezbollah të Libanit dhe një sërë grupesh të tjera militante aleate të Iranit në të gjithë rajonin.
Izraeli dhe Hezbollahu janë përfshirë rregullisht në përleshje të kufizuara me armë zjarri që nga sulmi i Hamasit i 7 tetorit, që e nisi konfliktin aktual. Por presioni ndërkombëtar, duke përfshirë edhe administratën e Bidenit, ka ndihmuar deri më tani për ta mbajtur nën kontroll frontin Izrael-Liban.
Një përplasje ushtarake në shkallë të plotë midis Izraelit dhe Hezbollahut, mund të ishte shkatërruese për të dyja palët. Duke pasur nën komandë dhjetëra mijëra luftëtarë me përvojë në beteja dhe një arsenal raketash dhe armësh të tjera të ofruara nga Irani, Hezbollahu është një kundërshtar shumë më i aftë se Hamasi që është i armatosur relativisht lehtë.
Gjatë luftës së fundit midis Izraelit dhe Hezbollahut në vitin 2006, Izraeli e bombardoi rëndë Libanin, përfshirë aeroportin e Bejrutit dhe infrastrukturën tjetër civile, ndërsa Hezbollahu lëshoi qindra raketa mbi Izrael. Frenimi i armiqësive midis Izraelit, Hezbollahut dhe grupeve të tjera të milicisë të mbështetur nga Irani, ka qenë një synim diplomatik themelor i administratës se Joe Biden dhe i qeverive të tjera perëndimore gjatë gjithë luftës aktuale.
SHBA ia doli ta bindë kryeministrin izraelit Benjamin Netanyahu që të anulonte një sulm parandalues kundër Hezbollahut disa ditë pas sulmit të 7 tetorit. Udhëheqësit izraelitë paralajmëruan këtë javë se po e humbasin durimin me përpjekjet diplomatike perëndimore, ndërsa zyrtarët amerikanë dhe aleatët po punonin për të zbutur tensionet javët e fundit.
“Po skadon koha për të arritur një zgjidhje diplomatike të krizës”- thotë Benny Gantz, anëtar i lartë i shtabit të luftës në Izrael. “Në rast se bota dhe qeveria libaneze nuk veprojnë për të parandaluar qëllimet ndaj banorëve veriorë të Izraelit dhe për të distancuar Hezbollahun nga kufiri, atëherë këtë do ta bëjë ushtria izraelite”- theksoi ai.
Zëdhënësi i ushtrisë izraelite, admirali Daniel Hagari tha se Izraeli po kundërpërgjigjet ndaj sulmit të Hezbollahut, dhe se që nga fillimi i luftës kishte vrarë më shumë se 150 militantë në Liban, përfshirë 129 anëtarë të Hezbollahut. Por këto shifra nuk mund të verifikohen dot në mënyrë të pavarur.
“Hezbollahu po paguan një çmim të lartë për veprimet e tij. Dhe do të paguajë një çmim edhe më të lartë nëse vazhdon të sulmojë”- tha ai të mërkurën. Konflikti me një intensitet ende të ulët midis Izraelit dhe Libanit, ka ndodhur paralelisht me ofensivën e Izraelit kundër Hamasit në Gaza, ku sipas autoriteteve që nga 7 tetori në enklavë janë vrarë më shumë se 21.000 njerëz, shumica prej tyre gra dhe fëmijë.
Në këtë numër përfshihen si militantë po ashtu edhe luftëtarë. Sipas Izraelit, gjatë inkursionit brenda Izraelit më 7 tetor Hamasi vrau më shumë se 1.200 njerëz, shumica e tyre civilë. Sipas zyrës për shtyp të kryeministrit izraelit, që nga fillimi i tij konflikti ka zhvendosur deri tani më shumë se 230.000 njerëz nga shtëpitë e tyre në Izraelin Jugor dhe Verior.
Ai gjithashtu ka zhvendosur më shumë se 70.000 njerëz nga Libani jugor. Me 24.000 banorë, Kiryat Shmona është qyteti më i madh në Izraelin Verior që është evakuuar që nga fillimi i luftës në Gaza, pasi ka qenë shpeshherë në shënjestër të sulmeve të Hezbollahut. Vetëm të mërkurën mbi qytet ranë 16 mortaja, të cilat shkaktuan dëme në shtëpi dhe infrastrukturën publike, theksoi Avihay Shtern, kryebashkiaku i qytetit.
Shtern shtoi se ai nuk do t’u bëjë thirrje banorëve që të kthehen në qytet derisa Hezbollahu të largohet nga kufiri dhe qeveria të jetë në gjendje të garantojë sigurinë. “Sepse ne nuk mund të presim që një ditë mijëra militantë të kalojnë gardhin kufitar dhe të shohim tmerret që ndodhën në jug të Izraelit”- deklaroi ai.
Në mbarë rajonin, një sërë grupesh militante, aleate me Iranin, kanë mbajtur anën e Hamasit në këtë konflikt, përfshirë rebelët Houthi në Jemen, të cilët kanë nisur ditët e fundit sulmet ndaj anijeve tregtare në Detin e Kuq, për të cilat ata besojnë se po shkojnë drejt Izraelit, duke ndërprerë kësisoj një rrugë shumë të rëndësishme të transportit global.
Vrasja e Mousavi-t, zyrtarit të lartë të IRGC-së, i rriti më tej tensionet Izrael-Iran. Duke folur gjatë funeralit të tij të enjten, udhëheqësi më i lartë i gardës revolucionare, gjeneralmajor Hossein Salami, tha se Mousavi ishte një nga udhëheqësit më të rëndësishëm të organizatës dhe se Irani do të hakmerrej “në kohën dhe vendin e duhur”, cituar nga agjencia shtetërore e lajmeve në Iran, IRNA.
Ndërkaq një zyrtar i IRGC-së tha në fillim të kësaj jave se sulmi i 7 tetorit, ishte kryer në formë hakmarrje për vrasjen e kreut të lartë të IRGC-së, Qassem Soleimani, në janarin e vitit 2020 nga forcat speciale të Shteteve të Bashkuara.
Por më vonë zyrtarët iranianë e hodhën poshtë këtë deklaratë, duke thënë se sulmi kishte qenë një nismë e vetë palestinezëve. Breshëria e regatave të lëshuara nga territori i Libanit të mërkurën, erdhi pas një sulmi ajror izraelit që vrau 3 persona, përfshirë 2 persona me shtetësi australiano-libaneze. Australia konfirmoi të enjten vdekjen e dy qytetarëve të saj, dhe tha se po hetonte pretendimet e Hezbollahut se një nga personat kishte lidhje me këtë grupim radikal.
Joe Biden Nga Daniel Larison “Responsible Statecraft” Rekordi i politikës së jashtme të administratës Biden në SHBA p...
Nga Nicasia Picciano “Dtt-net.com” Më 24 dhjetor, në prag të Krishtlindjeve, opozita serbe tentoi që të sulmonte godin&e...
Nga Valerio Chiappaino “Il Giornale” Sulmi ushtarak i nisur nga Izraeli kundër Hamasit pas sulmit të paprecedentë të 7 tetori...
Silicon Valley SHBA- Nga Jennifer Cassidy “TRT World” Në peizazhin e sotëm të politikës globale, termi “politi...
Foto ilustruese Nga Anatol Lieven “ZNetwork” Ndërsa mbështetja publike për Ukrainën ka rënë me kalimin e koh&eum...
Lufta UKRAINË- Nga Adam Tooze “Financial Times” Viti që po mbyllet ishte i karakterizuar nga konflikte dhe dhunë në n...
Nga Antonio Polito “Corriere della Sera” Giorgia Meloni:7.3 milionë vota. Chiara Ferragni:29.6 milionë ndjekës në rrjetet soc...
Nga Judy Dempsey “Carnegie Europe” Evropa vazhdon të ecë përpara me opsionin e ‘autopilotit’, sa për të p&eu...
Nga Tobin Harshaw “Bloomberg” “Ju pëlqen apo jo, historia është në anën tonë. Ne do t’ju varrosim!&rdqu...
foto ilustruese Nga Rany Ballout “National Interest” Ndërsa pritet të ngadalësohen luftimet midis Izraelit dhe Hamasit, zhvilli...
