Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Herë njëri e herë tjetri, herë avokati i njërit e herë avokati i tjetrit, të dyja palët duan të na tregojnë se sa të nderçim janë (se Bruti është burrë i nderçim kjo dihet), se sa shumë e kanë hapur shpirtin për këtë popull, dhe se sa shumë duan që Shqipërisë me këtë aeroport t’i ngrihet prestigji.
Në leksionet e para, në fakultetin ekonomik, të gjithë mësojmë se qëllimi i biznesit është fitimi. Por vërtetësinë e kësaj aksiome ka disa javë që po na e hedhin poshtë dy tregtarë të cilët kanë “fituar tenderin” për ndërtimin e Aeroportit të Vlorës.
Herë njëri e herë tjetri, herë avokati i njërit e herë avokati i tjetrit, të dyja palët duan të na tregojnë se sa të nderçim janë (se Bruti është burrë i nderçim kjo dihet), se sa shumë e kanë hapur shpirtin për këtë popull, dhe se sa shumë duan që Shqipërisë me këtë aeroport t’i ngrihet prestigji.
Në fakt nga ato çfarë kam dëgjuar, parë dhe lexuar këta dy individë e vetmja gjë që duan të ngrenë është përfitimi i tyre në kurriz të parave të shqiptarëve.
Kjo, gjithmonë sipas mendimit tim, është afera e radhës e qeverisë shqiptare në bashkëpunim me disa të babëzitur.
Disa gjëra që unë kam vërejtur në këtë marrëdhënie dhe në këtë aferë po i rendis më poshtë:
1- Gjithmonë sipas mendimit tim, kjo është një aferë e pastër korruptive, e cila ka shkelur barazinë në tendera duke e paracaktuar fituesin.
Shpjegimet që japin të dy ortakët (Pacolli dhe Ademi) janë shumë kontradiktore, i pari kërkon që nën rreshta dhe mbi rreshta të kuptohet se ortaku tjetër po kërkon përqindjen e sekserizmit, kurse i dyti kërkon të na mbushë mendjen se ai dëgjoi rastësisht për një tender e që pastaj i tha biznesmenit të madh që të konkurronin së bashku, e pastaj u gjendën dhe disa turq etj etj tjerrje të pëlhurës së Penelopës.
2- Ky bashkim operatorësh ka shkelur kriterin kryesor që kishte ky tender, atë të ekeperiencës në ndërtimin e pistave.
Në faqen e prokurimeve publike https://openprocurement.al/sq/concession/vieë/id/25 secili prej nesh mund të shkarkoj: DOKUMENTAT E PROCEDURES KONKURRUESE TE KONCESIONIT https://openprocurement.al/tenders//agreements/DOKUMENTAT%20E%20PROCEDURES%20KONKURRUESE%20TE%20KONCESIONIT.pdf
dhe në faqen 27 të këtij dokumenti, pika 4 dhe 5, do të lexoj këtë tekstin që unë po vendos këtu:
4. Përvoja Kontraktore – Ndërtimi
Ofertuesi do të provojë aftësinë dhe kapacitetin e nevojshëm në projekte ndërtimore dhe / ose renovime gjatë 10 (dhjetë) viteve të fundit në të paktën 1 (një) aeroport të Kategorisë 4E, me kapacitet më shumë se 10 (dhjetë) milion pasagjerë.
Ofertuesi, ose, nëse Ofertuesi është Bashkim Shoqërish, një prej Pjesëtarëve duhet në provojë kapacitetin teknik sa i përket:
a. Renovimit të 10 (dhjetë) pistave gjatë 10 (dhjetë) vitet të fundit.
b. Ndërtimit të të paktën 2 (dy) Terminaleve gjatë 10 (dhjetë) vitet të fundit.
c. Renovimit / zgjerimit të 10 (dhjetë) Terminaleve gjatë 10 (dhjetë) vitet të fundit.
d. Ndërtimit të – të paktën – 2 Kullave të Trafikut Ajror gjatë 10 (dhjetë) vitet të fundit.
5. Ofertuesi, ose, nëse Ofertuesi është Bashkim Shoqërish, Operator i Aeroportit, do të provojë përmes renditjes së aeroporteve respektive:
a. Përvojë në: (a) zhvillim, dizain, inxhinieri, prokurim dhe ndërtim, operim dhe mirëmbajtje dhe (b) menaxhim dhe monitorim të projekteve të ndërtimit të Infrastrukturës Tregtare të Aeroportit gjatë 5 (pesë) viteve të fundit në të paktën 1 (një) aeroport me kapacitet më shumë se 10 (dhjetë) milion pasagjerë dhe 1 (një) aeroport me kapacitet deri në 5 (pesë) milion pasagjerë.
b. Përvojë menaxhuese: mirëmbajtje / riparim i ambienteve dhe prokurim i materialeve të nevojshëm. Ofertuesi do të paraqesë prova të eksperiencës së tij të certifikuar në projekte inxhenierike dhe mirëmbajtje.
c. Përvojë: në Aktivitetin e Aviacionit të Përgjithshëm (Genenal Aviation).
d. Përvojë në Sistemet apo Rrjetet Aeroportuale: Ofertuesi do të paraqesë prova të
eksperiencës së tij të certifikuar në sistemet aeroportuale (bashkë me aftësimin përkatës e të qenësishëm mbi trafikun).
Në mënyrë që të përmbushen kërkesat e pikave 4 dhe 5, Ofertuesi duhet të trajtojë fushat e mëposhtme sa i përket kapacitetit operacional dhe menaxhues:
i Ekspertiza e Operimit dhe Mirëmbajtjes: Siguroni dokumentacion që dëshmon ekspertizë në menaxhimin aeropotual të natyrës së përmendur më sipër. Në mënyrë të veçantë, Ofertuesi duhet të theksojë eksperiencën dhe kualifikimet në fushat e mëposhtme:
1. Përvojë thelbësore në menaxhimin dhe përmirësimin e aeroporteve të tjera tregtare.
2. Përvojë thelbësore në menaxhimin, mirëmbajtjen / riparimin e objekteve të aeroportit dhe prokurimin e materialeve përkatëse për mirëmbajtje
Nëse ndonjë prej nesh nuk di të lexojë dhe të kuptojë se kriter kryesor për fituesin ka qenë që të ketë përvojë në a.Renovim të 10 (dhjetë) pistave gjatë 10 (dhjetë) vitet të fundit, b. Ndërtimit të të paktën 2 (dy) Terminaleve gjatë 10 (dhjetë) vitet të fundit. c. Renovimit / zgjerimit të 10 (dhjetë) Terminaleve gjatë 10 (dhjetë) vitet të fundit. d. Ndërtimit të – të paktën – 2 Kullave të Trafikut Ajror gjatë 10 (dhjetë) vitet të fundit, atëherë mund të themi se ka probleme me shikimin.
Në faqen e Open Coorporates Albania kontrollova objektet e aktiviteteve të tre subjekteve tregtare që bëjnë pjesë në këtë bashkim operatorësh.
YDA Insaat Sanayi- Ndërtim dhe kontraktim, Zhvillim i Pasurive te Paluajtshme, aviacion (Menaxhim Aeroportesh), partneritet Publik-Privat (PPP), mjekësi dhe shëndetësi, energji, marketing dixhital, bujqësi, shërbime (Catering, Menaxhimi i Objekteve), Miniera, PVC, Prodhimi dhe teknologjia e Informacionit (IT).
Mabco- Projektimi dhe ndërtimi i ndërtesave, inxhinieria (konsulencë, projektim, transferim teknologjie, ndihmë, asamble, trajnim i stafit dhe menaxhim ndërtimi) në sektorët vijues: industriale, bujqësia, elektronika, mjekësia, turizmi, ushqimi, kimia, tekstilet dhe veshjet, ndërtimi, përfshirë ndërtimin si kontraktor i përgjithshëm; tregtia dhe transporti në përgjithësi; blerja e pasurive të patundshme, transaksionet financiare, përfaqësimet dhe pjesëmarrja në kompani të tjera; tregtia me shumice produkteve dhe përgatitjeve farmaceutike, parafarmaceutici të pajisjeve spitalore, të instrumenteve, të materialeve metalike. Kompania mund të krijojë kompani të ngjashme ose të marrë pjesë në to.
2A Group - Ndërtimi i rrugëve dhe autostradave Ndërtimi i objekteve banesore dhe jobanesore Instalime të tjera ndërtimore Trajtimi i transportit "cargo" Ndërtimi i urave dhe tuneleve Ndërtimi i projekteve të shërbimeve publike për energji elektrike dhe telekomunikime Përfundimi dhe finalizimi i punëve të tjera të ndërtesave Tregtia e veturave dhe automjeteve me fuqi motorike të vogël Tregtia me shumicë e pijeve Testi i shpuarjes dhe shpuarja Tregtia e automjeteve të tjera Kërkime dhe zhvillime të tjera eksperimentale në shkencat natyrore dhe inxhinieri Aktivitetet e inxhinierisë dhe këshillimit teknik Testimi teknik dhe analizat Aktivitetet e këshillimit për biznes dhe këshillat e tjera për manaxhim Aktivitetet e arkitekturës Ndërtimi i projekteve të tubacioneve dhe kanalizimeve Transporti rrugor i mallrave Tregtia me shumicë e veshjeve dhe këpucëve Tregtia me shumicë e artikujve të parfumerisë dhe kozmetikës Instalime elektrike Aktivitetet e tjera të specializuara ndërtimi p.k.t. Tregtia me pakicë e këpucëve dhe artikujve prej lëkure, në dyqane të specializuara Ndërtimi i projekteve të ujit Demolimi i objekteve Punime suvatimi Punime për veshjen e dyshemeve dhe mureve Thyerja e gurit, formësimi dhe dhënia e formës përfundimtare Transporti i brendshëm ujor i mallrave Tregtia me pakicë e veshjeve në dyqane të specializuara Përgatitja e vendpunishtes Punime hidraulike, instalime të ngrohjes dhe kondicionimit të ajrit Lyerja dhe vendosja e xhamave Punimet e kulmit (çatisë) Aktivitetet shërbyese të rastit për transportin tokësor Tregtia me shumicë e produkteve të duhanit Tregtia me shumicë e tekstileve Tregtia me shumicë e drurit, materialeve të ndërtimit dhe pajisjeve hidrosanitare Tregtia me pakicë e tekstileve në dyqane të specializuara Ndërtimi i projekteve të tjera të ndërtimit civil p.k.t. Punime montimi nga druri dhe materiale të tjera.
Lehtësisht secili mund të lexojë dhe të shikojë se cila është shoqëria që plotëson kriterin kryesor që kam thënë më lartë.
Pra në momentin që shoqëria turke largohet nga ky bashkim, bashkë më të ikën dhe plotësimi i kriterit të cilën tashmë nuk e plotëson më askush.
Sipas mendimit tim, në këtë moment bashkimi i operatorëve duhet të ishte penalizuar nga shteti shqiptar, për shkelje të kushteve të kontratës dhe të bëhej anulim i koncensionit.
3- Shoqëria 2A Group pretendon se ka financuar një shumë e cila i jep të drejtën e marrjes së 49% të pjesmarrjes në kapital dhe këtë financim e vërteton me punimet dhe furnizimet që 2A Group ka bërë për VIA-n (Vlora International Airport)
Unë nuk mund të flas nëse ka marrëveshje apo kontrata të lidhura mes ortakëve të VIA-s në lidhje me përqindjet e tyre të pjesëmarrjeve, por mund të them se nëse 2A e lidh financimin e saj me punë të kryer si furnitor i VIA-s kjo është e gabuar.
Furnitori ka një marrëdhënie tregëtare me VIA-n edhe edhe nëse nuk është paguar kjo nuk do të thotë se detyrimi barazohet me aksione. Në bazë të ligjit furnitori, në lidhje me pagesat e pakryera, duhet t’i drejtohet gjykatës dhe kjo e fundit brenda 45 ditësh jep vendim për shlyerjen e detyrimeve të prapambetura.
Duhet të ndajmë Ortakun dhe Shoqëria. Ortaku është një person i cili ka investuar dhe nuk ka lidhje me furnitorin, likujdimi i furnitorit është përgjegjësi e administratorit dhe e shoqërisë por detyrimi i tij nuk përkthehet në aksione.
4- Në Ekstraktin e shoqërisë ortakët fillestar kanë qenë me përqindjet Mabco 58%, Yda 40% dhe 2A Group me 2%. Në 29.12.2022 Yda largohet nga ortakëria dhe aksionet e saj i blen Mabco e cila shkon në 98%. Kjo është situata e aksioneve në shoqërinë koncensionare VIA. Të gjithë dokumentacionet e tjera të cilat nuk janë të depozituara në QKB nuk kanë vlerë administrative.
5- Nëse më sipër thashë se veprimet nuk kanë vlerë administrative, në lidhje me pretendimet e blerjes së aksioneve të YDA-s me 3.5 milion euro e cila nuk është paraqitur si shitje kuote kapitali, them se është evazion i pastër fiskal.
U mundova të hedh pak dritë në lidhje me këtë histori mbi ato çfarë unë kam parë, lexuar dhe vlerësuar.
Në fund më duhet të them se kjo histori ka filluar të shpërndajë një erë të padurueshme, erën e rëndë të korrupsionit.
Antonela Dhimolea Një rajon i sigurt, paqësor dhe i zhvilluar do të çonte jo vetëm në përmirësimin e jetes&e...
Në Gusht 2025, kur u përmend për herë të parë projektligji “Për Barazinë Gjinore”, askush s’e mendoi...
Kristi Pinderi Dita e dështimit të Akilit dhe dy rrugët që i mbeten. Kuvendi i Shqipërisë pritet të miratojë sot nj...
Meri Lika Pëpara disa ditësh kam bërë një letër të hapur për zotin Altin Dumani, në të cilën i kam d...
lutifi dervishi Sot u zgjova dhe zbulova se jam shtatzënë. Jo me një, as me dy, por me 83 fëmijë. Kështu tha Kryeministri n&...
Ornela Çuçi Ka ditë që më shkruajnë miq nga Malajzia, nga Singapori, madje edhe nga një koleg në Stanford, t&eu...
Fatos Nano Nano, njeriu që nuk ra viktimë e pushtetit të tij! Nëse ka një politikan që koha e vendosi menjëherë si ...
Elvin Meka Revolucioni i Katërt Industrial, i njohur si Industry 4.0, nisi në Gjermani, në vitin 2011, për të përshkruar aut...
Irena Beqiraj E enjtja e emisioneve politike, por jo vetëm, qartazi tregon se tanimë është krijuar një makineri e përsosur ku...
Altin Hazizaj Brenda këtij një muaji, Kuvendi i Shqipërisë po përballet me dy nisma të ndryshme – por në thelb t&e...
