Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Një shqisë e gjashtë, që buron nga thellësia e qenies së kandidatit, e shtyn atë të veprojë si qenie në funksion të shijeve imagjinare të Kryetarit. Dinjiteti, e vërteta, kundërshtimi apo mendimi personal struken diku në periferi të personalitetit për tu harruar deri në Ditën D.
Dje ishte afafti i fundit i dorëzimit të listave në KQZ, një spektakël mbarëpopullor për të parë ankthin, sevilosjen, dallkaukllëkun, nënshtrimin pa kushte dhe patetizmin e të përzgjedhurve të Kryetarëve të gjithpushtetshëm. Ankthi fillon qysh një muaj përpara. Nënshtrimi dhe servilizmi ofrohen hapur në televizion, rrjete sociale, Paralament. Një shqisë e gjashtë, që buron nga thellësia e qenies së kandidatit, e shtyn atë të veprojë si qenie në funksion të shijeve imagjinare të Kryetarit. Dinjiteti, e vërteta, kundërshtimi apo mendimi personal struken diku në periferi të personalitetit për tu harruar deri në Ditën D.
Shqisat e tjera dobësohen. Shikimi tretet, dëgjimi bie, nuhatja gjithashtu. Edhe ushqimi sikur nuk lezeton më. Jo sepse syri, gjuha, veshi, lëkura apo hunda nuk funksionojnë. Përkundrazi. Por vëmendja është tjetër kund. Kandidati sheh vetëm Kryetarin. Ose njerëz që do i çojnë mesazhe atij. Ti e ke përballë kandidatin, e përshëndet, i flet me përzemërsi, ndalesh i jep dorën shkëmben fjalë. Por ai nuk të mban mend fare. Sepse ai nuk është aty, shqisa e tij e gjashtë është duke menduar: “Çfarë të bëj që t’i bie në sy Kryetarit”? Tek kjo kontradiktë e brendshme mes sjelljes formale dhe përhumbjes përmbajtësore është thelbi i humorit popullor. Kandidati qesh me zemër me ty, të përqafon, bën edhe batuta standarte. Por është vetëm fizikisht aty. Shqisa e gjashtë e çon në një fushë krejt tjetër. Ai është diku mes “listave të mbyllura” dhe “listave të hapura”, një zonë gri, e mjegulluar, depresuese.
Trajneri do ta vendosë atë në fushën politike në varësi të paraqitjes në stërvitjen e fundit para lojës. Këto ditë merret vendimi… Ndaj duhet dhënë maksimumi! Derisa vjen Dita D. Orët bëhen të gjata, vite. Kandidati bëhet receptor i tëri. Ankthi bëhet i padurueshëm, shqisat, përveç të gjashtës nuk funksionojnë. Telefoni është qendra e botës. Një sms imagjinar: “U mbyll Hajdar, je në listë të mbyllur” vjen. Por si gjithmonë në këso rastesh, mbërrin një tjetër sms, banal, i tmerrshëm: “Si thu del Juvja sot?”!
Dikur vjen lajmi. Një gazetar/e bën publike nga burime të brendshme të sigurta, se lista e mbyllur ka këta emra.
Nuk është emri i Hajdarit! Gjithë ajo pritje e tmerrshme, gjithë ai nënshtrim pa kushte, servilëpirje, gjithë ato deklarata patetike poshtërimi nuk kanë shërbyer për asgjë. Tregu i servilëpirësve është tejngopur dhe çmimi i tyre ka rënë ndjeshëm. Kryetari nuk di kë të zgjedhë më parë. Befas shqisa e gjashtë që u ka komanduar gjithë qenien për kaq shumë kohë, humb çdo vlerë. Kandidati kujtohet për dinjitetin personal, për të vërtetën. Truri çmpihet, shqisat veprojnë edhe një herë si më parë. Kandidati fillon të arsyetojë, shohë, dëgjojë, nuhasë. Dhe bën aktin e parë të rebelimit:
“Nuk i pranoj listat e hapura! Jeta ime politike dhe kontributi im politik meritojnë lista të mbyllura!” Drama e “listave të hapura” buron nga ekzistenca e “listave të mbyllura”. Nëse nuk do kishte “të mbyllura” askush nuk do të ankohej. Do të dilnin 140 kandidatë në fushë dhe do të luftonin për votat e tyre në terren. Kush i sjell më shumë vota Partisë ai edhe bëhet deputet.
Por listat e hapura do të ishin shkatërrim për çdo Kryetar. Ai do të detyrohej të hidhte në fushë 140 kandidatë, një numër shumë i madh për të pasë garanci. Besnikë janë shumë pak, ndonjë duzinë. Dhe ata mund të humbasin me votë popullore. Po sikur dikush që Kryetari e ka futur në listë, pa dëshirë, të marrë shumë vota e t’i shesë pordhë atij vetë?!
Kjo nuk duhet të ndodhë. Ndaj i mbyllim 2/3 e listës! Dhe firmosim mandate deputeti në zyrë. Populli dele është.
Berisha nuk ka kohë për eksperimente, fut aty bashkëmoshatarët dhe besnikët pa kushte. Në betejën donkishotiane, për të marrë ndonjë vend me pikatore në listat e hapura, nxjerr 100 kandidatë si kamikazë. Le të përplasen ata.
Rama bën krejt të kundërtën. I heq të gjithë të vjetrit, i çon në betejë. Në listë të mbyllur sjell anonimë të rinj prej të cilëve pret mirënjohje të pakushtëzuar, nënshtrim total. Nëse ti e sjell dikë nga hiçi dhe e bën deputet, ky do ia kujtojë gjithmonë vetes që Kryetari është mirëbërësi. Ndryshe nga të vjetrit që herë pas here fillojnë të mendojnë: “Ne jemi socialistë të vjetër, me kontribute”. Kontribute leshi keni ju!
Në fakt Rama u kujton atyre se nuk janë socialist të vjetër e me kontribute por thjesht “përfitues të vjetër”. Ndaj duhen rinovuar, duhen përfitues të rinj. Ata duhet të provohen në terren nëse janë ata që thonë! Çfarë mekanizmi brilant për të dëshmuar se nuk është Parti por Kryetaroparti. Maksimizon votën, ule got, depersonalizon individin, shton aurën e të gjithëpushtetshmit dhe mbi të gjitha, çliron stanin e tij nga të përfolurit e korruptuar. Nuk mundet të mos e admiroj Ramën për këtë strategji.
Evisa Kushi TIRANË - Qëndrueshmëria e bizneseve është bërë një shqetësim kryesor për kompanitë moder...
Flamur Vezaj Avokati Joshua Roberts nga zyra ligjore “Kasowitz Benson Torres”, me qendër në Nju Jork, ka udhëtuar drejt Tiran&eu...
Ermal Mulosmani TIRANË- Diku nga fillimi i muajit Shkurt, ndërsa po ndiqja një kronikë rutinë lajmesh, shoh për herë t&e...
andi bushati TIRANË- Këtë mëngjes kur hapa celularin, u gjenda përballë një vërshimi jo normal mesazhesh që l...
Volodymyr Zelensky dhe Donald Trump SHBA- Shkurtimisht, gjithkçka. Së pari, çdo njeri me eksperiencë apo njohuri rreth praktikë...
safet bajri TIRANË- Në një rrëfim që do të bënte për të qeshur edhe më naivin, Safet Bajri mundohet t&eu...
endri xhafo TIRANË- Kur Erion Veliaj u arrestua të hënën më 10 shkurt pasdreke, Edi Rama i dha vetes gjysmë dite kohë p&...
erion veliaj TIRANË- Dëgjoj gjithnjë e më shpesh një diskurs ku thuhet se SPAK po gabon rëndë që po merret me heti...
Ben Blushi TIRANA- Europa është duke kapur një rekord të panjohur në historinë moderne. Ajo rrezikon të ketë n...
Joni Shanaj TIRANË - Individë qê për t'u pasuruar kanë shkatërruar me apo pa dashje artin dhe kulturên, ka pafund n&eu...
