Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANE- Kryeministri Edi Rama është prekur sot sërish në ceremoninë për nderimin e major Klodian Tanushit. Rama tha se ai kishte një mision fisnik, por nuk u kthye siç familja do të donte, por si një hero i mbështjellë nga flamuri kombëtar.
Kryeministri foli për rëndësinë që ka puna e një ushtaraku për kombin, familjen dhe shoqërinë. Ai e adresoi një mesazh edhe tek fëmijët e majorit Klodian Tanushi, për të cilët tha se kur të bëhen prindër do e kuptojnë atë që ka bërë babai i tyre sot.
“Qoftë i përjetshëm kujtimi dhe një fjalë për tre fëmijët: një ditë kur ju të bëheni prindër, do të keni kuptuar përfundimisht atë që babai juaj ka lënë sot shënim në zemrat tuaja, se asgjë më shumë në këtë jetë nuk ven sa emri dhe kujtimi i mirë!”-tha Rama.
Fjala e kryeministrit Edi Rama:
Flamuri jonë kombëtarë mbështjellë trupin e një tjetër dëshmori të atdheut, majorin Klodian Tanushin, kolegun dhe pasrënësin në përulje kombëtare, të nëntetares Zarife Hasanaj.
Rikthehemi në një ceremoni funebre si kjo për ti dhënë lamtumirën një ushtaraku, prind i tre fëmijëve, djalë i dy prindërve dhe i një babai që trashëgoi misionin e FA, dhe bashkëshort që ndahet krejt para kohe nga gruaja dhe familja e tij.
Përsëri është shumë e vështirë për të gjetur fjalët që të mbushin zbrazëtinë e këtij momenti që do të mbetet aty në zemrën e fëmijëve, gruas, prindërve dhe të të gjithë shokëve të tij të armëve.
Sidoqoftë, shpresoj që prania jonë këtu, t’ju japë sado pak krahë për të përballuar humbjen e pazëvendësueshme.
Klodiani ishte në një mision paqeruajtës dhe jetëshpëtues dhe la jetën e tij për të mos lejuar që jetë të tjera të kumbisnin.
Në një libër të shenjtë, një vetëflijim i tillë për të shpëtuar jetët që do të vijnë, quhet vetëflijim për miqtë e panjohur… ky është edhe thelbi i të gjitha misioneve paqeruajtëse dhe jetëshpëtuese të FA si pjesë e aleancës së madhe të NATO.
Është më e lehtë të japësh jetën për njërit e dashur në çaste ekstreme, të merresh nga vdekja kur mësyn armiku sy më sy, por është tejet e vështirë dhe sublime të pranosh që jeta jote mund të ndalojë në çdo çast për të shpëtuar jetë të panjohurish.
Të pranosh të korrësh nga vdekja në një vend që nuk është atdheu yt… ke dashur të mbjellësh farën e mirë që ushqen jetën, ky është rasti dhe momenti për tu përpjekur ta themi, atë që mund të duken si e pakuptueshme, pse një djalë, prind, burrë shqiptar duhet të kthehet pa jetë nga një tokë e panjohur, pikërisht për këtë… sepse sot Shqipëria dhe shqiptarët dhe FA përmes tyre janë pjesë e këtij misioni, si një vlerë të patjetërsueshme.
Klodiani i ngjiti shkallët e karrierës një nga një, njeri i përkushtuar, fisnik, dhe tejet i respektuar, gjë që shpjegon përtej humbjes njerëzore edhe lotët e panatyrshme në fytyrën e shefit të shtabit teksa foli për të…
Sot mund t’i puthte duart e nënës, të përkëdhelte fëmijët, por është kthyer i mbështjellë me flamurin kuqezi, jo për të shkuar në shtëpi por për tu bashkuar në banesën e kombit, aty ku kombi ka mbledhur të gjithë ata që dhanë jetën për të!
Duke njohur familjet e dy dëshmorëve nuk është e vështirë të kuptohet se dinjiteti dhe pasioni për ti shërbyer atdheut, në këtë vijë shumë të hollë mes jetës dhe vdekjes, është edhe trashëgim brezash, kultivim vlerash familjare dhe provë e asaj që themi ne: gjaku nuk bëhet ujë!
Unë dua të shpreh mirënjohjen e thellë sepse është falë dëshmorëve, atyre të djeshmes dhe këtyre të sotmes që ne e kemi të pamundur mjegullimin e të ardhmes pasi sakrifica e tyre na ndihmon edhe në momentet më të vështira ta dimë ku ndodhet dhe sa vlen ana e duhur e historisë.
Qoftë i përjetshëm kujtimi dhe një fjalë për tre fëmijët: një ditë kur ju të bëheni prindër, do të keni kuptuar përfundimisht atë që babai juaj ka lënë sot shënim në zemrat tuaja, se asgjë më shumë në këtë jetë nuk ven sa emri dhe kujtimi i mirë!
Sot janë zhvilluar homazhet tek Muzeu Kombëtar në nder të ushtarakut Klodian Tanushi. Në ceremoni morën pjesë familjarë, miq dhe të afërm.Ka spikatur prania e rreshterit që shpëtoi në këtë shpërthim, Julian Kapaj. Emocionet ishin të mëdha, dhe për politikën, nga ku nuk munguan lotët e ministres Olta Xhaçka, Gjeneral Bardhyl Kollçakut, dhe ministrit Sander Lleshaj.
Major Klodian Tanushi u plagos më 6 maj në Letoni gjatë një stërvitjeje në Camp Adazi në Letoni dhe ndërroi jetë më 10 maj. Nga shpërthimi i një bombe, humbi jetën nëntetarja Zarife Hasanaj, dhe përveç majorit Tanushi u plagos edhe nëntetari Julian Kapaj.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Ministrja e Mbrojtjes, Olta Xhaçka e përlotur ka mbajtur një fjalim në nder të majorit Klodian Tanushit, i cili u nda nga jeta më 10 maj.Në ...
Tiranë- Për parullën poshtë banesës së ambasadorit Borchardt, në polici është shoqëruar edhe një tjetër studente, Viosana Kokla. Mësohet se në polici ajo ka dek...
TIRANË- Një debat i nxehtë dhe me tone të ashpra ësgrë zhvilluar mbërmjen e djeshme në emisionin “Tempora” mes kreut të Lëvizjes “Zgjidhja”, Koço Ko...
TIRANE- Gjeneral Bardhyl Kollçaku ka lëshuar një mesazh prekës në ceremoninë e homazheve që është zhvilluar tek Muzeu Historik Kombëtar.Pjesë nga fjala e...
BRITANI E MADHE- Nënë e bijë, Sebjana dhe Enisa Myzeqari janë shpallur të zhdukura. Prej 2 prillit, mamaja 24-vjeçare dhe vajza e saj e mitur nuk janë p...
Tiranë- Akademiku Artan Fuga duke iu referuar situatës politike në vend dhe zgjedhjeve të 30 qershorit ka reaguar nëpërmjet ironisë. Ai tregon “bisedën” mes gom...
Ndërsa opozita ka paralajmëruar për bllokimin e procesit për zgjedhjet lokale të 30 qershorit duke bllokuar me forcë nëse është nevoja e të gjithë qendrave të v...
FIER- Banorët e lagjes “Naftëtari” në Patos janë zgjuar me sirenat e policisë dhe të ambulancës.Kjo për shkak, se një 30-vjeçar ka qëlluar veten me thikë...
Në ceremoninë e lamtumirës së major Klodian Tanushit, të pranishëm janë edhe tre fëmijët e tij të mitur. Një foto është shkrepur në momentin kur dy djemtë e tij...
Presidenti Ilir Meta ka marrë pjesë në ceremoninë e lamtumirës së major Klodian Tanushit, i cili do të përcillet sot për në banesën e fundit. Meta takoi familja...
