Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Arkëtimet për vitin e ardhshëm llogariten të jenë rreth 11% më shumë se mesatarja e të ardhurave të arkëtuara në 7 vitet e fundit, periudha 2018-2024.
TIRANË- Taksa e përkohshme e infrastrukturës arsimore e ka vitin e fundit të aplikimit në 2025. Bashkia e Tiranës parashikon të arkëtojë të ardhura nga kjo taksë për 2025 në vlerën e 805 mln lekëve apo rreth 8,6 mln euro. Arkëtimet për vitin e ardhshëm llogariten të jenë rreth 11% më shumë se mesatarja e të ardhurave të arkëtuara në 7 vitet e fundit, periudha 2018-2024. Të dhënat bëhen publike në relacionin e projektbuxhetit të vitit 2025 të Bashkisë së Tiranës.
Në relacion parashikohet se arkëtimet për taksën e infrastrukturës arsimore do të rriten për kategorinë e familjarëve, në realizmin e pritshëm të 2024-s, por edhe vitin e ardhshëm, për shkak të rritjes së çmimeve të referencës, mbi të cilën llogaritet kjo taksë.
“Taksa e përkohshme e infrastrukturës arsimore ka një realizueshmëri të kënaqshme që nga koha e hyrjes në fuqi, në vitin 2016, si për kategorinë biznese edhe për kategorinë familjarë. Në fillim të vitit 2023 arkëtimet nga kjo taksë u reduktuan nga miratimi i kësaj takse për një periudhe të re 3 vjeçare dhe limitimi i vlerës së saj në masën 35% të detyrimit të taksës së ndërtesës për të njëjtin subjekt.
Niveli i pritshëm i realizimit për vitin 2024 do të jetë mbi vlerën e parashikuar për subjektet “Familjare” duke marrë parasysh hyrjen në fuqi të VKM-së së re në datën 28.07.2023 dhe aplikimit të ndryshimeve të çmimeve të referencës në faturimet e muajit gusht 2023 për taksën e ndërtesës dhe respektivisht dhe për taksën e përkohshme për infrastrukturën arsimore.
Agjenti tatimor UKT-sha në muajin tetor 2024 rezulton me një numër prej 190,834 abonentë të faturuar dhe 47,336 abonentë të përjashtuar nga pagesa e kësaj takse”, thuhet në relacion.
Shtim të arkëtimeve për kategorinë e familjarëve priten edhe në 2025, krahasuar me realizmin e pritshëm të 2024-s.
“Parashikimi për periudhën 2025-2027, më saktë për vitin 2025 do të jetë në vlerat e mëposhtme duke parashikuar një rritje për kategorinë “Familjarë” dhe për subjektet tregtare në vlerat e realizimit të pritshëm për vitin 2024, kjo pasi në parashikimin e vitit 2024 ne parashikuam vlerat duke marrë si referencë masën 35% të parashikimeve për taksën e ndërtesës ndërkohë që tek subjektet e biznesit aplikimi i kësaj takse është bërë kryesisht me vlerat e aneksit pasi vlerat e taksës së ndërtesës, më saktësisht (35% -shi) janë shumë më të larta se vlerat e aneksit”, thuhet në relacionin e projektbuxhetit 2025.
Shtimi i detyrimit si për kategorinë e familjarëve dhe të bizneseve është ndikuar nga rritja e çmimeve të referencës së apartamenteve sipas vendimit të botuar në Fletoren Zyrtare në fund të muajit korrik 2023. Në relacion e projektbuxhetit 2024 bashkia e Tiranës shpjegoi se vlera e taksës së përkohshme të infrastrukturës arsimore është në masën 35% të detyrimit të taksës së ndërtesës për të njëjtin subjekt si familje apo subjekt tregtar.
Për familjarët rritja e detyrimit për taksën e infrastrukturës arsimore ka nisur të zbatohet që në muajin gusht 2023, kur nisi detyrimi i shtuar për taksën e ndërtesës pas rritjes së çmimeve të referencës. Me vendimin e muajit Korrik çmimet e referencës për 32 zonat kadastrale të Tiranës u rritën nga 4 deri 76% krahasuar me nivelet e vendimit të 2018-s.
Taksa e përkohshme për infrastrukturën arsimore në Tiranë ka hyrë në fuqi në vitin 2016, si për kategorinë biznese dhe për kategorinë familjare. Fillimisht parashikohej që kjo taksë të zbatohej deri në 2022, por më pas Bashkia Tiranë e shtyu zbatimin e saj edhe me 3 vite të tjera deri në 2025.
Për subjektet tregtare detyrimi i kësaj takse arkëtohet nga Drejtoria e Përgjithshme e Taksave dhe Tarifave Vendore. Ndërsa detyrimi nga kategoria familjarë arkëtohet nga agjenti tatimor i përzgjedhur për këtë qëllim, “Ujësjellës Kanalizime Tiranë” nëpërmjet faturave të ujit të pijshëm. Për kategorinë “Familjarët” detyrimi paguhet në 12 këste të barabarta, për çdo muaj përkatësisht dhe vlera e saj është 35% e detyrimit të taksës së ndërtesës.
Në total nga viti 2018 deri në 2025 Bashkia e Tiranës parashikon të arkëtojë në total rreth 60 milionë euro të ardhura nga kjo taksë./MONITOR
Foto ilustruese TIRANË- Ndonëse pagat, sidomos në sektorin shtetëror po rriten vazhdimisht, me to mund të blesh më pak produk...
foto ilustruese TIRANË- Fitimet e investitorëve të huaj në Shqipëri shënuan sërish rritje në tremujorin e tretë...
foto ilustruese TIRANË- Qeveria shqiptare do të emetojë për herë të parë në vitin 2025 obligacione me maturim 20 vj...
Foto ilustruese TIRANË- Në kushtet e tkurrjes së prodhimit në disa sektorë dhe reduktimit të popullsisë nga emigrimi, ar...
foto ilustruese TIRANË- Çmimi i shitjes së kafesë në bursat e huaja po shënon nivele rekord. Për shkak të pë...
Foto Ilustruese Të dhënat e reja tregojnë se një përqindje çuditërisht e lartë e programeve master, janë th...
ETF “Reflektim mbi të kaluarën, duke parashikuar të ardhmen”. Kjo ishte kryefjala e 30-vjetorit të themelimit të Fonda...
Foto Ilustruese TIRANË- Një treg që po njeh një rritje të madhe në botë, me potencial të lartë zhvillimi, &eum...
TIRANË- Përdorimi i toksinës Botoks në botë dhe në Shqipëri po rritet me ritme dyshifrore nga viti në vit për q&e...
Foto ilustruese TIRANA- Nga 1 prilli 2023, paga minimale u rrit nga 34 mijë lekë në 40 mijë lekë, apo me 17,6%. Pas rritjes së...
