Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Kryeministri Albin Kurti, dimrin e kaluar, pati thënë se ose do të ketë reduktime, ose shtrenjtim të rrymës. Këtë dimër, pritet që në Kosovë të jenë të dyja. KEDS njoftoi se nga sot nisin reduktimet e rrymës elektrike në nivel të vendit.
“Dimri i vështirë”, të cilin e kishte paralajmëruar ministrja Rizvanolli sivjet erdhi herët. Nga mesi i gushtit do të ketë reduktime të rrymës. Drunjtë e peleti tashmë janë shtrenjtuar. Fati është në duar të termocentraleve të plakura, të cilëve Kryeministri Kurti ua numëronte vitet.
Paralajmërimi se Kosova do të mbulohet me terr, mbylli temën e mbulimit të vajzave në shkolla. Hapja e çështjes së shamisë, nga shumëkush, shihet si tentim për të devijuar vëmendjen në kriza që do të vinte, simptomat e së cilës u shfaqën më herët.
Kryeministri Albin Kurti, dimrin e kaluar, pati thënë se ose do të ketë reduktime, ose shtrenjtim të rrymës. Këtë dimër, pritet që në Kosovë të jenë të dyja. KEDS njoftoi se nga sot nisin reduktimet e rrymës elektrike në nivel të vendit.
Sipas njoftimin të KEDS, konsumatorëve do t’u ndalet rryma, nga dy orë, çdo gjashtë orë, për shkak se nga sot (e hënë, 15 gusht) “vendi do të furnizohet vetëm me prodhim vendor”.
Tutje, kompania ka renditur humbjet që i ka pasur nga blerja e energjisë elektrike me çmime të larta.
Dimër i vështirë, opozita fajëson Qeverinë
Kreu i LDK’së Lumir Abdixhiku i cili akuzoi qeverinë se po fle i kërkoi Kurtit që qysh tash të nisë të blejë rrymë në mënyrë që qytetarët të mos heqin keq. Këshillën Kurtit ia dha duke alarmuar se reduktimet e energjisë dhe faturat e shtrenjta do ta godasin secilën familje kosovare e secilin biznes. “Dimri i këtij viti do të jetë më i rëndi që Kosova ka përjetuar ndonjëherë” paralajmëroi Abdixhiku.
Ish-kryeministri Avdullah Hoti thotë se tema si ajo e shamisë po hapen për t’u mbuluar keqmenaxhimi.
“Fatkeqësisht, me reduktimet e energjisë po kthehet situata e viteve të para pas luftës çlirimtare 1998-1999. Ndërkaq, për ta mbuluar këtë keqmenaxhim po e hapin temën e shamive në shkolla, duke kthyer debatin e viteve të para pas Luftës së Dytë Botërore”.
Nënkryetarja e PDK-së, Vlora Çitaku, reduktimin e nisur sot e sheh si paralajmërim për një dimër të rënduar.
“6-2 orari i reduktimeve në mes të Gushtit, kur niveli i konsumit është i ultë. Mund ta marrim me mend se si do të jetë dimri në Kosovë këtë vit”, ka shkruar Çitaku sot në Facebook.
Besnik Tahiri, shef i Grupit Parlamentar të AAK-së, paralajmërimin për ndalje të rrymës, e quan “fushatë psikologjike të Qeverisë Kurti”.
“Paralajmërimi i reduktimeve në pikë të verës, është asgjë më shumë se paralajmërim i një fushate psikologjike të Qeverisë Kurti”, ka shkruar Tahiri.
Sipas tij, me këtë dy orëshin po matet durimi, që në dimër reduktimet të jenë më të thella.
Refuzimi i mundësive për të pasur rrymë
Llogaritet se Kosova ka kapacitet të prodhojë rreth 800 megavatë në orë, kurse nevojat e saj, në ditë dimri, arrijnë deri në 1.300 megavat në orë. Diferenca, zakonisht importohet nga jashtë.
Ministrja Rizvanolli thoshte se po bëhen përpjekjet që ndërhyrjet në Termocentralet Kosova A dhe B të përfundojnë para dimrit.
Dhe, tani që KEDS njoftoi se do të shërbejë vetëm me prodhim vendor, shpresat mbesin te “performanca” e termocentraleve të vjetërsuara.
Nënkryetarja e PDK-së, Vlora Çitaku, në reagimin e saj për reduktime, riktheu në vëmëndje refuzimin e projekteve që do të ndihmonin pavarësimin e Kosovës nga energjia jashtë.
“Dikush duhet me dhanë përgjegjësi për sabotimet e njëpasnjëshme të secilit projekt i cili do të rriste pavarsinë energjetike të Kosovës”, thuhej një një postim të Çitakut.
Opinionisti Agon Maliqi ka shkruar sot rreth historisë së refuzimit të burimeve energjetike, që prej pavarësimit të Kosovës. Ai thotë se ishin refuzuar ndërtime të termocentraleve nga investitorë amerikanë e gjermanë. Arsyet, atëherë, sipas Maliqit, ishin të paqëndrueshme.
“Argumentet që dëgjoheshin në Kosovë në kundërshtim të projektit? Kosova duhet t‘i ketë prioritet burimet alternative të energjisë, që asokohe (për dallim prej sot) akoma nuk ishin ekonomikisht të arsyetueshme. Madje thuhej se kjo do të na pengonte integrimin në BE. Flitej edhe për cilësinë e ajrit, edhepse termocentralet e reja me teknologji të kohës do të ndotnin shumëfish më pak se dinosaurët e vjetër. Flitej për kapitalizmin e pashpirtë që do me na i vjedh burimet. Pra termocentralet ishin “e keqja e madhe.”
Përveç refuzimit të ndërtimit të termocentraleve të reja, Maliqi përmend edhe refuzimin e projektit amerikan për ndërtimin e gazsjellësit.
Vetëm pak ditë më parë, ministra e Ekonomisë, Artane Rizvanolli, paralajmëroi vështirësitë që mund të vijnë në dimër.
”Dimri në të cilin po hyjmë, është dimër i jashtëzakonshëm. Sivjet çmimet që kemi parë në tregun e vitit të kaluar, veçse kanë ardhë në verë. Mund të gjendemi shumë lehtë në një situatë, kur Rusia e ndalon komplet qarkullimin e gazit, dhe mund të vie tek situata ku në tregun europian s’mund të ketë energji, pavarësisht prej çmimit”.
Çmimi i peletit dhe drurëve, që përdorën për ngrohje gjatë dimrit, veçse ka nisur të rritet. Ministrja Rizvanolli ka përmendur se do të merret me këto çmime.
”Duhet të kursejmë energji, sa i përket masave që po marrim si qeveri. Çmimi i peletit është çështje që preokupon qytetarët por na preokupon edhe neve si qeveri. Do të shohim edhe nga ana e rregullimit të çmimeve, është duke u përgatitur një rregullore për çmimet e produkteve esenciale”, tha Rizvanolli më 10 gusht.
Deputeti i LDK-së, Besian Mustafa, shkroi sot se “dimri mesjetar po na vjen”. Ai thotë se ndër të tjera, pritet dyfishimi i çmimit të rrymës.
“Dimër mesjetar po na vjen. Qeveria rrudhë krahët… as frigoriferi i famshëm s’do të ju ketë rrymë. Reduktimet e rrymës 6-2 në mes të gushtit. E në dimër? Dhe peleti mbi 400 euro. Dhe drunjtë drejt 100 euro. E kur s’punon KEK-u s’do të ketë as ngrohje qendrore. Çmimi i rrymës pritet të dyfishohet”, ka shkruar Mustafa./GazetaEkspress
Kristaq Dhamo Një ditë do vinte, por brenga është e madhe… Ikja është po aq borxh, sa edhe ardhja…, s’ka...
Soni SONI DHE SALMAN RUZHDI, NGA INDIA NË PARISPërpara disa muajsh po kërkoja foto të vjetra te bukinistët e Senës në Pa...
Viktor Gjika Viktor Gjika. Njeri i çuditshëm ky emër i madh i ekranit! I përkushtuar në çdo hap të jetës! Pas v...
Edi Rama dhe Alabbar Partneriteti në koncesionin e Portit të Durrësit është kështu. Kompania arabe do të marrë 70 p...
Fotoja e shkrepur nga Ben Blushi CËRRIK, AS PRESJE AS PIK Shkova në Cërrik të takoja Akiljanon. E kisha fotografuar përpara nj&e...
Foto ilustruese Lajmet e kohëve të fundit, nuk kanë qenë inkurajues për besimtarët. Një sondazh i Gallup,tregon se p&eum...
Foto ilustruese Disa kandil deti dhe të afërmit e tyre ofrojnë të dhëna tërheqëse nëse pavdekësia ësht&eu...
“La Turquie” ka botuar, të hënën e 18 prillit 1910, në ballinë, intervistën ekskluzive me patriotin dhe publici...
Florind Belliu dhe Ornela Shehi Ornela Shehi, gruaja shtatzënë u vërvit nga kati i 6-të nga duart e burrit të saj Florind Belliu n...
Mbreti Zog TIRANË- “France-soir” ka botuar, të enjten e 1 shtatorit 1949, në faqen n°5, deklaratën e mbretit Zog ...
