FOTO/ Flamuj dhe flakadanë! Bulevardi “ndizet” kuq e zi, qytetarët kërkojnë largimin e Ramës 5 Qershor, 1...
Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Ky veprim i kryetarit të Kuvendit, ka shkaktuar reagime e tensione të shumta në sallë nga deputetët VMRO-DMNE-së, të cilët kanë bllokuar foltoren e Kuvendit, ndërsa kanë protestuar me brohoritje në sallë.
SHKUP- Opozita maqedonase ka kërkuar dorëheqjen dhe ndjekjen penale të kryetarit të Kuvendit të Maqedonisë së Veriut, Talat Xhaferi, pasi ua ka mbyllur atyre derën e sallës së Kuvendit të mërkurën rreth mesnate për të siguruar kuorumin për caktimin e rendit të ditës.
Ky veprim i kryetarit të Kuvendit, ka shkaktuar reagime e tensione të shumta në sallë nga deputetët VMRO-DMNE-së, të cilët kanë bllokuar foltoren e Kuvendit, ndërsa kanë protestuar me brohoritje në sallë.
“Thirreni policinë të vijë këtu pasi na është mbyllur dera. Na është kufizuar liria e lëvizjes. Kjo është e turpshme. Kjo është diktaturë”, ka thënë kryetari i Grupit Parlamentar të VMRO-DPMNE-së, Nikolla Micevski, në një video të regjistruar nga celulari brenda sallës së Kuvendit.
Kryetari i Kuvendit, Talat Xhaferi, në videon e publikuar dëgjohet duke u thënë deputetëve të opozitës se ka vepruar në përputhje me rregulloren për numërimin e deputetëve të pranishëm në sallë, por nga opozita thonë se në rregullore nuk qëndron se për numërimin e deputetëve të pranishëm në sallën duhet të mbyllet dera e sallës plenare.
“Tashmë është e qartë si kristali se Kuvendi nuk është më një institucion demokratik, por një institucion i kapur nga një autokrat. Ky autokrat i lejon vetes të veprojë sikur Kuvendi të jetë një pronë private, duke mos respektuar asnjë rregullore dhe mbi të gjitha duke cenuar të drejtat themelore të njeriut. Talat Xhaferi me metodat e tij diktatoriale dhe joparimore nuk guxon të udhëheqë legjislaturën as edhe një ditë. Ky njeri nuk ka respekt për askënd, as për shërbimin parlamentar që e shau dhe e nënçmoi në mënyrën më të turpshme, as për deputetët të cilëve guxoi t'u kufizonte të drejtën e lëvizjes dhe i mbylli në sallën plenare”, ka deklaruar Micevski.
Ai ka shtuar se veprimi i kreut të Kuvendit, sipas tij, është bërë me urdhër të Lidhjes Social Demokrate (LSDM).
Deputeti i partisë opozitare “E Majta”, Dimitar Apasiev, ka kërkuar ndjekjen penale të Talat Xhaferit, por fillimisht ka kërkuar shkarkimin e tij nga posti i kryetarit të Kuvendit.
“Me mbylljen e deputetëve në sallën plenare të Kuvendit, Talat Xhaferi jo vetëm që bëri krim, por humbi plotësisht kredibilitetin për të drejtuar Parlamentin! Nga gjithsej 120 deputetë, pesë janë të nevojshëm për fillimin e procedurës së interpelancës. Dy deputetët e së majtës janë në dispozicion. Kërkohen tre heronj të tjerë dhe që procesi të fillojë”, ka shkruar Apasiev në Facebook.
LSDM-ja nuk e ka komentuar veprimin e Xhaferit, por ka akuzuar opozitën për pengimin e punës së institucioneve në kohën kur Maqedonia e Veriut, sipas saj, po përballet me krizë ekonomike.
“Derisa LSDM-ja po e menaxhon me sukses krizën, duke zbatuar masa prej qindra miliona eurosh për t'i ndihmuar qytetarët dhe kompanitë, VMRO-DPMNE vazhdon me bllokada. Veprimi destruktiv i Hristijan Mickoskit është një përpjekje për të rrezikuar funksionimin normal të institucioneve në kohën e krizës më të madhe botërore, por këtë nuk do ta lejojnë partitë në pushtet”, ka deklaruar zëdhënësja e LSDM-së, Bogdanka Kuzeska.
Nga kryetari i Kuvendit maqedonas, Talat Xhaferi, po kërkohet përgjegjësi edhe për fyerjet e tij drejtuar punonjësve të Kuvendit, më 13 maj, të cilët sipas tij, nuk ishin në krye të detyrës. Pas heshtjes gati dyjavore Xhaferi ka thënë se nuk ndien asnjë përgjegjësi për veprimin e tij pasi bëhet fjalë për lëshime të rënda nga punonjësit e Kuvendit.
“Nuk do të lejoj që në orar pune të shëtisin rrugëve. Duhet t’i kryejnë detyrimet e tyre. Nëse i shkohet çështjes deri në fund, do të ketë pasoja për një gabim të tillë. Materialet që ishin përgatitur para votimit të rendit të ditës, ashtu siç ishin përgatitur, e kthenin seancën nga fillimi”, ka thënë Xhaferi në një takim me gazetarët.
Talat Xhaferi, me propozim të Bashkimit Demokratik për Integrim (BDI) për herë të parë në postin e kryetarit të Kuvendit u zgjodh në një atmosferë kaotike më 27 prill të vitit 2017 që shkaktoi dhunë të përgjakshme pasi Kuvendi ishte pushtuar nga ithtarë të VMRO DPMNE-së që kundërshtonin zgjedhjen e tij për kryetar. Në pozitën e të parit të Kuvendit Xhaferi u zgjodh edhe pas zgjedhjeve të parakohshme parlamentare që u mbajtën në 15 korrik të vitit 2020.
Marrë nga REL
Kristaq Qiqi TIRANË- Kristaq Qiqi ka blerë një apartament në vitin 2012 në rrugën e Kavajës me kontratë të...
Albin Kurti KOSOVË- Kryeministri i Kosovës, Albin Kurti, u ka bërë thirrje shqiptarëve në Serbi me të drejtë vote n...
RUSI- Zëdhënësja e Ministrisë së Jashtme të Rusisë, Maria Zakharova, ka thënë se trupat ruse kap&...
Alarm per bombe ne Serbi SERBI- Në e-mailin e Nismës Rinore për të Drejtat e Njeriut (YIHR), një prej organizatave që organiz...
Albin Kurti Nga “shkrirja e akujve” dhe “era e luleve” e deri te qëndrimi “frytdhënës”, media serbe "Bli...
Flutura ANGLI- Një raport nga Butterfly Conservation paralajmëron se 24 nga 58 speciet e fluturave nw Britani mund të zhduken së shpejt...
Donbas UKRAINË- Forcat ruse po bombardojnë qytete dhe qytete në Ukrainën lindore me qëllimin e deklaruar për të "&c...
Vladimir Putin RUSI- Moska është e gatshme të japë një "kontribut të rëndësishëm" për të shmangur nj...
Ramzan Kadyrov POLONI- Në mes të luftës së vazhdueshme Rusi-Ukrainë, një video e liderit çeçen dhe aleatit t&eu...
Elon Musk dhe Bill Gates SHBA- CEO i Tesla, Elon Musk, kritikoi të mërkurën filantropin miliarder Bill Gates pasi një raport pretendont...
