Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Vrasësi me pagesë, vijon të dalë i implikuar në disa dosje penale dhe ngjarje kriminale, ku këtë herë është marrë i pandehur për akuzën e sigurimit të kushteve për të kryer vrasjen e shkodranit, Dorian Dulit, ky i fundit hasmi i Behar Bajrit në Shkodër.
TIRANË- I penduari kryesor i prokurorisë së posaçme SPAK, Nuredin Dumani, është marrë për herë të dytë i pandehur, pasi këtë herë implikimi i tij në aktivitet kriminal, është provuar në dosjen nr.9, që njihet ndryshe si dosja “Metamorfoza”.
Vrasësi me pagesë, vijon të dalë i implikuar në disa dosje penale dhe ngjarje kriminale, ku këtë herë është marrë i pandehur për akuzën e sigurimit të kushteve për të kryer vrasjen e shkodranit, Dorian Dulit, ky i fundit hasmi i Behar Bajrit në Shkodër.
Kjo është një dosje e nisur nga SPAK në vitin 2023 dhe është ndarë në tre procedime të ndryshme. Së bashku me Nuredin Dumanin, tashmë të pandehur janë marë Denis Bajri i ekstraduar pak kohë më parë nga Dubai dhe 7 persona të tjerë që janë shpallur në kërkim.
Secili prej të kërkuarve ka akuza të ndryshme dhe episode të ndryshme kriminalë.
Eljo Hato dhe Arsad Bashli, ( në kërkim) akuzohet për “Vrasjes me paramendim” mbetur në tentativë kryer në formën e “Grupit kriminal” në dëm të Taulant Pepaj, “Mbajtje pa lejë të armëve” dhe “Korrupsion i gjyqtarit”.
Bardhyl Mavraj, (në kërkim) akuzohet për “korrupsion të gjyqtarit dhe prokurorit” dhe Sigurim të kushteve për të kryer vrasjen e Dorian Dulit, Ibrahim Licit dhe Genci Tafilit.
Klaudor Hakaj, (në kërkim) akuzohet për “Sigurimin e kushteve për të kryer vrasjen” e Kleanth Musabelliut kryer në formën e “Grupit të strukturuar kriminale”.
Denis Brajoviçi alias Bajri, akuzohet për Vrasje me paramendim kryer në formëne Grupit kriminal në dëm të shokut të tij, Gjin Ndoj, Mbajtjes pa lejë të armëve të zjarrit, dhe Sigurim i kushteve për të kryer vrasjen e Genc Tafilit, Dorian Dulit dhe Ibrahim Licit.
I kërkuari Prekë Kodra, akuzohet për “Sigurim të kushteve për të kryer vrasje” në kuadër të “Grupit kriminal”, në dëm të Genc Tafilit, Ibrahim Licit dhe Dorian Dulit.
Nuredin Dumani, akuzohet për sigurimin e kushteve për të vrarë Dorian Dulin dhe Indrit Doklen.
Dosja
Dumani për vrasjen e Dorian Dulit flet me Bardhyl Mavraj dhe Aleksandër Bahon, por çuditërisht ky i fundit nuk është vënë në përgjegjësi penale nga SPAK dhe nuk është lëshuar asnjë masë sigurimi personal për të.
Dëshira personale për ekzekutimin e Dorian Dulit dhe Ibrahim Licit, ishte e Behar Bajrit, i cili sapo kishte dalë nga burgu e s’mund të pranonte shoqërinë që kishte Duli me hasmin e tij, të familjes Lici.
Për të kryer vrasjen e Dulit, dy kushërinjtë Behar Bajri dhe Bardhyl Bajri (Mavraj), ishin përpjekur dhe kishin rekrutuar Astmer Bilalin, Denis Brajoviçin, Prek Kodrën, “Leksin e Druve” në Lezhë, Pëllumb Gjokën, ish-deputetin e PS në Lezhë, Arben Ndokën dhe ish-shefin e policisë së Shkodrës, Ardrit Hasanbegaj.
Pavarësisht ndjekjes këmba-këmbës të Dorian Dulit dhe njerëzve të tij, sërish plani i tyre nuk ka ecur për finalizimin e vrasjes. Kjo pasi të gjithë i frikësoheshin një kundërsulmi nga Dor Duli, i cili qëndronte gjithnjë i armatosur.
Bajrat, morën kontakt dhe hynë në negociata me dy emra të tjerë, si Nuredin Dumani dhe Aleksandër Baho (Sakatin).Përmes Bardhyl Mavraj, Bajrat, i dërguan mesazhin Nuredin Dumanit se pagesa për kokën e Dulit ishte 200 mijë euro.
Për të kryer siguri Nuredin Dumani i thotë Bardhyl Mavraj se:”…Dorin do ta mbaroj unë, sa do që të më thuash…unë s’të ve çmim, por ti shife vetë…”.
Nga ana tjetër Mavraj i shpjegon dhe arsyet Nuredin Dumanit se përse duan ta vrasin Dorin si dhe përcakton limitin e parave që ofron për ekzekutimin e Dulit.
“…vlla Dori, s’na ka ba as dëm as gjë se me dashtë dhe të vllan e kemi me ja kry, por s’është se na ka ba dam kund. Thjeshtë është tu na nejt me do hasëm tonët dhe për kët dona me e hek. Ta them me pastërti, le që s’ja vlenë por nuk hellim mbi 200 për Dorin…”-i thotë Bardhyl Mavraj.
Më tej gjatë kësaj dite Dumani dhe Mavraj, flasin për të siguruar makinë, një makinë për Nuredin Dumanin dhe pasi kanë diskutuar për makinën në mbyllje të bisedës Nuredin Dumani i dërgon mesazhet: ”…do ti këpus…rri pa merak…ok trujt zoti vlla…mos ki kerak….hiq…”.
Për të kryer vrasjen Dumani, kishte aktivizuar dhe Aleksandër Bahon, i cili do siguronte makinën, njëherësh do nxirrte në pritë Dorian Dulin. “Sakati” është një personazh që del në komunikimet e “Sky”, teksa bisedon me Dumanin për të vrarë, Lulzim Mashën në Tiranë.
Nxjerrja në pritë do kryhej pasi “Sakati”, ti kishte dhënë drekën, Dorian Dulit. Kjo tregon se mes Dulit dhe Aleksandër Bahos ka pasur njohje të mëparshme.
Sipas bisedave, duke shfrytëzuar këtë njohje Sakati ka mundësi ti afrohet Dulit dhe të zbatojë planin e Nuredin Dumanit. Në një bisedë mes “Sakatit” dhe Dumanit, ai i thotë:
”…jam duke e menduar këtë vëlla, me ja fut këtu atë që thua ti. Por normal që shteti, do bëjë hetime dhe do shikojë që ai ka qenë këtu dhe ka dalë nga këtu. Dhe me u plas diku në vend tjetër, normalisht që kamerat do i shikojnë dhe do jem unë i dyshumi kryesor…”.
Më tej “Sakati” i shpalos Dumanit një plan për ta thirrur në drekë, Dorian Dulin dhe me e vra aty duke ngrënë bukë, duke ja futur sasinë e tritolit brenda në makinë.
“…por po mendoja me e thirrë për drekë më nai vend, dhe me ja fut atje, por duhet gjet ndonjë nga këto, të mos trembet mos ketë frikë. Kështu do ishte më mirë si thua ti vlla? …do ishte ma mirë me i marrë diku për drekë dhe me ja gjet mundësinë, me ja fut mrena…”.
…
Nuredin Dumani (Alkatrazi), nuk ka hequr dorë nga plani i tij për të vrarë Dulin, përmes një shpërthimi të telekomanduar me 3 kg tritol që do i futej brenda në makinë.
“…vlla kur ti fusim pakon posht sendilës, do ti fusim dhe GPS dhe e shikojmë ka iku nga Tirana “ok” në autostrad ta shpërthejn. Po iku nga Kavaja, ta bëjmë diku afër Malit të Robit, se osht i sigurt ai vlla me atë pakon…” – i thotë Nuredin Dukani, Sakatit.
Ndërsa Sakati i shkruan se edhe nëse makina është mbyllur t’ia marrë çelësat Dulit duke i thënë të të fus një pagure “Raki”.
“…kamerat e lokalit do fiken vlla, kamerat do fiken nuk bohet fjalë, por kamerat e shkollës dhe te tjerat do e kapin që ka hyrë dhe ka dal këtu dhe telefonin, që kamë në vesh dalin këtu qelizat. Megjithatë do flas me atë djalin këtu që të ja boj, këtë gjo që të ja fusi mrena dhe çfarë do më thojë, dhe po të jetë mbyllur makina ti them bjer çëlsat të fus nji pagure Raki mrena ose diçka tjetër këtë po mendoj. Por të flas nesër me atë djalin…”.
Pasi ka dërguar kopjen e bisedës tek Bardhyl Mavraj alias Bajri, Nuredin Dumani i dërgon mesazhet si më poshtë: “…dua ti fus eksploziv në makinë nja 3 kg dhe nji motorr me dy veta te shkojnë me u siguru mrapa…me UZI…” (Tomsona).
Bardhyl Mavraj, pasi mori dijeni për planin e Nuredin Dumanit dhe duke ju referuar edhe bisedës që ka pasur për makinën “Mercedes Benz 5000 kubik”, i dërgon mesazh: “…si ta shofësh ti mundësin shife vet situatën, unë të garantoj ato që të thash. Mendoje vetë si tek por puna është që të kryhet vlla. Tashi s’di si me ta thanë se ti e din ma mir se si jan mundësit aty…”
Kurse Nuredin Dumani i përgjigjet: “…jo s’më duhet makina, po e bom kështu. Do maroj se zbën s’ka nga të futet mo ai, osht në kryq tani, s’ka gjalles në tokë që e shpëton…”.
Ndërsa Mavraj ia kthen duke i dërguar mesazhin duke nënkuptuar garancinë për pagesën 200 mijë euro për krimin: “…vlla për ça kemi fol me thuj 3-4 dit para që të kryhet puna dhe për ça kemi fol i ke te unë ose gjejmë një shok të përbashkët e i stakojme aty te një i tret si ta mendosh ti…”.
Ndërsa komunikimi i tyre, ka vijuar përmes aplikacionit “Sky”, duke shkëmbyer informacione për llojin e makinës, një “Golf 7”R32 që lëvizte Dorian Duli dhe Genc Tafili.
Sipas bashkëbisedimit Nuredin Dumani, pranon të takohet me Bardhyl Mavraj, por pasi të kishte kryer vrasjen e Dorian Dulit dhe atëherë sipas Dumanit takimi do bëhej njësoj si Ismail Qemali dhe Isa Boletini.
“…po mo vlla do takojm…por thashë takoj si Ismail Qemali me Isa Boletinin me flamur në dor, ta kisha hek këtë kuçkën…Dorin…e të vij në takim me faqe të bardhë…”- i shkruan Nuredin Dumani, Bardhyl Mavraj, djalit të xhaxhait të Behar Bajrit./Syri.net
ANGLI- Një hajdut serial me origjinë shqiptare që kishte në shënjestër banesat në Berkshire, si pjesë e një ...
pamje nga protesta TIRANË- Sot mbahet protesta e 53-të radhazi kundër qeverisë së Edi Ramës. Qytetarët shprehe...
Ish-drejtori i Teatrit Kombëtar, Hervin Çuli riktheu në vëmendje përmes një statusi në Facebook më 14 korrik një...
LUSHNJE- Një aksident rrugor ka ndodhur mëngjesin e kësaj të mërkure në aksin Rrogozhinë-Lushnjë, në vendin e njo...
foto ilustruese HIMARË- Një ngjarje e rëndë ka ndodhur në orët e para të mëngjesit në Himarë, ku një...
pamjet KRUJË- Vendgrumbullimi i mbetjeve urbane në rrethin e Krujës është përfshirë nga flakët, duke shkrumbuar&nb...
pamjet VLORË- Një stuhi e fortë ka përfshirë qytetin bregdetar të Vlorës mbrëmjen e kaluar, në kulm...
SARANDË- Stuhia ka përfshirë mbrëmjen e kaluar edhe qytetin bregdetar të Sarandës, duke shkaktuar kaos në vetëm p...
Bumi i turizmit dhe dobësia e prodhimit vendas në Shqipëri kanë shtuar importet dhe vlerën e krijuar në vendet e BE-së. Sip...
TIRANË- Sot vendi ynë do të jetë nën ndikimin e masave ajrore të paqëndrueshme. Moti parashikohet me vranësira t&...
