Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Po lexoja një shkrim reklamues për Shqipërinë, të gazetës La Republika të Spanjës për turizmin më ekonomik në Europë. E kishte postuar me "copyright" Ata, Agjencia Telegrafike Shqiptare.
Durrësi jashtë intenerarëve turistikë botërorë. Durrësi i keqtrajtuar dhe i pa promovuar. Shpërndajeni ta lexojë kushdo që i thotë vetes durrsak. Po lexoja një shkrim reklamues për Shqipërinë, të gazetës La Republika të Spanjës për turizmin më ekonomik në Europë. E kishte postuar me "copyright" Ata, Agjencia Telegrafike Shqiptare.
Artikulli tregonte se në Shqipëri mund të gjesh dhoma me 10 euro nata! Nuk e besova por vazhdova më tej. Fliste për Gjirokastrën si qytet i gurtë pasuri e Unescos dhe se kishte ndërtesa osmane dhe muze etnografik. Ndërtesa osmane? Me sa di Gjirokastra e ka që në emër përse quhet ashtu dhe ato ndërtesa janë para se të krijohej shteti osman, disa qindra vjet më përpara. Pastaj fliste për Beratin, për pejsazhet malore etj etj.
Shumë mirë që i bëhet reklamë Shqipërisë dhe turizmit, paçka se me pa saktësira, por...
Durrësi! Ku është Durrësi në hartën e turizmit Shqiptar e botëror?
Durrësi është historia e Shqipërisë, Durrësi ka trashëgiminë më të pasur dhe ndër më të vjetrat e Mesdheut. Durrësi që përflitet në të gjitha veprat e autorëve të vjetër antikë e mejsetar si "Amirabilis Urbs", "Taverna e Adriatikut"(për romakët) dhe më pas në Bizant për orientalet kryeqendra e perandorisë në perëndim të saj. Durrësi, qyteti më i madh bregdetar, qyteti i vetëm me amfiteatër, me kala nga bregdeti deri në kodër, qyteti i mozaikëve antikë, qyteti i universitetit të parë shqiptar, Durrësi, ku është Durrësi në hartat turistike botërore?
Asgjëkundi, mjerisht asgjëkundi!
Arsyeja është e thjeshtë. Mediat botërore, perveç “agjentëve të tyre” në shumicën e rasteve, edhe për arsye ekonomike të botimeve, i referohen spoteve publicitare që janë bërë më parë për qytetin, “objektin që do reklamojnë”. Dhe, në asnjë spot publicitar të Ministrisë së Turizmit prej dhjetë vjetësh, por edhe më parë, nuk gjen Durrësin, por Alpet, Beratin, Gjirokastrën dhe Butrintin. Pikërisht për ato që sot flet edhe bota në reklamat e saj.
Qeveria shqiptare e ka mjelur Durrësin për interesa gjeopolitike, për interesa elektorale si qyteti i dytë më i madh në Shqipëri, e ka vjelur për të majmur patronazhistët e partisë në pushtet, e ka vjelur për të mbushur administratën me ushtarë militantë të bindur që shpërndajnë postimet e Kryetarit "Mao", e ka vjelur për t'i dhunuar trashëgiminë historike, unike në botë(deklaronte Prof. Dr. Fatos Tartari) e për të ndërtuar përpos pallateve në interes të Vangjush Dakos dhe bandës së tij në grupin e ashtuquajtur Rilindja, që uzurpoi së pari Durrësin e më pas gjithë Shqipërinë, edhe vepra gjoja monumentale që vetëm fshehën pamjen e vërtetë të historisë dhe trashëgimisë kulturore-historike të qytetit më të vjetër Shqiptar.
Drejtoria e Kulturës së Bashkisë së Durrësit e drejtuar prej gati 20 vitesh nga një ushtar besnik i Vangjush Dakos, inxhinier mekanik me profesion, me asnjë lidhje me kulturën, nuk ka bërë asgjë për të promovuar trashëgiminë tonë historike unike, kulturën e veçantë të qytetit ndër shekuj, por përkundrazi, e ka sabotuar me qoka dhe efekte korruptive që shkojnë në drejtim të kundërt të promovimit. Qoka dhe fonde, ndonjë herë edhe të kundra ligjshme, të dhëna për miq dhe pa asnjë aktivitet të mirëfilltë kulturor në dobi të vetë kulturës dhe promovimit të qytetit në arenën kombëtare dhe ndërkombëtare. Në sallën e madhe të Muzeut Arkeologjik Kombëtar nuk bëhen evente kushtuar trashëgimisë, nuk bëhen mostra dhe promovime të arkeologjisë sonë mjaft të pasur por bëhën koncerte harqesh me violinë e violinçel(asgjë kundër këtyre koncerteve, por jo aty, jo aty ku duhet të bëhen të tjera aktivitete, çdo ditë, çdo jave, çdo muaj). Amfiteatri unik në Mesdhe, është arene e shfaqjeve me mik, është arenë gjysëm e fshehur ndaj publikut dhe turistëve që në turet e tyre kanë vetëm dy objekte vizite: - amfiteatër dhe "te gropa" (i dhashë titullin durrsak se ashtu është katandis mes plehrash).
Drejtorët e Bashkisë, edhe pse drejtimi i Bashkisë tashmë është i një gruaje arkitekte, njeri i mirë në emër dhe familje, janë po ata që la para ardhësi i saj. Pra, është po Vangjush Dako që komandon edhe pse ndodhet në burg për korrupsion.(edhe pse normalisht, akuza e SPAK është tallje mendere me publikun, duke pasur parasysh dëmet e mëdha që i ka shkaktuar dhe vazhdon ti shkaktojë qytetit qeverisja e tij 20 vjeçare, faktike dhe de juro dhe aferat e mëdha korruptive që ai në bashkëpunim me bandën e tij ka bërë në Durrës duke shkatuar miliarda euro dëme e miliona euro përfitime personale). Asnjë drejtues vendor dhe qëndror, i emëruar si besnik i Vangjushit nuk është shkarkuar nga detyra dhe kjo tregon fuqinë de facto të këtij njeriu në politikën qeverisëse Shqiptare dhe ndikimin e tij tek Rama. E natyrisht, këtë fakt e nënvizova për të treguar pse është kjo gjendje me promovimin e turizmit social-historiko-kulturor të qytetit në arenën kombëtare e ndërkombëtare.
Negativ. Impakti është negativ dhe këtë e tregojnë vetë publikimet e kreut të qeverisë, Kryeministrit Rama, për artikujt e mediave botërore për turizmin shqiptar.
Kryetarja e Bashkisë së Durrësit është njeri i mirë. Unë kam vërtetë respekt për të si njeri dhe punën e saj të deritanishme (Me çfarë shoh tek publikimet e Bashkisë dhe të sajat në faqen e saj personale, duke kuptuar edhe pluset e propagandës politike zyrtare) por efekti negativ i para ardhësve të saj do punë, shumë punë dhe duke qenë se me “njerëz të vjetër" s’mund të arrihen rezultate të mira, të reja, uroj që ajo sa më parë të marë vendimin që të largojë drejtuesit "e imponuar" prej para ardhesit të saj influent...
Nuk mjafton figura "hije rëndë" e Kryeministrit që premton mrekullira. (Në 11 vjet nuk i ka bërë, përkundrazi, ka bërë të kundërtën). Durrsakët duhet të vendosin e të bëjnë më të mirën për qytetin e tyre. Ju zonja Sako, nëse e doni vërtetë Durrësin duhet të merrni vendime të pa varura. "S’mund të bësh gjera të reja me të njëjtat mëyra të vjetra, e për më shumë me njerëz të korruptuar, të përfolur e të pa aftë"!
Bëjeni sa jeni në kohë. Ndërkohë ftoj të gjithë durrsakët, kudo ku janë të bëhen promotorë të promovimit të vlerave social-historiko-kulturore të Durrësit. Ne jemi të gjithë ambasadorë të qytetit tonë.
TIRANË- Stacioni i metrosë “Baker Street” në Londër është më i vjetri në botë. Në të jan...
Flamur Vezaj TIRANË-Arrestimi i ketij vip-sit mashtrues para kamerave dhe ne emisionin me te pa edukuar ne Shqiperi, tregon edhe njehere mungesen e r...
Edi Rama dhe Volodymyr Zelensky Samiti i djeshëm për Ukrainën krijoi shumë polemika për disa nga çështjet që u di...
Agim Xhafka Mëngjesin kur jam në Korçë e nis me një shëtitje nëpër rrugicat e lagjes dhe më tej. Ia filloj n...
“Nderi i humbur i Katerina Blumit” – i shkruar prej nobelistit gjerman Hajnrih Bël, në vitin 1974- është padyshim manual...
Foto ilustruese TIRANË- Tretët e Gjykatës së Larte, Ilir Panda, Sander Simoni dhe Sokol Binaj vendosën të lënë n&eu...
TURQI- Shqipëria dhe Turqia nënshkruan të martën një marrëveshje për “median dhe komunikimin” gjatë vizit&...
Meri Lika Hienat janë të vetmet kafshë që edhe pse qeshin, të kallin krupën. E qeshura e tyre nuk është si pasoj&eu...
Foto e autorit Nga Auron Tare Duke pritur barbarëtÇ’po presim ne të mbledhur te ky shesh?Barbarët do të mbërr...
Erdogan TURQI- “Prejardhja jonë është nga Selaniku dhe Maqedonia, ku lindi presidenti themelues i Turqisë, Ataturku, së bash...
