Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Por në thelb strategjia nuk ndryshon. Trafikantët kryesorë të drogës në Evropë, kanë njësitë e tyre sekrete të magazinimit në të gjithë kontinentin, dhe ndoshta në Afrikë, ku mbahen tonelata kokainë. Prandaj ata duhet të marrin parasysh situatat, kur mund të ndodhë një konfiskim me shumë ton drogë.
Nga Cormac O’Keeffe “Irish Examiner”
Modeli i ‘biznesit’ që zbatojnë kartelet e drogës është të “vazhdojnë ta përmbytin” Evropën me kokainë. Kartelet kanë ndërtuar një sistem ku një humbje financiare, si rezultat i konfiskimit të drogës nga autoritetet, merret parasysh gjatë operacioneve të trafikut.
Por në thelb strategjia nuk ndryshon. Trafikantët kryesorë të drogës në Evropë, kanë njësitë e tyre sekrete të magazinimit në të gjithë kontinentin, dhe ndoshta në Afrikë, ku mbahen tonelata kokainë. Prandaj ata duhet të marrin parasysh situatat, kur mund të ndodhë një konfiskim me shumë ton drogë.
Kokaina del nga magazinat vetëm atëherë kur trafikantët sigurohen se nuk do të ketë një ndikim tek oferta. Çmimet mbahen të ulëta për konsumatorët, dhe paratë vazhdojnë të hyjnë në xhepat e organizatave kriminale. Tregtia e paligjshme e drogës nuk ndikohet aspak. Kështu thotë një hetues droge me përvojë për Irish Examiner.
“Është një skenar i jashtëzakonshëm, me të cilin mendoj se Evropa po përballet në momentin kur ata e po ‘bombardojnë’ me kokainë, me tonelata kokainë. Është mbresëlënëse sasia e kokainës që po kapet aktualisht në të gjithë Evropën”, thekson ai.
Deklarata e tij mbështetet nga shifrat. Sekuestrimi i 300 kg drogë në Limerick të Irlandës, ndodhi disa ditë pasi u kapën 3 ton kokainë në ujërat ndërkombëtare nga Marina Senagaleze, që bashkëpunon ngushtësisht me MAOC-N, agjencinë e BE-së kundër trafikut të drogës. MAOC-N deklaroi në një komunikatë zyrtare se sekuestrimi konfirmoi “rëndësinë në rritje” të rrugës afrikane në trafikun detar të kokainës që ka si destinacion Evropën. Deri më sot, MAOC-N është përfshirë në sekuestrimin e pothuajse 28 tonëve kokainë në brigjet e Afrikës Perëndimore që nga fillimi i këtij viti.
Më 6 dhjetor, autoritetet spanjolle gjurmuan dhe kapën me sukses 2500 kg kokainë në bordin e një anijeje me flamur polak në ujërat e Oqeanit Atlantik. Dy javë më herët, 5 ton kokainë u kapën nga marina franceze në brigjet perëndimore të Afrikës.
Në gusht, autoritetet holandeze arritën sekuestrimin e tyre më të madh të kokainës, kur u konfiskuan 8 ton në portin e Roterdamit. Një muaj më herët, Gjermania regjistroi gjithashtu sekuestrimin e një ngarkese rekord të drogës. 10 tonë u kapën në portin e Hamburgut.
Ndërkohë në korrik, agjencitë italiane kapën 5 ton kokainë në brigjet e Sicilisë, ndërsa 6.8 ton u sekuestruan në Belgjikë.
“S’ka asnjë dyshim se në vende të ndryshme në mbarë Evropën ka magazina plot me tonelata kokainë”, thekson hetuesi.
“Për këtë arsye edhe kur policia arrin të kapë 2.2 ton kokainë, siç ndodhi në Cork në shtator, kjo nuk e dëmton tregun. Ata vazhdojnë të nisin drejt Evropës tonelata të tjera me kokainë”, shton ai.
Hetuesi deklaron se vetë trafikantët kanë një farë humbje, duke llogaritur konfiskimet apo aksidentet. “Por nëse ata humbasin 40 dërgesa, për të sjellë 100 të tjera në Evropë, kjo u jep mundësi të sigurojnë furnizimin e rregullt të tregut dhe ta mbajnë drogën me çmime të përballueshme. Dhe kjo është diçka që ata e kanë bërë për vite, sepse vëllimet që po shohim të kapen janë shumë të mëdha.
Strategjia e tyre synon që droga të vazhdojë të vërshojë në Evropë. Modeli i ‘biznesit’ të karteleve, është të vazhdojnë të nisin drejt kontinentit tonelata droge në çdo lloj rrugë të mundshme. Pavarësisht sekuestrimeve në sasi të mëdha, çmimi i kokainës nuk po rritet. Modeli përmblidhet me dy fjalë: Vazhdoni të dërgoni sa më shumë drogë.
Këtë vit, si agjencia e anti-drogës në OKB, po ashtu edhe ato të BE-së - UNODC dhe EMCDD - raportojnë një rekord të furnizimeve globale me kokainës por edhe të konfiskimeve të tyre. Në shtator, Laurient Laniel, ekspert me Qendrën Evropiane të Monitorimit për Drogën dhe Varësinë nga Droga (EMCDDA), tha për Irish Examiner se raportet e sekuestrimeve në të gjithë Evropën, tregonin se trafiku i kokainës po “vazhdonte i pandërprerë”, me sekuestrime në sasi të mëdha që po ndodhnin periodikisht.
“Ne kemi parë një shtim të dërgesave në aspektin e peshës së tyre. Kjo ndoshta tregon se trafikantët ndihen të sigurt, se mund të dërgojnë sasi të mëdha dhe të rrezikojnë të humbasin shumë para. Ata janë të sigurt se do ta kalojnë drogën. Ndonjëherë gabojnë dhe kapen, por kjo të nxit të pyesësh veten, se sa shumë drogë ka arritur t’i shpëtojë kontrolleve”, thotë ai.
Laniel thotë se Evropa është një nga tregjet me zgjerim më të shpejtë për kartelet, dhe se më shumë banda evropiane janë në gjendje ta blejnë drejtpërdrejt drogën nga Amerika e Jugut. Një konkurrencë më e madhe në volumin e shitjes me shumicë, përputhet me më shumë konkurrencë në shpërndarjen e brendshme, në nivelet e mesme dhe të ulëta.
“Në Evropë ka një grup njerëzish, që janë me sa duket gati të rrezikojnë jetën, gjymtyrët dhe lirinë e tyre për t’u përfshirë në tregtinë e drogës. Edhe pse disa të tjerë janë të detyruar të bëhen pjesë e saj”, nënvizoi ai.
Përveç kësaj, ai shton se fitimet nga kokaina janë shumë më të larta sesa nga drogat e tjera. Vlerësimet fillestare të EMCCDA, sugjerojnë se tregu i kokainës gjeneron 200 milionë euro më shumë në vit sesa tregu i kanabisit, pavarësisht faktit se sa i përket përdoruesve, tregu i kanabisit është 6 herë më i madh. UNODC ka dokumentuar një rritje të vazhdueshme dhe të madhe të trafikut të kokainës në Amerikën e Jugut gjatë 10 viteve të fundit, duke shënuar çdo vit një rekord të ri.
"Kjo është shoqëruar me një “rritje e vazhdueshme e kërkesës”, theksoi ajo në Raportin e saj Global të Kokainës për vitin 2023. Në raport, theksohet gjithashtu se përgjimet nga organet e zbatimit të ligjit, kanë qenë gjithashtu në rritje “me një shpejtësi më të lartë se sa prodhimi”, gjë që do të thotë se “ka arritur të frenojë zgjerimin e trafikut”.
UNODC thotë se bandat meksikane dhe ato ballkanike, janë afruar më shumë me qendrat e prodhimit të drogës në Amerikën e Jugut, për të pasur qasje tek furnizimet me shumicë dhe për ta bërë “më efikas” atë. OKB-ja tha se pandemia e Covid-19, duket se ka pasur vetëm një “efekt kufizues të përkohshëm” në zgjerimin e trafikut të kokainës në Evropë.
Kontejnerët e transportit përdoren nga krimi i organizuar duke shfrytëzuar mundësinë e fshehjes të sasive të mëdha të drogës brenda produkteve si bananet apo drithërat, ose të fshehura brenda strukturës së vetë kontejnerëve.
Është interesant fakti që UNODC identifikon gjithashtu edhe një prirje që duket se pasqyron rrugën e përdorur nga “Verila”, anija malteze e ngarkesave me shumicë e konfiskuar në Foynes. Ajo ishte larguar nga porti kanadez i Montrealit më 9 dhjetor.
“Përveç dërgesave që nisen nga vendet në Amerikën Qendrore dhe Jugore dhe Karaibe, sasitë e kokainës të sekuestruara në Evropë dhe të identifikuara si të nisura nga Shtetet e Bashkuara, Kanadaja, Mozambiku, Bregu i Fildishtë, Turqia dhe Spanja, tregojnë që dërgesat e kokainës në këto vende mund të kenë ndodhur për të ulur profilin e rrezikut nga transporti përmes kontejnerëve”, thekson UNODC.
Foto ilustruese Nga Nicasia Picciano “Dtt-net.com” Në samitin e fundit Bashkimi Evropian-Ballkani Perëndimor të mbajtur në...
foto ilustruese Nga Marc Bassets “El Pais” Hugo Micheron, një nga ekspertët më të mirë në Francë mbi bot&eu...
donald trump Nga Freddy Grey “The Spectator” A e mbron demokracinë heqja e një kandidati shumë popullor nga fleta e votimit? Ap...
Foto ilustruese Nga Laura Dubois & Hall “Financial Times” Ishte vdekja e një foshnje në një qendër pritjeje të mb...
Ushtare Nga Renato Caputo “Opinione.it” Gjatë javëve të fundit, në Rusi ka pasur një rritje të ndjeshme të ...
Xi Jinping Nga Federico Giuliani "Il Giornale" Më 25 qershor Qin Gang u zhduk nga skena. Askush nuk e dinte se çfarë kishte ndodhur me Mi...
Nga Joe Parkinson, Drew Hinshaw, James Marson & Aruna Viswanatha “Wall Street Journal” Aeroporti Esenboga, Ankara, Turqi - Dy avionë, nj...
Kina SHBA-Agjentët e shërbimeve sekrete të Kinës përdorën për 3 vite një politikan belg të ekstremit të ...
Nga Angelo Panebianco “Corriere della Sera” Në rast se një institucion i krijuar për t'i shërbyer një qëllimi t&eum...
milorad dodik Nga Letizia Tortello “La Stampa” “Populli serb është gjithmonë i kërcënuar. Rusia nuk nd&eu...
