Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Kryedemokrati Lulzim Basha ka refuzuar të marrë fjalën në Kuvend, pa prezencën e kryeministrit Edi Rama, pasi ky i fundit u largua pas prezantimit të programit qeverisës. Thirrjeve të kryeparlamentares Lindita Nikolla për të marrë fjalën, Basha iu përgjigj përmes deputetëve të PD-së. Me radhë, demokratët treguan se duhej prezenca e Ramës në sallë si detyrim kushtetues dhe moral ndaj shqiptarëve për të dëgjuar dhe mendimin e Opozitës. I pari foli Alfred Rushaj, i cili tha se kreu i Qeverisë duhet të jetë në sallë për të dëgjuar çfarë mendojnë përfaqësuesit e atyre që kanë votuar Opozitën. Jorida Tabaku dhe Gazment Bardhi kërkuan gjithashtu të njëjtën gjë.
Kreu i grupit parlamentar të Partisë Socialiste Taulant Balla tha se nuk ka asnjë rregull që e kushtëzon prezencën e Ramës. Deputetin Tomor Alizoti që ndërhyri, ai e konsideroi zhurmues. Tritan Shehu tha se seanca mund të zhvillohej edhe nesër nëse Rama është i lodhur. Pas këtyre debateve, në një mesazh drejtuar Nikollës, kryeministri Rama njftoi se në orën 17:00 do të ishte në seancë dhe se ishte larguar për një çështje shumë të rëndësishme që kishte lidhje me punën. Seanca u ndërpre për 15 minuta.
Pjesë nga debati në sallë:
Alfred Rushaj: Ai ka të drejtë të diskutojë me ju për datën dhe zotëria duhet të jetë këtu kur flitet për programin e tij qeverisës. Propozojmë të ndërpritet seanca, kryeministri të vijë këtu dhe të nisim debatet për çfarë ai propozoi që të ndodhë në katër vitet e ardhshme. Është kushtetuese dhe logjike zonja kryeparlamentare. Propozojmë të ndërpritet seanca dhe kryeministri të dëgjojë zërin e Opozitës. Po të ishte seancë normale do të zhvillohej nesër. Ose e gjitha që u bë është e pavlefshme, na thatë se kryeministri duhet të rregullojë axhendën. Tani duhet të vijë në respekt të qytetarëve. Të dëgjojë çfarë mendojnë përfaqësuesit e atyre që kanë votuar.
Lindita Nikolla: Faleminderit, vijojmë me rendin e ditës. Fjalën e ka Lulzim Basha. Rregullorja ka përcaktuar vijimësinë e punës së kësaj seance. Nuk ka asnjë nen që i përgjigjet kërkesës tuaj.
Jorida Tabaku: Është detyrim ndaj qytetarëve që kryeministri të vijë këtu dhe të dëgjojë mendimin e Opozitës, na sollët në seancë në orën 13:00, erdhëm, na sollët në orën 16:00, ja ku jemi. Keni gjithë ditën që na zvarrisni, ai i ka vënë firmën këtij dokumenti, kështu që të vijë këtu dhe të dëgjojë mendimin e Opozitës.
Gazment Bardhi: A mund tu shpejgoni shqiptarëve çfarë pune më të rëndësishme ka kryeministri Rama që nuk është në seancën më të rëndësishme të këtij parlamenti? ka dhënë ndonjë shpjegim? Ka detyrim kushtetues të jetë në seancë.
Taulant Balla: Zonja kryetare, neni 110 nuk kushtëzon asnjë deputet, as kryeministrin që të qëndrojnë përgjatë gjithë debatit. Është shembull dhe standard, që vitet që vijnë pas le ta kthejnë në standard. Kur kam qenë unë në opozitë është që kryetari i opozitës ka të njëjtën kohë si kryeministri. Për kalamajtë që nuk e mbajnë mend rregulloja ka ndryshuar pas vitit 2013. Deputetët e rinj duhet të kuptojnë se ndërhyrja gjatë fjalës…nuk marr përsipër që të edukoj askënd që nuk e kanë pasur mundësinë që të edukohen. Është një zhurmues në krah të djathtë që duhet të ndalojë emetimin. Nëse i referehemi asaj që është e drejta zakonore, kurrësesi nuk është ndërprerë debati se kryeministri nuk është në sallë.
Tritan Shehu: Nuk ndodh në asnjë vend të botës kjo gjë që kryeministri të fshihet pasi ka sjellë disa letra dhe pastaj të ikë. Është e palogjikshme, tregoni dimensionin tuaj si kryetare parlamenti, ndërprosni seancën, nesër në mëngjes me ditë të re dhe vijmë të gjithë të nisim debatin tonë. Ndoshta kryeministri është i lodhur dhe njeri është edhe ai, e kuptojmë. Vetëm tek Kim Jong Un mund të ndodhë kjo gjë.
Lindita Nikolla: Kam një mesazh nga Kryeministria, që mungesa e tij është për arsye shumë të rëndësishme pune. Në orën 17:00 do të jetë këtu. Basha të presë dhe të flasë kur të jetë i pranishëm kryeministri
Alfred Rushaj: Kërkoj pezullimin e kësaj seance dhe pezullimin e kësaj seance. Unë nuk mendoj që ka seancë më të rëndësishme se kjo. Të ndërpresim mbledhjen
Lindita Nikolla: Ndërpritet seanca për 15 minuta.
(F.m/Dosja.al)
Iftar dhe politikë, a u prek Muaji i Ramazanit nga politikanët?
TIRANË– Kryeministri Edi Rama ka përcjellë një mesazh përmes kryeparlamentares, Lindita Nikolla lidhur me mungesën e tij në sallë. Kreu i qeverisë bëri me ...
TIRANË– Deputeti i Partisë Demokratike, Tritan Shehu, është përfshirë në debatin për prezencën e kryeministrit Edi Rama në seancën e sotme në Kuvend. Në fj...
TIRANË– Kreu i grupit parlamentar të Partisë Socialiste, Taulant Balla duket se nuk ka mundur që të përmbahet, duke u përplasur me deputetët e opozitës. Te...
TIRANË– Deputetët e Opozitës Jorida Tabaku dhe Gazment Bardhi janë revoltuar pasi kryeministri Edi Rama nuk ndodhet në seancë plenare për të debatuar me ta...
TIRANË– Kryeparlamentarja Lindita Nikolla ka hasur në kundërshtimin e kryedemokratit Lulzim Basha, i cili nuk pranoi të merrte fjalën për diskutim pa pasur...
TIRANË– Kreu i grupit parlamentar të Partisë Demokratike, Alfred Rushaj ka kërkuar në emër të deputetëve opozitarë që kryeministri Edi Rama të jetë pjesë ...
TIRANË– Gazetari kosovar, Enver Robelli ka hedhur poshtë lajmin e raportuar një ditë më parë nga Top-Channel se Bosnjë Hercegovina ka vendosur t’i bashkohe...
TIRANË– Kreu i grupit parlamentar i Partisë Socialiste, Taulant Balla është pikasur duke mbajtur maskën në një metodë të re në Kuvend. Siç duk...
TIRANË– Dalin pamje nga momenti kur deputetja e Partisë Socialiste, Tatjana Piro largohet nga salla e Kuvendit të Shqipërisë, pasi nuk është ndjerë mirë gj...
