Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Aktori turk Ozan Guven, është akuzuar se ka rrahur brutalisht të dashurën e tij, Deniz Bulutsu. Aktori i njohur edhe si personazhi “Rusten Pashaj”, që është dhëndri i Sulltanit, në serialin turk “Sulltani i Madhërishëm” është akuzuar nga e dashura se abuzimi ndaj saj ka zgjatur për mbi një orë në shtëpinë e tij në Stamboll.
Arsyet e dhunës, sipas Deniz Bulutsu ishte debati që ka filluar gjatë një darke me miqtë e tyre, ku aktori ka filluar ta ofendojë në prezencë të të gjithëve, në momentin që ajo ka filluar të flasë për ish-të dashurin e saj.
Në raportet mjeko-ligjore është treguar se Bulutsuz ka pasur disa dëmtime në trup si në këmbë, gjunjë, krahë dhe dëmtime në fytyrë. Shokuese është pamja e Deniz, e cila shihet me sy të gjakosur që dyshohet se i është prerë nga një material qelqi, me të cilin e ka goditur aktori.
Media turke, Hurriyet Daily, Bulutsuz ka bërë kërkesë në Zyrën e Prokurorit Publik të Stambollit përmes avokatit të saj dhe ka ngritur një padi penale kundërdrejt aktorit.
Ndërkohë që dhe aktori ka ngritur një ankesë ndaj të dashurës duke thënë se dhe ajo ka ushtruar dhunë ndaj tij.
Biseda mbi të kaluarën e Deniz solli dhunën
Më 12 qershor 2020, Bulutsuz dhe Güven shkuan në shtëpinë e miqve të tyre pasi hëngrën darkë në një restorant, siç thuhet në kallëzimin e ish-të dashurës së aktorit. Güven dyshohet se e ka fyer Bulutsuz para të gjithëve kur ajo po fliste për ish-të dashurin e saj gjatë një bisede.
Bulutsuz e kishte hapur këtë temë në shtëpinë e miqve të tyre që i kishin ftuar, por biseda u hap përsëri kur ata u kthyen në shtëpinë e aktorit, në mesnatë… pak para se ai të kthehej në një person fizikisht të dhunshëm.
Në kallëzim, Bulutsuz thotë se Güven theu objektet në shtëpi dhe e qëlloi atë në mjekër, ndërsa mori një shandan të thyer për ta ndaluar që ajo të largohej nga shtëpia. Duke mohuar deklaratat, Güven pretendon se në të vërtetë është ai “që vuajti dhunën”.
Aktori gjithashtu ngriti një akuzë kundër Bulutsuz dhe iu dha një urdhër mbrojtjeje nga ish-e dashura.
“Deniz Bulutsuz kërcënoi Ozan Güven, duke thënë se ajo do t’i shkatërrojë karrierën e tij me deklarata që nuk kanë asnjë të vërtetë në to,” tha avokati i Güven.
Heshtje dhe mbështetje nga të famshëm
Abuzimi u bë shpejt një temë e diskutuar gjerësisht në mediat sociale në Turqi, ku shumë përdorues të mediave sociale u solidarizuan me Bulutsuz dhe dënuan veprimet e Güven.
Njerëzit në rrjet dhe shumë pesonazhe të njohur u bënë thirrje miqve VIP-a, të Güven që të thyejnë heshtjen, dhe t’i kërkojnë atij shpjegime për abuzimin.
“Ai që ushtron këtë dhunë mund të jetë më i afërti, shoku ose vëllai juaj. Në vend që ta përkëdhelni në shpinë dhe ta injoroni incidentin, mund të deklaroni që nuk e pranoni atë që ai ka bërë. Miqësia e vërtetë kështu vepron, ”tha Hazal Kaya, një aktore e njohur turke, duke kritikuar në mënyrë të ashpër një lloj kodi “omerta” që shumë aktorë në industrinë e filmit kanë me njëri-tjetrin, duke e mbështetur në heshtje dhunën bazuar në sekrete të tjera të ashpra.
Pasi përdoruesit e mediave sociale reaguan ndaj heshtjes në botën e filmave, komediani dhe aktori i mirënjohur Cem Yılmaz, një mik i Güven dhe që ka punuar me të në disa prodhime, ka bërë tëeet në lidhje me ngjarjen. “Unë nuk jam as në gjendje të jem në anën e dhunës ndaj grave. Kjo është një çështje e panegociueshme, “tha Yılmaz në një cicërimë, (reagim), duke shtuar se ai i kupton njerëzit që kërkojnë nga ai të thërrasin Güven. “Unë nuk kam asgjë tjetër përveçse të trishtohem për këtë temë,” shtoi ai.
Disa aktore të tjera përfshirë Demet Özdemir dhe Berrak Tüzünataç kanë thënë se janë në solidaritet me Bulutsuz dhe e siguruan se ajo “nuk do të jetë kurrë vetëm”.
Dhuna ndaj grave mbetet një problem i përhapur dhe i vazhdueshëm. Të dhënat e Organizatës Botërore të Shëndetit (OBSH) thonë se 38 përqind e grave në Turqi i nënshtrohen dhunës nga partneri gjatë jetës së tyre, krahasuar me rreth 25 përqind në Evropë.
(k.a;f.g/dosja.al)
1 vit nga zgjedhjet e 25 prillit si e shikoni gjendjen e vendit:
KILI- Damaris Silva është një infermiere 26-vjeçare nga Kili, që pavarësisht punës së palodhur që i është dashur të ofrojë gjatë periudhës së Covid-19, a...
TIRANË– Kryeministri Edi Rama po zhvillon një takim me kryebashkiakët socialistë në zyrën e tij në Kryeministri. Të gjithë, të veshur seriozë, disa me kost...
TIRANË– U përfol shumë, por Stresi i ka vënë “vulën” gjithçkaje. Reperi ka prezantuar vjehrrën e tij, nënë e bashkëshortes së tij, Keisit.Edhe pse k...
Memorie.al publikon një shkrim të botuar në vitin 1963 në revistën “Shejzat’ që nxirrte në Romë studjuesi, poeti, shkrimtari dhe eksponenti i famshëm i mërgatës...
DashiMundohuni që të zgjidhni problemet në çift dhe hiqni dorë nga kokëfortësia. Në punë, mund të merrni një lajm të mirë, por nismat më të rëndësishme, ...
VLORE– Duket se reperi Majk periudhën e karantinës nuk e ka kaluar dhe aq mirë pasi ai ka zbuluar se është përballur me depresionin.Teksa është intervistu...
TIRANË- Revoltë e fortë ajo e Gulielm Radojas. I ftuar në “A-Show” përballë Adi Krastës, aktori i mirënjohur shprehu të gjithë zhgënjimin e tij me politikë...
TIRANE– Ditën e sotme e ftuar në emisionin “Ftesë në 5” me Bieta Sulon ishte ekspertja e turizmit Flora Xhemani.Gjatë fjalës së saj ajo shprehu të gjithë indinj...
TIRANË- Aktori i njohur, Guljem Radoja, ka komentuar sot shembjen e Teatrit Kombëtar që u shkatërrua më shumë se 2 muaj më parë. Në një intervistë në “A Sh...
