Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Tobin Harshaw “Bloomberg”
“Ju pëlqen apo jo, historia është në anën tonë. Ne do t’ju varrosim!”. Kështu iu drejtua perëndimorëve udhëheqësi sovjetik Nikita Khrushchev në vitin 1956. Por historia kishte plane të tjera. Tani, 30 vjet pas rënies së Bashkimit Sovjetik, Vladimir Putin, një historian i vetëshpallur i historisë ruse dhe sovjetike, duket se është në njëjtën gjatësi vale me Khrushchev.
“Periudhës historike të dominimit të pandërprerë të Perëndimit mbi çështjet botërore po i vjen fundi”- deklaroi ai vitin e kaluar në konferencën e fundvitit për mediat. Po si mund ta rrëzojë Putini rendin ndërkombëtar të udhëhequr nga SHBA-ja, me një ekonomi ruse që është 10 herë me e vogël se ajo e Amerikës, dhe me një ushtri të dërrmuar dhe të bllokuar në fushën e betejës në Ukrainë?
Natyrisht, këtë do të bëjë këtë në një mënyrë të fshehtë, siç i ka hije një ish-agjenti të KGB-së. Po ashtu, paralajmëron Calder Walton, duke u mbështetur në predikimin e fundit amerikan mbi epokën e “pas të vërtetës”. Walton, autor i librit “Spiunët:Lufta epike midis shërbimeve sekrete të Perëndimit dhe Lindjes”, dhe ndihmësdrejtor i Projektit të Historisë së Aplikuar dhe Projektit të Inteligjencës të Qendrës Belfer të Universitetit Harvardit, shton:“Kur ne nuk mund të biem dot dakord as për gjëra të tilla si faktet, është e vështirë pasja e një strategjie koherente mbi luftën informative ndaj armiqve”.
Në rast se flasim për një manipulim të opinionit publik, mendja na shkon që në fillim tek Rusia. Vladimir Putin është ish-agjent i i KGB-së. Si e dikton kjo botëkuptimin e tij dhe atë që po ndodh në Ukrainë?
KGB-ja e ka formësuar që në fillim botëkuptimin e tij. Edhe pse nëse gërvishtim në sipërfaqe, unë mendoj se karriera e tij në KGB, nuk ishte ashtu siç pretendon ai se ka qenë. Sepse ai ishte vërtet me shërbim në Gjermaninë Lindore, por jo në Berlin, ku ishte epiqendra e vëmendjes.
Dhe terreni i veprimit për spiunët e Luftës së Ftohtë...
Putin ishte caktuar të shërbente në Drezden, një zonë me një rëndësi periferike për
KGB-në. Ai ka lënë të kuptohet se ka punuar me bashkëpunëtorë të fshehtë, tamam si në serialin “Amerikanët”.Ai u përpoq të bëhej vetë një agjent sekret, por dështoi në testin e gjuhës.
Atëherë si përfundoi në krye të Rusisë?
Po aq e rëndësishme për karrierën e tij ishte kalimi i fillimit të viteve 1990 në Shën Petersburg, dhe krijimi i lidhjeve me krimin e organizuar atje. Në fundin e viteve 1990, kur ai u bë drejtor i FSB-së, shërbimit të ri të sigurisë, ai i bashkoi që të dyja. FSB, që jep llogari përpara Putinit, është de fakto një agjenci që drejton krimin e organizuar rus dhe pastrimin masiv të parave.
Por sa i përket formimit të botëkuptimit të tij më të gjerë?
Vladimir Putin e quajti rënien e Bashkimit Sovjetik si katastrofën më të madhe gjeopolitike të shekullit XX-të. Që nga ajo kohë ai i ka vendosur vetes misionin ta bërë Rusinë serish të madhe, për t’i dhënë asaj vendin e saj midis fuqive të mëdha të botës.
Është një etno-nacionalizëm rus që e sheh Ukrainën jo si një shtet të veçantë, por si pjesë të trashëgimisë së rusëve. Esetë që ai botoi në prag të pushtimit në shkallë të gjetë të vitit 2022, e bënë shumë të qartë këtë pikëpamje. Në fakt, edhe nëse analizoni fjalimet e tij në fillim të viteve 2000, nuk mund ta akuzoni për mungesë koherence.
Ai thoshte se SHBA-ja është diktatura e vërtetë në peizazhin ndërkombëtar; ankohej se ajo nuk merr parasysh interesat e vendeve të tjera; se nuk është një demokraci; se rendi ndërkombëtar i udhëhequr nga SHBA-ja po prapa qëllimisht Rusinë dhe vendet e tjera. Është e pabesueshme, sesi Perëndimi ka pasur iluzione se ai do të bënte diçka tjetër përveç asaj që bëri në Ukrainë.
E megjithatë ushtria e tij nuk hyri në Kiev brenda një jave. Pse ndodhi kjo?
Kjo për 2 arsye kryesore. Së pari, nga demaskimi i planeve nga shërbimet sekrete të Perëndimit. Të dhënat e tyre demaskuan para opinionit publik ndërkombëtar pretekstet që po sajonte si justifikime për pushtimin.
Së dyti, Putin e konsideron veten si analistin e tij kryesor të inteligjencës, ashtu si dikur Josif Stalini. Shefat e inteligjencës nuk i thonë asnjëherë të vërtetën liderit suprem në Kremlin. Ata dhe mund ta bëjnë, por është e sigurt se shumë shpejt do të zhduken nga qarkullimi.
Të dy biem dakord që kemi hyrë në një Luftë të re të Ftohtë. A mendoni se është e dobishme ta shohim këtë përballje jo si midis Kinës dhe SHBA-së, por midis fuqive autokratike dhe atyre demokratike?
Kjo është një kornizë e dobishme, qoftë edhe vetëm për ne në Perëndim, që përpiqemi të kuptojmë se çfarë përfaqësojmë dhe mbrojmë realisht. Për këtë arsye, lufta në Ukrainë ka të bëjë me shumë më tepër sesa vetëm me shpëtimin e Ukrainës si shtet.
Në lojë është për demokracia, mënyra jonë e jetesës dhe vlerat tona. Nuk ka asnjë dyshim se Kina po konkurron me të gjitha mjetet me SHBA-së sa i përket fuqisë ekonomike. Por ideologjia që qëndron pas saj përfshin autoritarizmin dixhital.
Kina po e eksporton atë model në Jugun Global. Në mbarë botën ka liderë autokratë që janë shumë të interesuar në përdorimin e mjeteve të Kinës për qëllimet e tyre të brendshme. Sigurisht, do të ketë edhe zona gri të vendeve autokratike, me të cilat Perëndimi duhet të mbajë marrëdhënie të ngushta.
Pra na duhen disa diktatorë që janë miqësorë me ne...
Por dhe ja ku jemi sërish tek modeli i Luftës së Ftohtë të dikurshme. Nuk është një model i përsosur, por sigurisht që është i dobishëm për të kuptuar se çfarë është duke ndodhur.
Amerikanët priren të mendojnë se në fund modeli ynë demokratiko-kapitalist do të arrijë të triumfojë. Po ashtu, priremi të besojmë se në fund të fundit të gjithë njerëzit duan të jenë të lirë.
Ashtu është.
Por nëse Kina po eksporton mjetet për t’i mbajtur njerëzit të robëruar, si t’i kundërvihemi kësaj?
Ne mund të jemi më pak përcaktues në marrëdhëniet me liderët dhe qeveritë e vendeve në Jugun Global. Kohët e fundit mora vesh se një delegacion nga disa vende afrikane vizitoi Shkollën Kenedi në Harvard. Ata thanë se sa herë takohen zyrtarët e SHBA-ja u japin zakonisht leksione; ndërsa kinezët na ndërtojnë aeroporte të reja. Pra, ne duhet të jemi më pak mesianikë dhe disi më shumë pragmatikë.
Jam dakord edhe unë që nuk duhet t’u mbajmë shumë leksione. Por nga ana tjetër s’mund të ndërtojmë aeroporte për ta. Buxheti i Departamentit të Shtetit është i vogël, po ashtu edhe ai i Agjencisë për Zhvillim Ndërkombëtar...
Është e vërtetë, por ne kemi një avantazh të madh:njerëzit që duan të vijnë dhe të jetojnë në Amerikë, janë më të shumtë në numër, sesa ata që duan të shkojnë dhe të jetojnë në Kinë. E di që përmendja e Planit Marshall është bërë një klishe. Por nëse gjendemi në një përplasje gjeopolitike të re dhe kemi të palë të treta që duan të jenë me Amerikën, atëherë çfarë mund t’u ofrojmë atyre? Një Plan i ri Marshall, mund të jetë pikërisht ajo që na nevojitet.
foto ilustruese Nga Rany Ballout “National Interest” Ndërsa pritet të ngadalësohen luftimet midis Izraelit dhe Hamasit, zhvilli...
emmanuel macron Nga Gavin Mortimer “The Spectator” Kur nisi të shkojë gjithçka keq për Emmanuel Macron? Në fjalimin...
liderët europianë Nga Nick Witney “European Council on Foreign Relations” Në samitin e tyre të fundvitit, krerët e BE...
Foto ilustrues Nga Cormac O’Keeffe “Irish Examiner” Modeli i ‘biznesit’ që zbatojnë kartelet e drogës ës...
Foto ilustruese Nga Nicasia Picciano “Dtt-net.com” Në samitin e fundit Bashkimi Evropian-Ballkani Perëndimor të mbajtur në...
foto ilustruese Nga Marc Bassets “El Pais” Hugo Micheron, një nga ekspertët më të mirë në Francë mbi bot&eu...
donald trump Nga Freddy Grey “The Spectator” A e mbron demokracinë heqja e një kandidati shumë popullor nga fleta e votimit? Ap...
Foto ilustruese Nga Laura Dubois & Hall “Financial Times” Ishte vdekja e një foshnje në një qendër pritjeje të mb...
Ushtare Nga Renato Caputo “Opinione.it” Gjatë javëve të fundit, në Rusi ka pasur një rritje të ndjeshme të ...
Xi Jinping Nga Federico Giuliani "Il Giornale" Më 25 qershor Qin Gang u zhduk nga skena. Askush nuk e dinte se çfarë kishte ndodhur me Mi...
