Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Ardian Maraj nga Istogu, prej vitesh vuan nga një sëmundje e rëndë që quhet (Pectus Excavatum) ose ndryshe brinjët e kthyera nga brenda. Maraj për “Gazeta Blic” ka rrëfyer në detaje të gjithë vuajtjet nëpër spitale dhe operacionin e dështuar që ai pretendon se i kanë bërë në Spitalin Amerikan në Tiranë.
“Jam operuar në fillim në 2003 në Spitalin Shtetëror në Klinikën e Kirurgjisë Terakale për problemin që kam. Pas 18 vitesh më janë shfaqë sërish probleme dhe asnjë spital nuk ka marrë përsipër me më operu. Edhe në Tiranë, në Spitalin “Nënë Tereza” më patën thënë se ky lloj operacioni nuk mund të kryhet as në Tiranë e as në Kosovë. Më kanë dhanë të gjitha raportet për ta kryer operacionin jashtë vendit pasi këtu nuk mund të kryhej dhe ishte me fatalitet nën moshën 18 vjeç. Por një doktor i Spitalit Amerikan më ka thënë se unë e kam kryer këtë operacion më parë në Londër dhe mund ta marr përsipër kryerjen e tij. Nga ministria më patën pyetur se a do në Gjermani apo në Spital Amerikan për ta kryer operacionin dhe unë vendosa ta kryej aty, pra në Spitalin Amerikan pasi mund të ishte me fatalitet edhe procedurat kryehshin më lehtë pasi kushtet ekonomike nuk i kisha të mira dhe pranova ta kryej aty”, thotë Maraj.
Maraj tregon edhe mënyrën se si ka arritur ta sigurojë shumën e parave për këtë operacion dhe si ka rrjedhur më tej ngjarja me operacionin.
“Adnan Hyseni, Ministria, Komuna e Istogut dhe populli mi kanë mbledhur paratë dhe i kemi deponuar 2 muaj e gjysmë përpara kohe sepse më thonin se jemi duke e pritur një mjek nga Gjermania, pasi vetëm nuk mund ta kryej operacionin. Unë kam vuajtur ashtu nëpër spitale gjithë kohës me injeksione dhe kur jam shtri në spital pas 2 muaj e gjysmë më thanë se duhet t’i presim dy shufra metalike që vijnë nga Londra. Pasi jam shtri në spital, mjeku i Gjermanisë ka thanë që nuk mundem me ardh pasi je në rrezik jete dhe nuk mund ta kryej këtë operacion. Në atë momente mjeku Arben Kojqiqi në Spitalin Amerikan më ka thënë unë të shti vetë në operacion edhe pa ata, pra pa mjekun e Gjermanisë. Unë kam paguar për dy shufra metalike por pas operacionit unë kam shku në dhomë se kam nejt dy ditë në koma, doktori më ka thënë t’i kam vendos dy shufra por mënyra estetike më është dashtë me ta heq njërën dhe vetëm njërën shufër me të vendos. Por në incizimin live të operacionit thuhet se s’ka nevojë për dy shufra por vetëm një shufër. Tre vjet kam shku rregullisht për kontrolle dhe ai më shmangej vazhdimisht dhe nuk më tregonte që ka dështuar operacioni. Kam përdor Morfina, më është dashtë të marrë leje në Polici dhe Spitalin e Pejës me tre nënshkrime për t’i përdorur morfinat në shtëpi”, ka rrëfyer ai.
Maraj fol më tej për maltretimet dhe shpenzimet në para që i kanë ndodhur në Spitalin Amerikan sipas tij.
“Në atë çmim unë kam pas me tërheq edhe shufrën, kur jam shku në momentin e fundit që ka pas mu tërheq shufra ka ardhur doktori dhe më ka thënë me qet CD të ka dështu operacioni. Me tha mos e bë të madhe dhe shko bëje diku tjetër operacionin, veç hajde te unë nuk të lypi shumë pare deri në 5 mijë euro për me ta heq shufrën dhe me kry pastaj operacionin tjetër kund, që mos me pa që është vendos gabimisht shufra”, thekson Maraj.Ai rrëfen momentin se si ishte shokuar me të marrë atë përgjigje.
Ai pretendon se prej kësaj shufre e ka fituar edhe hepatitin, diabetin dhe sëmundjen e zemrës, pasi nuk është kryer në mënyrë profesionale.Ai thotë se 18 mijë e 500 euro ka qenë shuma e operacionit të kryer në Spitalin Amerikan.
“Më tej më është përkeqësuar gjendja dhe kam qëndruar në Spitalin e Pejës 6 javë ku aty mjeku ka thotë se shufra është vendosur gabimisht dhe duhet urgjentisht të hiqet pasi mund të më rrezikohet jeta. Prej aty më kanë dërguar me ndihmë të parë në Prishtinë dhe aty është vërtetuar se shufra është vendosur gabimisht dhe me tre nënshkrime më kanë dhanë raportin me shku me u operu në Spitalin Amerikan me atë çmim. Me ato dokumenta jam drejtu në Spitalin Amerikan dhe aty Kordinatori ma ka dhanë letrën se ky operacion nuk kryhet as në Shqipëri e as në Kosovë. As nuk më kanë kthyer paret e shufrës tjetër që nuk ma kanë vendos dhe pavarësisht se kontrollet i kam pas në atë çmim ata më kanë marrë pare dhe për kontrollet. Unë jam operu në Turqi dhe Turqia e ka vërtetuar se shufra më është vendos gabimisht dhe ato po mi lypin 11 mijë e 200 euro për me heq po unë skam dhe s’mundem me i lyp gjithë kohës Ministrisë”, thotë Maraj në rrëfimin e tij.“Gazeta Blic” ka komunikuar edhe me Shefin e Repartit Internistik në Spitalin e Pejës doktor Luan Rexhëbogaj i cili e ka ndjekur në këtë spital gjendjen e pacientit Ardjan Maraj.Rexhëbogaj për Gazeta Blic ka theksuar se pacienti Maraj ka bërë një operacion në “Spitalin Amerikan”, operacion i cili në fillim ka rezultuar i suksesshëm por më vonë nuk ka pasur sukses gjendja postoperatore .
“Pacioneti Ardjan Maraj ka lind me atë defekt në kafazin e kraharorit, kafazi i kraharorit tek ky pacient është i shtrembëruar dhe presioni që kanë bë brinjët në zemër është bërë i domosdoshëm një operacion korrigjues. Vendosja e shufrës metalike për të bërë që zemra të punojë normal. Ai e ka bërë një operacion në Spitalin Amerikan, ai operacion fillimisht ka qenë i suksesshëm por më vonë nuk ka pas sukses gjendja postoperatore. Pastaj, gjendja e tij ka qenë e rëndë për për shkak të presionit dhe zemra ka rrah shpejt. Më tej Maraj ka ardhë në spitalin tonë dhe ka kërkuar ndihmë nga populli dhe ka siguruar mjetet që ky operacion të bëhet në Turqi. Mas operacionit ka qenë shumë mirë, por pas një kohe ka filluar tu shfaq enjtje, skuqje dhe këto janë pa se janë reaksion alergjik dhe trupi i tij e ka konsideruar shufrën metalike si trup të huaj. Ka shkuar në Turqi për kontrolle, ata kanë tentuar me një terapi antialergjike mos arrin trupi një kompromis me atë trupin e huaj, por nuk ka pas rezultat dhe është dashur me u tërheq shufra metalike. Ky tashmë është në gjendjen e mëparshme, dy operacione i ka pas të suksesshme, operacioni i dytë ka qenë i suksesshëm por trupi nuk e ka pranuar shufrën metalike dhe është dashur të hiqet. Unë nuk kam kompetenca të them nëse ka qenë i mirë apo jo ky operacion, por di të them se operacioni në Spitalin Amerikan ka qenë i pasuksesshëm” ka thënë doktori Luan Rexhëbogaj për Gazeta Blic.
“Gazeta Blic” ka komunikuar me Spitalin Amerikan nr.3 në Tiranë por të njëjtit kanë theksuar se pacienti me emrin Ardian Maraj nuk ka historik fare në Spitalin Amerikan dhe nuk është është operuar nga doktori Arben Kojqiqi.
“Pacienti nuk ka bërë ndërhyrje në Spitalin Amerikan nr.3 në Tiranë, nuk kemi asnjë të dhënë nga ai pacient me atë emër. Arben Kojqiqi punon këtu dhe atë pacient nuk e ka parë, nuk ka historik fare ai pacient në këtë spital”, thuhet në përgjigjen telefonike që Koordinatorja e Spitalit Amerikan në Tiranë ka dhënë për “Gazeta Blic”.
Marrë nga Blic
Tirana është boshatisur për ditët e pushimit. Cilën nga ritet e shenjta po ndiqni:
KOSOVË– Në aktakuzën e Prokurorisë për rastin në Drenas shfaqen detaje e prova në lidhje me keqpërdorimin seksual të së miturës. Tre profesorë, një a...
KOSOVË- Një 24-vjeçare shqiptare nga Kosova ka tërhequr vëmendjen e medieve të huaja dhe rrjeteve sociale, për shkak të fotografive që ka realizuar ...
BRITANI- Rreth një javë më parë në një kamion frigorifer me destinacion Britaninë e Madhe mbetën të vdekur plotë 39 njerëz, që donin të kalonin në mënyrë të pal...
ANGLI- Emrat e të 39 shtetasve vietnamezë, të cilët u gjetën të vrarë në një kamion frigorifer, muajin e kaluar në Essex të Anglisë, u publikuan nga policia.Dhj...
GJERMANI– Aktorja hollivudiane, Sharon Stone është vlerësuar si “Femra e vitit” nga “GQ Men”, në një ceremony të organizuar në Berlin.61-vjeçarja, teksa ...
ANGLI– Një 18-vjeçar ka vrarë me thikë ish-të dashurën e tij Ellie Gould, duke e goditur këtë të fundit 13 herë me thikë në shtëpinë e 17-vje&ccedi...
SHBA- Sekretari amerikan i Shtetit Mike Pompeo tha të premten se NATO-ja duhet të rritet dhe të ndryshojë përndryshe rrezikon të vjetërohet. Komentet e tij vijn...
FRANCË- Roger Matassoni, një ish-prift, i cili akuzohej për pedofili ndaj disa besimtarëve, u gjet i vdekur në shtëpinë e tij në Agnetz të Parisit, 3 ditë ...
GREQI– Prindërit e Konstantinos Katsifas, i cili u vra një vit më parë në Bularat, i kanë dërguar një letër kryeministrit Grek, Mitsotakis për të ushtruar presi...
