Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ia shpjegoj se ky tren nuk e çon në stacionin e dëshiruar dhe duhet ta ndërrojë diku tjetër, por do ta shoqëroja unë deri në atë pikë të rrugës.
TIRANË- Stacioni i metrosë “Baker Street” në Londër është më i vjetri në botë. Në të janë kryqëzuar rrugët dhe fatet e shumë njerëzve prej më shumë se një shekulli e gjysmë. Në pritje të trenit që më çon në shkollë, një i ri, i lodhur nga puna në ndërtim, siç dukej nga rrobat, më pyet në një anglishte të çalë nëse ky tren shkon në Stratford (një zonë në periferi të Londrës). Nuk kisha dyshime dhe e pyeta në gjuhën tonë “A je shqiptar”, buzqëqeshi sikur kishte takuar një të njohur dhe ma tha “po, edhe ti shqiptar je?”. Emrin e ka Alban. Ia shpjegoj se ky tren nuk e çon në stacionin e dëshiruar dhe duhet ta ndërrojë diku tjetër, por do ta shoqëroja unë deri në atë pikë të rrugës. Ishte vetëm 27 vjeç, por mund ta them që të krijonte përshtypjen se ishte në të 40-tat.
“Jetë shumë e vështirë” më tha këtu, zgjohem çdo ditë në 5:00 të mëngjesit të bëhem gati për punë dhe kthehem pothuajse në shtatë të mbrëmjes në shtëpi. Duhet të ndërroj një autobus dhe dy trena për të shkuar në vendin e punës. E pyes nëse ka ardhur tani shpejt ngaqë nuk ishte mësuar me linjat e trenit dhe më thotë se ka tre vjet këtu, por dy vite e gjysëm ka jetuar në Skoci dhe vetëm së fundmi është zhvendosur në Londër. Jeton vetëm në një dhomë dhe paguan 850 pound në muaj, shumë pak i mbeten për tia dërguar si ndihmë familjes në Shqipëri. Është me origjinë nga një fshat, shumë i bukur, i Kukësit dhe familja e tij jeton ende aty. Me një lloj kurioziteti dua të di nëse ia ka vlejtur kjo sakrificë që ka bërë. Me shumë mall për familjen, i mungon Shqipëria dhe më thotë “nëse do ta dija se si është Anglia nuk do të kisha ardhur kurrë këtu”. “Do të isha shumë më i lumtur të isha në fshatin tim, ndoshta duke u marrë me blegtori pasi zona më favorizon, por kurrë nuk do të kisha ardhur këtu” thotë ai i mërzitur nga një realitet që nuk përkon me TikTok-un apo rrjetet e tjera sociale. Këtu ndahem me Albanin sepse unë duhet të zbres në stacionin që më çon në shkollë ku ish-kryeministri britanik Gordon Brown do të prezantojë librin e tij rreth krizës së demokracisë në botë, e miku im i ri do të ndërrojë trenin, në të njëtën rrugë, atë të një emigranti të paligjshëm drejt një punë të lodhshme.
Këto janë historitë e zakonshme të emigrantëve nga e gjithë bota në Angli. Por në një zbulim surprizë, qeveria britanike ka deklaruar një rritje të ndjeshme në numrin e shqiptarëve që zgjedhin vullnetarisht të kthehen në atdheun e tyre. I mbështetur nga bisedat me anëtarë të komunitetit shqiptar në Mbretërinë e Bashkuar, ky zhvillim shënon një ndryshim të rëndësishëm nga modelet tradicionale të migracionit.
Historikisht, emigrimi nga Shqipëria në Angli është lidhur kryesisht me kërkimin e mundësive më të mira ekonomike dhe përmirësimin e kushteve të jetesës. Megjithatë, është në rritje një tendencë e re, me një numër gjithnjë e më të madh të shqiptarëve, përfshirë emigrantët e gjeneratës së dytë, që tregojnë një preferencë për tu kthyer në Shqipëri.
Janë shumë faktorë që e kanë motivuar këtë ndryshim. Ekonomia në zhvillim e Shqipërisë ofron mundësi premtuese biznesi, për ata që kthehen me kapital, aftësi dhe eksperiencë. Mundësia për të kontribuar në peisazhin ekonomik të vendit përmes sipërmarrjeve shërben si një motivim i fuqishëm, duke nënvizuar potencialin për zhvillim personal dhe profesional.
Shqipëria gjithashtu paraqet një alternativë tërheqëse për emigrantët që janë zhgënjyer me mundësitë e punës ose jetesën në Mbretërinë e Bashkuar. Me gjithë vështirësitë ata e gjejnë Shqipërinë një vend në zhvillim, me kushte ekonomike më të favorshme dhe që i motivon për të ndërtuar jetën e tyre. Gjithashtu ndikimi i thellë i lidhjeve familjare dhe shoqërore nuk mund të neglizhohet.
Për më tepër, përpjekjet e përbashkëta nga Mbretëria e Bashkuar, Shqipëria dhe organizatat ndërkombëtare për të lehtësuar kthimin vullnetar përmes incentivave financiare, mbështetjes për ri-integrim dhe ndihmës për nisjen e bizneseve kontribuojnë në një tranzicion të shpejtë për ata që kthehen.
Kur je larg mëmëdheut e ndjen më shumë mungesën e gjithçkaje. Është hera e parë që po udhëtoj drejt nga Londra drejt Shqipërisë pas disa mujash dhe me dëshirë dua të njoftoj miqtë e mi në median sociale se po vij në Tiranë. Ndërsa zbres në Rinas shikoj që shumë prej tyre më kishin shkruar për tu takuar. Mes tyre është një mesazh nga Albani, miku im i trenit i cili ka tre vite pa e takuar familjen e pa e vizituar atdheun. “Herën tjetër mirë se të vish në Kukës. Do të kthehem shumë shpejt, sepse nuk po duroj dot më, nuk ia vlen të jetoj çdo ditë me frikë. Dua vendin tim”.
Flamur Vezaj TIRANË-Arrestimi i ketij vip-sit mashtrues para kamerave dhe ne emisionin me te pa edukuar ne Shqiperi, tregon edhe njehere mungesen e r...
Edi Rama dhe Volodymyr Zelensky Samiti i djeshëm për Ukrainën krijoi shumë polemika për disa nga çështjet që u di...
Agim Xhafka Mëngjesin kur jam në Korçë e nis me një shëtitje nëpër rrugicat e lagjes dhe më tej. Ia filloj n...
“Nderi i humbur i Katerina Blumit” – i shkruar prej nobelistit gjerman Hajnrih Bël, në vitin 1974- është padyshim manual...
Foto ilustruese TIRANË- Tretët e Gjykatës së Larte, Ilir Panda, Sander Simoni dhe Sokol Binaj vendosën të lënë n&eu...
TURQI- Shqipëria dhe Turqia nënshkruan të martën një marrëveshje për “median dhe komunikimin” gjatë vizit&...
Meri Lika Hienat janë të vetmet kafshë që edhe pse qeshin, të kallin krupën. E qeshura e tyre nuk është si pasoj&eu...
Foto e autorit Nga Auron Tare Duke pritur barbarëtÇ’po presim ne të mbledhur te ky shesh?Barbarët do të mbërr...
Erdogan TURQI- “Prejardhja jonë është nga Selaniku dhe Maqedonia, ku lindi presidenti themelues i Turqisë, Ataturku, së bash...
Foto Ilustruese SHBA, vendi më i fuqishëm në botë, ka qenë i paaftë për të zgjidhur mosmarrëveshjen kufitare n...
