Politike

COVID-19/Gazment Bardhi akuza ndaj Ramës: Mos bëj propadandë, ndihmo njerëzit në nevojë, buxheti ka para mjaftueshëm për të përballuar krizën

VIDEO
Bardhi ka deklaruar se buxheti i shtetit ka para mjaftueshëm për ndihmuar njerëzit në këtë kohë krize.
Featured image of article: COVID-19/Gazment Bardhi akuza ndaj Ramës: Mos bëj propadandë, ndihmo njerëzit në nevojë, buxheti ka para mjaftueshëm për të përballuar krizën Edi Rama dhe Gament Bardhi

Tiranë-Sekretari i Partisë Demoraktike, Gazment Bardhi ka deklaruar se kryeministri Edi Rama ka braktisur familjet në nevojë dhe të sëmurët, të cilët në këto ditë të vështira kanë nevojë për ndihmë. Nëpërmjet një njoftimi në Facebook, Bradhi shprehet se buxheti i shtetit ka para, për të përballuar situatën, por sipas tij kreu i qeverisë lekët i ndan me miqtë e tij.

Reagimi i plotë në Facebook:

Nëse mbyllesh në Surrel nuk ke sesi ta kuptosh që njerëzit janë pa bukë dhe pa asnjë ndihmë nga shteti, prandaj vetëm e mallkon dhe e fyen popullin tënd. Edi Rama duhet të bëjë detyrën dhe të lërë fjalët boshe, teatrin dhe propagandën.

Braktisja e familjeve në nevojë, të sëmurëve apo qytetarëve pa mjetet e nevojshme të jetesës, në këtë kohë krize, është kriminale. Sot qytetarët e pamundur kanë nevojë më shumë se kurrë të ndjejnë solidaritetin dhe mbështetjen e shtetit.

Për më shumë bëhu pjesë e grupit më viral në Facebook, Dosja.al

Buxheti ka para mjaftueshëm për të përballuar krizën, por Shqipëria është në prag të katastrofës ekonomike, sepse lekët e shqiptarëve Rama i ka për t’i ndarë me miqtë e tij, në tendera dhe koncesione korruptive.

Një ditë më parë, kreu i Partisë Demokratike, Lulzim Basha deklaroi se qeveria ndihmën për bizneset dhe qytetarët që mbeten pa punë do e fillojë nga 1 prilli.

Ndërkohë, në Shqipëri janë 212 persona të infektuar me Covid-19 dhe numri i viktimave ka shkuar në 10. 40 nga të prekurit janë shëruar, por harta e infektimit është zgjeruar. Mirdita i është bashkuar listës së fundmi, me 1 të infektuar, ndërsa epiqendra është në Tiranë me 121 të infektuar. 4 pacientë tek Infektivi ndodhen në intubim. Autoritetet kanë vetëm një thirrje për qytetarët: Qëndroni brenda!

J.V/Dosja.al

Shto Koment